San Juan 13:3 - Diósïri Karakata P´urheepecha Jimbo

³ Jesusi míteparini eska Táte iámendu ambe íntskuspka ka eska ima Diósïni jimbosï júpka ka eska ménderu Diósïni jingunisï níntani jámempka,

San Juan 13:3 Iomraidhean Croise

San Mateo 11:27

“Jucheti Táterini iámendu ambe jurajkuchesti. Tátejkusï Uájpani míteti, ka Uájpajkusï Táteni míteti, ka Uájpa ne engani uékauaka mítetaraani.”

San Mateo 28:18

Jesusi andarheraaspti ka arhiaspti: “Iámendu jásï juramukua auandarhu ka echerindu intsïnhaska.

San Lucas 10:22

“Jucheti Táterini iámu ambe íntskusti. Nónema mítesti nésï uájpe, Tátejku; ka nónema mítesti nésï Táte, Uájpajku ka imajku enga Uájpa uékaaka mítetarani.”

San Juan 1:18

Nónema exesti Diósïni, nómeni; Uájpajtsïnisï mítetarati, enga Tátjemba jinguni májkuentatini jaka, Ima mítetarpesti.

San Juan 13:1

Páskueri k'uínchekua andamutani, Jesusi mítetini eska ixu parhakpeni jurhiata janokuspkia uéjpentani ka Táte jinguni níntani, xénhchaaspti parhakpeni anapuechani engaksï imani chúxapempaka, ka k'amarhuni jamberi xénhchaasti.

San Juan 17:2

Ka májkueni eskari na juramukua íntskuka iámendu parhakpeni anapuechani jinguni, jiáreta eskajtu úaka intsaani méntku isï anapu irekua imechani engari t'u íntsaaka.

San Juan 3:13

“Nónema karhanchetisti auandarhu, imajku enga auandarhu uératini kétsetika; Acha Uájpanisïni arhini jaka.

San Juan 3:35

Diósï Táte, Uájpani xénhchasïndi, ka iámendu ambe jimbo juramukua íntskusti.

San Juan 7:29

Ji míteska imani, jimbokani imeriska ka imarini axasti.

San Juan 7:33

Jimajkani Jesusi uandaspti: –Sánderkusïni chánksïni jinguni jauakia, ka tátsekua k'uanhatsentaaka imani jinguni engarini axaka.

San Juan 8:14

Jesusi arhiaspti: –Engani uandantani jaka isïsti, náuejkini uandakorhentani jarhani, jimbokani míteska ji nani jutiski, ka nani niraxamki; ka chájtsï no míteska ji nani jutiski, ka nani niraxamki.

San Juan 8:42

Jesusi arhiaspti: –Enga sési jimbo Diósï chári tátepiringa, chájtsïni xénhchapiringa, jimbokani ji Diósïri uéjtateska ka imeri jimbo jurhaska, ji no p'itsïkorheska jurhani, Diósïrinisï axati.

Hechos 2:36

“Mítetini jaueksï Israeli anapuecha, eska Jesusini engajtsï cháparhataka, Diósï újchakurasti ka Acha ústi.”

1 Corintios 15:27

Jimboka Diósï iámendu ambe Krístueri juramukua jimbo jurajkuska. Ka enga arhijka eska iámendu ambe imeri juramukua jimbo jarhaska, ámbantku kurhangukorhesti eska Diósïni no inchataxaka. Jimboka Diósïsï iámu ambe imani jurajkukuka.

Hebreos 1:2

Íni jurhiatekuechantsïni Tata Kuerajpiri, Uájpani jimbo uandajpasti Uájpa enga iámu ambe míndakuka jurajkukuni, imani engajtu jimbo iámendu ambe kueraaka.