San Juan 13:8 - Diósïri Karakata P´urheepecha Jimbo

⁸ Simoni Pédru arhispti: “Nómendurini jupandukuaka.” Jesusi arhispti: “Engakini no jupandukuska nóri jíndeni jinguniuaka.”

San Juan 13:8 Iomraidhean Croise

San Mateo 16:22

Ka Pédru Jesusini támu pératini xukaspti ka arhispti: “Tata, p'amojkukorhe ¡Nóri ísï úkorhenchaaka!”

San Mateo 21:29

Ka ima mókukorhespti: ‘¡No niuaka!’ Ka xásï míantaspti ka niraspti.

San Mateo 26:33

Ka Pédru arhispti: “Náuejkiksïni iámenduecha jurajkuni, jíkini nómeni jurajkuaka.”

San Mateo 26:35

Ka Pédru arhispti: “Nómenikini no míteni uandaaka, nájtukani t'úngeni jinguni uarhiaka” ka máteru jurhengorherichaksï májkueni arhisïrempti.

San Juan 13:6

Enga Simoni Pédruni andarherapka; ima arhispti: “Acha, ¿Nénajturini t'u jupandukua?”

San Juan 13:9

Simoni Pédru arhispti: “Acha, ásïrini jinijku jupanduku jiájkani, jupajkutarini ka jupajtsïtajturini.”

San Juan 3:5

Jesusi arhispti: –Sési jimbokini arhisïnga eska ne enga no itsï ka espiritu jimbo andajpenuska, no úsïnga Diósïri Irechekuarhu inchani.

Hechos 22:16

Kókuani, ¿Amberi erokaxaki? Jauara ka itsï atajtsï ka imeri jakangurhikua jimbo chéti k'amanharhintskuechani kénditaa ka pímbinhaxentani.”

1 Corintios 6:11

Ka chájtsï máru urhetku xárhatispka, k'órujtsï iásï sési jajkunhantaskia ka pímbinhajkunhantaskajtsïa, ka kaxumberanhantaskajtsïa Acha Jesukristueri jakangurhikua jimbo, ka ístu juchari Diósïri Espirituni jimbo.

Efesios 5:26

Íni ambe ísï ústi imerirakorheni ka imeri uandakua jimbo pímpinhajkuntasti,

Colosenses 2:18

Ásïksïni nema tandonhaste, náuejkiksï kaxumbiti arhikorheni o ánjelichanksï uandani k'éri ambe arhiani, ískuksïsï exeni uandajti ka teparakorhesïndiksï xántkisï eratseparini,

Colosenses 2:23

Sési arhijpeni jarhasïndi engaksï sési niántani miátarpentajka ka eska kaxumbenhantaaka ka eska no xáni jurajkutakorhenhaaka, k'óruksï no úsïndi arhistatspeni enga tsitikua ambe jarhajka.

Tito 3:5

p'ímutantastijtsïni, no imani ambe jimbo engachi xáni sési ambe úka, sánderu sáni imeri p'amojkperakua jimbo ka íni jurhiatekua anapuecheri jimbanherantskua jimbo ka Espiritu Sántueri jimbanherantskua jimbo,

Hebreos 10:22

ju je mintsita jinguni andarhentani, k'ámak'amasï jakajkuparini, mintsitechani pímbinhajkuantaatini, eska nómbema nemani pakanhekutini jauaka ka ambakiti ítsï jimbo jikuantatini.

Apocalipsis 1:5

ka ístu Jesukristueri enga mintsinharhikueka ka enga urheta tsíntaka, enga iámendu irechechani íni parhakpeni k'érikuaani jaka. Ka engajtsïni xénhchajka ka imeri iurhiri jimbo k'amanharhintskuechantsïni kénditacheani,

Apocalipsis 7:14

Ka ji arhintaspka, “Acha jucheti, t'úri míteskia” ka imarini arhispti: Indeksïsï xáni nósesi kángateti; ka xukuparhakuechanksï jupakorhiantastia ka t'uput'upujkuantastiksïa karichiri iurhiri jimbo.