San Juan 1:13 - Diósïri Karakata P´urheepecha Jimbo

¹³ Ka Diósï uájpestiksï, no jimbokaksï ísï andajpenuka, ka níjtu jimboka k'uiripu erakuaska, sánderu sáni, jimboka Diósï kuerauaska.

San Juan 1:13 Iomraidhean Croise

San Mateo 3:9

ka ásï cha jandiojku arhikorhe je: ‘Abrani juchari Tátesti.’ Jimbokaksïni ji arhixaka eska Diósï úsïnga íni tsakapuechani jamberi Abrani uájperantaani.

San Juan 3:3

Jesusi arhispti: –Sési jimbokini arhixaka eska ne enga no ménderu uéntaska andajpenuni, eska ima no úsïnga Diósïri Irechekuani exeni.

1 Corintios 3:6

Jí ikaraska ka Apolusï itsï jatsikusti, k'óru Diósïni jimbosï újti ambe k'eni.

Filipenses 2:13

jimbokaksïni Diósïsï p'ikuastaka ka cha uékani sési ambe úni, ka imaksïnisï p'ikuarhenhetaati nénajtsï jáma,

Tito 3:5

p'ímutantastijtsïni, no imani ambe jimbo engachi xáni sési ambe úka, sánderu sáni imeri p'amojkperakua jimbo ka íni jurhiatekua anapuecheri jimbanherantskua jimbo ka Espiritu Sántueri jimbanherantskua jimbo,

Santiago 1:18

Jimboka Diósï ísï tsípentaska, tsípekuajtsïni íntskusti uandakua jimbo enga ísïka, jimbokajtsïni ima juchantsïni sánderu urhepani pérakorheska imeri kueraakatecha jinguni.

1 Pedro 1:23

jimbokajtsï ménderu kángorhenhantaskia, tsïuakua ma jimbo enga no terejka, Diósïri uandakua jimbo, enga tsípitika ka enga nómeni k'amakurhijka.

1 Pedro 1:3

Diósï, juchari Acha Jesukristueri Tátjemba xáni k'éristi, engajtsïni p'amojkuka ka Jesukristueri tsíntskua jimbojtsïni jimbanherantasti, ka mintsikakua tsípekuerijtsïni íntskusti,

1 Pedro 2:2

Ísï eskaksï charhakuecha na jámka engaksï kángorhenhatintku jarhajka ambakiti etsukua uékani, chájtu májkueni ambakiti uandakua jirinhantsï je, eskajtsï indeni jimbo uinhapeaka ka p'ímutantskorhentsï,

1 Juan 3:9

Nónema enga Diósï uájpeka k'amanharhintasïndi, jimboka Diósï jimbanhe irekua íntskuskia; ka jimboka Diósï uájpeskia, nóteru úatia k'amanharhintani.

1 Juan 4:7

Jucheti xénhchakatecha, ju je xénhchperani, jimboka xénhchperata Diósïriska, ka ne enga xénhchpejka, Diósïri kueraakatesti ka Diósïni mítesti.

1 Juan 5:1

Ne engaksï jakajkuka eska Jesusi Krístueska, imaksï Diósï uájpesti; ka ne enga tátjembani xénhchkajka, tátjemberi uájpechantu xénhchaasïndi.

1 Juan 5:18

Míteskachi eska ne enga Diósïri kueraakatekia, nóteru k'amanharhintaxakaia, jimboka Diósïri Kueraakata eranguni jarhasïnga, ka Nóambakiti nóteru p'árhesïndia.

1 Juan 5:4

Jimboka ne enga Diósï uájpeka, parhakpeni anapuechani andaasïndi, ka juchari jakajkukua andaastia parhakpeni anapuechani.