San Juan 13:5 - Diósïri Karakata P´urheepecha Jimbo

⁵ Tátsekua urhanirhu ma itsï jatsiraspti ka uénaspti jurhengorheri jémbechani jupandukuani ka imani takusï jimbo kutsundukuantaaspti enga jóangorhetini jápka.

San Juan 13:5 Iomraidhean Croise

San Lucas 7:38

Ueparini, Jesusini andandukueraspti ka uekua jimbo úndaspti kuakandurhatani, tátsekua jauiri jimbo kutsundukuntaspti, ka no jurajkuntaspti putindukuni ka p'untsumekua atandukuni.

San Lucas 7:44

Ka uarhitini erateparini, Jesusi Simonini arhispti: –Íni uarhitiniri exeskia; ji chéti k'umanchekuarhu janoska, ka nórini sáni íntskuska itsï engani jupandutarapiringa; ka inde uarhitirini inderi uekua jimbo jupandukusti, ka inderi jauiri jimborini kutsundukuntasti,

San Juan 13:10

Jesusi arhispti: “Ima enga jikuarini jaka, no uétarhesïndi juparhekorheni, [jupanduntanderkusï uétarhejtia] iámu pímbinhasï jarhasti. Ka chájtsï pímbinharhati jarhaska, enga úka nójtsï iámendu pímbinharhaska.”

San Juan 13:6

Enga Simoni Pédruni andarherapka; ima arhispti: “Acha, ¿Nénajturini t'u jupandukua?”

San Juan 13:8

Simoni Pédru arhispti: “Nómendurini jupandukuaka.” Jesusi arhispti: “Engakini no jupandukuska nóri jíndeni jinguniuaka.”

San Juan 19:34

Enga úpka ima ma isï p'urhejkuti tiámu atajperakua ma jimbo t'anharhenhaspti ka iurhiri ka itsï uéraspti.

Hechos 22:16

Kókuani, ¿Amberi erokaxaki? Jauara ka itsï atajtsï ka imeri jakangurhikua jimbo chéti k'amanharhintskuechani kénditaa ka pímbinhaxentani.”

1 Corintios 6:11

Ka chájtsï máru urhetku xárhatispka, k'órujtsï iásï sési jajkunhantaskia ka pímbinhajkunhantaskajtsïa, ka kaxumberanhantaskajtsïa Acha Jesukristueri jakangurhikua jimbo, ka ístu juchari Diósïri Espirituni jimbo.

Efesios 5:26

Íni ambe ísï ústi imerirakorheni ka imeri uandakua jimbo pímpinhajkuntasti,

1 Timoteo 5:10

Ka engaksï sési jásï k'uiripueni mítekateuaka ka engaksï uájpechantu sési t'arhexeraaka, ka engaksï chéni jémbo tsípekua jinguni eropepka, ka engaksï jarhuatapka jakajkutichani ka ístu imechani engaksï kómu nitamakorheni jápka, eskaksï méntku ísï sési ambe niátatiuaka.

Hebreos 10:22

ju je mintsita jinguni andarhentani, k'ámak'amasï jakajkuparini, mintsitechani pímbinhajkuantaatini, eska nómbema nemani pakanhekutini jauaka ka ambakiti ítsï jimbo jikuantatini.

1 Juan 1:7

Ka engachi t'ímarhandu irekani jarhajka, ísï eska Diósï na t'ímarhandu jaka, ísïchi k'óru májkuentatixaka, ka Uájpa Jesusiri iurhirijtsïni iámendu járhati k'amanharhintskuechani p'ikurhentasïndi.

1 Juan 5:6

Jesukristusï juchantsïni jinguni itsï ka iurhiri jimbo juti: Ka no itsï jimbojku, sánderu sáni itsï ka iurhiri jimbosï juti; ka Espiritu uandantaxati jimboka Espíritu imeska enga ísïka.

Apocalipsis 1:5

ka ístu Jesukristueri enga mintsinharhikueka ka enga urheta tsíntaka, enga iámendu irechechani íni parhakpeni k'érikuaani jaka. Ka engajtsïni xénhchajka ka imeri iurhiri jimbo k'amanharhintskuechantsïni kénditacheani,

Apocalipsis 7:14

Ka ji arhintaspka, “Acha jucheti, t'úri míteskia” ka imarini arhispti: Indeksïsï xáni nósesi kángateti; ka xukuparhakuechanksï jupakorhiantastia ka t'uput'upujkuantastiksïa karichiri iurhiri jimbo.