San Juan 11:1 - Diósïri Karakata P´urheepecha Jimbo

¹ P'amenchati ma jarhaspti enga Lásaru arhinhempka, Betania anapuespti, jima engajtuksï Maria ka Marta anapuepka.

San Juan 11:1 Iomraidhean Croise

San Mateo 21:17

Ka kéndikukuaspti ka iretarhu uéakuntaspti ka Betania niraspti ka jima pakaraspti.

San Marcos 11:1

Engaksï Jerusaleni andaparhakuerani jápkia, Betfage ka Betaniaksï niáraxapti, Olibusïrhu juátarhu isï, jima uératini Jesusi axaaspti tsimani jurhengorheri jémbechani,

San Juan 11:11

Tátsekua uandasptiteru: –Juchari p'íchpiri Lásaru k'uíxati, ka niuaka tsínharhitani.

San Juan 11:18

Betania Jerusaleni no iauani jarharetinispti, tanimu (3) kilometru isï;

San Juan 11:19

ka uánekuaksï judiouecha niraspti Mártani ka Mariani p'urhembeni, kurhambeantaani enga erachi jémba uarhipka.

San Juan 11:3

Ka imaksï Lásarueri pípa jémbecha Jesusini arini uandakua axakuspti: –Acha, chéti p'íchpiri enga t'u xáni xénhchajka p'amenchaxati.

San Juan 12:17

Ima engaksï xáni exepka enga Jesusi Lásaruni ióarhintapka tsítantani, uandantasïremptiksï.

San Juan 12:9

Uánekuaksï judiouecha Betania niraspti engaksï mítepka eska Jesusi jini jámaxapka, ka nóksï Jesusintkusï eranhaskani jápti jini exeni, Lásaruntuksï jini uéksïrempti exeni, imani enga Jesusi tsítantapka.

Hechos 9:37

Ka imani jurhiatekua jimbo p'amenchaspti ka uarhispti. Engaksï jikuarantapka, k'umanchekuarhu iótakuarhuksï péntaspti.