San Juan 1:42 - Diósïri Karakata P´urheepecha Jimbo

⁴² Tátsekua Andresï jima páspti enga Jesusi jápka; ka enga Jesusi exepka, arhispti: –T'úri Simoniska, Juánu uájpa, ka iásïri Séfasi arhinhaakia (enga Pédru arhikuekajka, ka Pédru tsakapu arhikuekasïndi).

San Juan 1:42 Iomraidhean Croise

1 Corintios 15:5

ka enga Pédruni xarhakuntapka, ka tátsekua témbeni tsimani jurhengorherichani.

1 Corintios 3:22

Páblu uénani ka Apolusï, ka Pédru ka parhakpeni ka tsípekua ka uarhikua, ka i jurhiatekua ka pauani jamberi; iámendu ambe cháristi,

1 Corintios 1:12

Arhikuekaxaka eskajtsï máru uandaxaka: “Ji Páblu jinguniska;” ka máteruecha eskaksï “Apolusï jinguniska;” ka máteruecha eskaksï “Séfasi jinguniska;” ka eskaksï máru “Krístu jinguniska.”

Gálatas 2:9

Ka Santiagu ka Pédru ka Juánu, ima engaksï urhejtsïkuri exenhani jaka, jupijkusptijtsïni jíndeni ka Bernabeni ísï xarhataparini eskaksï jaiapanhentaspka, ka eskani jucha no judiuechani jinguni nipiringa ka imaksï judiouecha jinguni nipirindi.

1 Corintios 9:5

¿Ka jamberichi úaka pájtakorheni juchari uarhiti jakajkutichani, ísï eskaksï máteru uandakua páricha na újka, ka Acheri erachi jémbecha, ísï eska Séfasi na újka?

San Mateo 10:2

Ístiksï témbeni tsimani jurhengorhericha: Simoni uénani enga Pédru arhinhempka; ka erachi jémba Andresï; ka Juánu, Sebedeo uájpecha;

San Lucas 5:8

Simoni Pédru ísï exeparini Jesusini tinguixurhikuspti ka arhini: –¡Acha, jarharentsïrini jimbokani ji k'amanharhintstiska!

San Juan 21:2

Simoni Pédru ka Tomasi ima engaksï kuáti arhimpka, ka Nataneli enga Kana Galilea anapuepka ka Sebedeo uájpecha ka máteruksï tsimani jurhengorherichaksï márku jarhaspti.

San Marcos 3:16

Arini témbeni tsimani erakuaspti: Simonini, enga tátsekua Pédru jakangurhipka;

San Juan 13:18

No iámendu cha jimbosïni arhini jaka; ji míteaska engani erakuakia; enga úka úkorhenisï úkorheati enga Karakata jaka: Ima enga jíndeni jinguni t'ireni jaka t'auarhekuekaxatirinia.

San Lucas 6:14

Arichani: Simoni, engajtu Pédru arhimpka; Andresï, Simoniri erachi jémba ka Santiagu ka Juánu ka Felipe ka Bartolome

Gálatas 1:18

Tátsekua tanimu uéxurhini jimbo, Jerusaleni karhamaspka Pédruni míteni, ka témbeni iúmu jurhia ima jinguni pakaraspka.

Gálatas 2:11

Ka jiájkani enga Pédru Antiokia janopka, ji arhinharhikuspka, jimboka arhikuespka imani ambe jimbo eska na jámani jápka,

San Juan 4:16

Jesusi arhispti: –Ni urheta p'irani chéti achetini.