San Juan 13:1 - Diósïri Karakata P´urheepecha Jimbo

¹ Páskueri k'uínchekua andamutani, Jesusi mítetini eska ixu parhakpeni jurhiata janokuspkia uéjpentani ka Táte jinguni níntani, xénhchaaspti parhakpeni anapuechani engaksï imani chúxapempaka, ka k'amarhuni jamberi xénhchaasti.

San Juan 13:1 Iomraidhean Croise

San Mateo 26:45

Ka xásï jurhengorherichani andarhentaaspti ka arhiaspti: “¿Andi k'uíxakiterujtsï, ka mintsikorheni jarhani? Iásïstia enga Acheti Uájpa k'amanharhintatichani intsïnharhitanhaaka.

San Mateo 28:20

Ka jurhendaa je eskaksï úraaka iámendu ambe engaksïni ji jurhendaka. Ka ji, parhakpeni k'amakurhikuarhu jamberi mándani pauani chánksïni jinguni jauaka.”

San Lucas 22:53

Mándani pauani k'éri tiósïo chánksïni jinguni jámaxaka, ka nójtsïni méni jupikaska. K'óru i jándu cháristi, enga pájpakandeni jarhajka.

San Lucas 9:51

Enga na niárani jápkia jurhiata enga Jesusi auandarhu kénchentapiringa, uinhauinhajtsïparini uéraspti Jerusaleni nirani.

San Juan 11:55

Judiouecheri páskueri k'uínchekua andamutaxaptia, ka uánekuaksï urhepaspti Jerusaleni karhamani pímbinhaxentskueri p'indekua úni.

San Juan 12:23

Jesusi arhiaspti: –Janostia jurhiata enga Acha Uájpa k'érikuarhu péranhaaka.

San Juan 13:29

Ka jimboka Júdasï tumina patsaripka, máruksï eratsesïrempti eska Jesusi arhikuekaxamempka: “Kókuani pia enga k'uínchekuarhu úrakua kueratani jaka”, o eska no jatsikorherichani sáni ambe íntsaapiringa.

San Juan 13:3

Jesusi míteparini eska Táte iámendu ambe íntskuspka ka eska ima Diósïni jimbosï júpka ka eska ménderu Diósïni jingunisï níntani jámempka,

San Juan 13:34

Jimbanhe juramukua máksïni jurajkuchexaka: Eskajtsï xénhchperaaka. Májkueni eskaksïni ji na xénhchkaka, chájtu májkueni xénhchpera je.

San Juan 14:28

Kurhariskajtsï engani ji uandaka: ‘Níntaaka ka junguaaka chánksïni jinguni.’ Ekajtsïni xénhchapiringa, chájtsï tsípepiringa engani Táte jinguni níntapiringa, jimboka Táte jíndeni jinguni sánderu k'ériska.

San Juan 14:31

mítenhe k'óru eskani ji Táteni xénhchasïnga ka eskani imani ambe úsïnga eskarini Táte na juramucheka. Jauara je. Juia je ixu kéndikuni.”

San Juan 16:28

Táteni uéakuska ka parhakpeni jurhaska. Ka iásï ménderuni uéjpentaaka Táte jinguni niántani.”

San Juan 17:1

Enga na ísï ambe uandapka, Jesusi erancheparini uandaspti: “Táte iásïstichkia; chéti Uatsïtini k'érikuarhu péra, eskakini ísï jámani indejtu túngeni k'érikarhu péraaka.

San Juan 17:16

Indeksï no parhakpeni anapuesti, májkueni eskani ji na no parhakpeni anapueka.

San Juan 17:26

Ji mítetaraaska ka mítetarauakateruni néskiri, eskaksï ísï jámani indejtu májkueni xénhchperaka eskarini t'u na xénhchaka jíndeni, ka eskani jíjtuni imechani jinguni jauaka.”

San Juan 17:5

Ka iásï, Táte, t'úrini k'érikuarhu péria, chéti ma akandani eskani jiántki uératini na sési jápka enga parhakpeni nótki jamberi jarhempka.”

San Juan 18:4

Ka Jesusi, jimboka mítetixapka ambe enga xáni úkorhenchapiringa, kúmaaspti ka kurhamarheani: –¿Néntsï uéksïni?

San Juan 19:28

Tátsekua Jesusi mítetini eska iámu ambe ísï úkorhespkia, ka eska úkorhepiringa eska na karakata jaka, uandaspti: –K'arhichaxaka.

San Juan 2:13

Ka jimboka janoxapkia páskua, enga judiouecheri k'uínchekueka, Jesusi Jerusaleni niraspti.

San Juan 6:4

Judiouecheri k'uínchekua páskueri andamutaxaptia.

San Juan 7:30

Jimajkanksï jupikani uékaspti, k'óru nónema tekaaspti, jimboka nótki niárakusïrempka jurhia.

San Juan 7:6

Jimajkani Jesusi arhiaspti: –Jucheti jurhiatarini nótki janochexati, enga úka, chájtsï ambe uéjki jurhiata sési xésïnga.

San Juan 8:20

Ísï ambe uandaspti Jesusi Tióstarhu jurhentpeni jatini, jima engaksï k'éjtsïtatarakuecha jápka. Ka nónema jámaspti jupikakuekani, jimboka nótki niaranchasïrempka.

Romanos 8:37

Iámendu indeni ambechi andasïnga, imeri jimbo engajtsïni xénhchaka.

1 Corintios 1:8

ka k'amarhuni jamberi imaksïnisï uinhaperantaati ka nónemaksïni uáti arhinharhikuni ima jurhia enga Acha Jesukristu junguaaka.

Hebreos 3:14

Jimbokachi Krístuni jinguni márkueskia, ekachi sési anhaxurhikorhetini jauaka mintsikani májkueni eskachi uénani jámantki na mintsikani jápka.

Hebreos 3:6

Ka Krístu chénjembo urherukusïndi eska uájpa ma enga imeri márkuechani nómeni jurajkuajka; ka engajtsïni juchantsïni nómeni jurajkujka, ekachi nómeni jurajkuni jauaka mintsikani ka ekachi méntkisï tsípekua jinguni mintsikani jauaka.

Hebreos 6:11

Uékaxakachi k'óru, eskajtsï táchani xarhatani jauaka xásï jarhojperata uarhikuarhu jamberi, eskaksïni ísï jámani sési janocheaka ima engajtsï mintsikani jaka,

1 Pedro 1:13

Ísï jimbo, jinguntku ja je, ka míakua juka je, ka indeni kóntperakuani mintsikani ja je, engajtsï intsïnhaaka jiájkani enga Jesukristu ménderu xarhantaaka.

1 Juan 4:19

Juchachi xénhchpesïnga jimbokajtsïni Diósï urheta xénhchaska.

Apocalipsis 1:5

ka ístu Jesukristueri enga mintsinharhikueka ka enga urheta tsíntaka, enga iámendu irechechani íni parhakpeni k'érikuaani jaka. Ka engajtsïni xénhchajka ka imeri iurhiri jimbo k'amanharhintskuechantsïni kénditacheani,