San Juan 1:51 - Diósïri Karakata P´urheepecha Jimbo

⁵¹ Jesusi uandasptijtu: –Sési jimboksïnisï arhini jaka, eskajtsï iásï uératini cha auandani mítakorhetini exeaka, ka Diósïri ánjelichantsï exeauaka engaksï kétseni ka karhanchentani jauaka Acha Uájpani andarhentani.

San Juan 1:51 Iomraidhean Croise

San Mateo 25:31

“Jiájkani enga Acheti uájpa t'íntskua jinguni ka imeri pímbinharhati ánjelichani jinguni junguaka, imeri k'éri uaxantskua t'íntskuerikuarhu uaxakaati,

San Mateo 26:24

Sési jimbo Acheti Uájpa níntaati, ísï eskamendu imeri ambe na karakata jaka, k'óru ¡Áke ima enga Acheti Uájpani intsïnharhitpeaka! ¡Sánderu sésipirindi eska no andajpenupiringa!”

San Mateo 3:16

Ka enga Jesusi itsï atajtsïtini uémentani jápka, jimajku auanda mítakorhespti ka eranchespti Diósïri Espirituni enga jipunhini jásï ma kétseni jápka ka imani andajtsïkueraspti.

San Mateo 4:11

Jiájkani nóambakiti Jesusini jurajkuspti ka ánjelichaksï jurhaspti ka marhuakuxaptiksï.

San Mateo 8:20

Ka Jesusi arhispti: –Jiuatsïchaksï irekorhekua jatsikorhesti ka kuínichaksï xerekua jatsikorheasti, k'óru Acheti Uájpa no jamberi jatsikorhesti nani mintsikorheni.

San Mateo 9:6

Jíksïni exeraaka eska Acheti Uájpa, parhakpeni juramukua jatsiska k'amanharhintskuechani púatspeantaani. Ka arhispti imani enga no úempka manakorheni: –Jauara ka k'uírakuani k'arhakorhentsï ka níia níntani.

San Marcos 1:10

Uémentani jámani, Jesusi exespti eska auanda mítakorhexapka ka eska Espiritu kétsexapka imani andajtsïkuerani, jipunhini jáxespti.

San Marcos 14:62

Ka Jesusi arhispti: –Jo Jíska. Ka Acheti Uájpanitsï Diósïri uinhapekuarhu jurhijkandani xéaka enga uaxakatini jauaka, ka enga janikuarhu junguani jauaka.

San Lucas 2:13

Ka ístuksï mátirku, ánjeli jinguni, máteru ánjeli auandarhu anapuecha xarharaspti, engaksï Diósïni k'éri ambe arhimpka, ísïksï uandaparini:

San Lucas 2:9

Ka mátirku Acheri ánjeli ma xarhakuaspti, ka ma uirhipandani Acheri t'íntskua t'íntskakuaspti; ka kánekuaksï chérakorhespti.

San Lucas 22:43

[Enga ísï úkorheni jápka, auandarhu anapu ánjeli ma xarharaspti uinhapekua íntskuni.

San Lucas 22:69

Enga úka, iásïtki uératini acheti Uájpa, Diósï uinhapitini t'irejkandani uaxakakutini jauatia.

San Lucas 24:4

Ka ískuksï pakareraspti ísï exerini; ka jimajkuksï xarhakuaspti tsimani acheticha, anhaxurhitinksï jarhani ma akandani, meremerekjasï ambeksï xukuparharini.

San Lucas 3:21

Arisï úkorhespti enga Juánu itsï atajtsïkpeni jápka, Jesusijtu itsï atajtsïkunhaspti; ka enga na uandamukukorheni jápka, auanda mítakorhespti

San Juan 1:50

Jesusi arhispti: –¿Andi imani jimbojkurini jakajkuchexaki engakini arhika eskakini jígusïrhu jandukutini exespka? Sánderuri k'éri ambeterurisï exeaka.

San Juan 10:1

Ka jimajkani Jesusi uandaspti: “Sési jimboksïni arhixaka eska, ne enga no karichi incharantskuarhu isï niárajka karichichani exeani, inchatspiristi ka sïpajkurheni.

San Juan 10:7

Jesusi ménderu arhiaspti: “Sési jimboksïni arhixaka: Ji inchakueska, engaksï isï karichicha inchajka.

San Juan 13:16

Sésesi jimbomenduksïni arhixaka: Jántspiri no sánderu ambesti eska ánchetpiri jémba, ka ánchperata úrijtu no sánderu k'éristi eska ima enga axaka.

San Juan 13:38

Jesusi arhispti: –¿Ambe, t'u uarhia jíndeni jimbo? Sésesi jimbomendukini arhixaka: T'arhechu nótki jamberi uerani jauati, engarini t'u t'uíni tanimu xanharhi no míteni uandaakia.

San Juan 14:12

Ísïmenduesti engaksïni arhini jaka: Ne engarini mintsïkaska, imajtu imani ambe úati engani ji újka, ka sánderu k'érati ambeteru úati jimbokani ji tátenisïni andarhentani jámka.

San Juan 16:20

Sési jimboksïni arhixaka eskajtsï ueraska ka eskajtsï p'amondakorheaka, ka parhakpeni anapuechaksï tsípeati. Mískorheakajtsï, enga úka, chári mískorhekua tsípekua úkorhentaati.

San Juan 16:23

“Jiájkantsïni nóteru ambe ma kurhamarheakia. Sésimendu jimboksïnisï arhini jaka: Ambe engajtsï Táteni xáni jucheti jimbo kurhakuska, íntskuatiksïni.

San Juan 21:18

Sési jimbokinisï arhini jaka eskari t'u tumbiparini jóangorhekorhentasïrempka, ka nirasïrempkari nani engari t'u uékempka nirani; k'óru engari na t'arhepeakia, iójkurhantaakari ka máteru nemakini jóangorhetantantaati ka nani engari no ninhejchani jauaka jiniksïni páati.

San Juan 3:3

Jesusi arhispti: –Sési jimbokini arhixaka eska ne enga no ménderu uéntaska andajpenuni, eska ima no úsïnga Diósïri Irechekuani exeni.

San Juan 3:5

Jesusi arhispti: –Sési jimbokini arhisïnga eska ne enga no itsï ka espiritu jimbo andajpenuska, no úsïnga Diósïri Irechekuarhu inchani.

San Juan 5:19

Jesusi arhiaspti: “Sési jimboksïni arhixaka eska Diósï Uájpa nómbema úsïnga úni jandiojku; imani ambejkusï újti enga Tátjembani exeni jarhajka. Iámu ambe enga xáni Tátjemba újka, Uájpajtu úsïndi.

San Juan 5:27

ka íntskusti juramukua arhinharhikpeni, jimbokajtu támu acheti Uájpeska.

San Juan 6:26

Jesusi arhiaspti: –Jíksïni sési jimbo arhixaka eskajtsïni cha jirinhantaxaka no jimbokajtsï kurhangukia milagruechani sánderu sáni jimbokajtsï niáchantaska t'ireni.

San Juan 6:32

Jesusi arhiaspti: –Jurhimbitkuksïni aianguxaka, nóksïni Moisesisï t'irekua auandarhu anapu íntskupti, jucheti Táteksïnisï ambakiti t'irekua auandarhu anapu íntskujti.

San Juan 6:47

Sési jimboksïni arhixaka, ne engarini mintsikajka, méntku isï anapu ambakiti irekua jatsikorhestia.

San Juan 6:53

Jesusi arhiaspti: –Sési jimboksïnisï arhijka eska engajtsï Acha Uájperi k'uiripuekuani ka iurhirini no arhaska, nójtsï p'iuaka ambakiti tsípekua.

San Juan 8:34

Jesusi [fariseuechani] arhiaspti: –Sésiksïnisï arhini jaka eskajtsï iámendu ima engaksï k'amanharhintajka, k'amanharhintskueriksï jántspiristi.

San Juan 8:51

Sési jimboksïni arhixaka, ne enga kurhandirakuska jucheti uandakuani, no uarhiati.

San Juan 8:58

Jesusi arhiaspti: –Sési jimboksïni arhixaka eskani ji Abrani jinguni t'uínispkia.

Hechos 10:11

Auandani mítakorhetini exespti ka takusïni jásï ma kétsexapti enga t'ápuru jórhupka,

Hechos 7:56

Ka uandaspti: –Exexaka auanda mitakorhetini jarhani ka acheti Uájpani enga Diósïni jurhijkandani jakuka.

2 Tesalonicenses 1:7

ka chánksïni ka juchantsïni, engachi nósesi kánhajka mintsikustaatijtsïni. Jiájkani enga Acha Jesusi xarhanchentaaka imeri uinhapiti ánjelichani jinguni.

2 Tesalonicenses 1:9

Imaksï méntku k'ámajkunhaati ka nóksï úati Achani xéntani, ka nójtuksï exeati imeri t'ínskueri uinhapekuani jimbokaksï iauani jarhaparhatanhaaka.

1 Timoteo 3:16

Indeni jimbochisï jucha Diósïni íntskukorhentajka irekani, ka enga xáni k'éka inde enga ísïka engachi iásï xarhatamenhani jaka: Krístu k'uiripu úkorhesti, ka Espiritu Sántu jimbo andani uerasti, ka ánjelichaksï exesti, ka imeri ambe iámu parhakpeni mítekorhesti, ka iámenduechaksï jakajkusti, ka t'ímarhandekuarhu eronhantasti.

Hebreos 1:14

¿Andi nóksï iámendu ima espiritueski engaksï Diósïri jántspirika imecheri engaksï p'ímutperatskua p'iuaka?

Judas 1:14

Enoki, ima enga Adaniri iúmu tsimani sïrukueka jémbepka, indecheri ambe uandarixaptia: “Exe je, Acha uánekua ánjeli jémbecha jinguni janosti.

Apocalipsis 19:11

Ka exespka auanda mítakorhetini jarhani; ka tekechu urapiti ma xarharaspti: Ka jatari arhinhasïrempti: “Mintsinharhikua” ka “No chkuándira”; ka sési juramutspesïndi ka sési jimbo uarhipeni.

Apocalipsis 4:1

Ka tátsekua eranchespka ka auanda mítakorhetini jarhani, ka uandakua engani urhetku kurhapka, enajki nema kústakua p'uninhani japi, arhisptirini: “Karhara axueni ka exerakakini íni ambe enga tátsekua úkorheaka.”