San Juan 1:12 - Diósïri Karakata P´urheepecha Jimbo

¹² K'óru, imechani engaksï jiókorheka ka engaksï jakakuka, íntsaasti sésekua eskaksï úaka Diósï uájpeni.

San Juan 1:12 Iomraidhean Croise

San Mateo 10:40

“Ima engaksïni sési erokaaka, jíndentsïnisï sési erokani jati, ka ne engarini sési erokani jaka, sési erokaxati imani engarini axaka.

San Mateo 12:21

Ka iápuru isï anapuechaksï imeri jakangurhikuani mintsikaati.”

San Mateo 18:5

Ka ima enga jucheti jakangurhikua jimbo sapini ma sési erokaaka, jíndenirini sési erokaxati.”

San Juan 1:11

Imeri iretarhu jurhasti ka ima engaksï imerika nóksï jiókorhesti.

San Juan 1:7

Inde eramarhandekueri ambe jurhasti xarhatani, uandantani eska jupiringa, ka eska iámendu jakajkunhapiringa imani jimbo enga ima uandempka.

San Juan 11:52

ka no ima iretani jimbojku uarhipirindi, imani jimbojtu uarhipirindi eskaksï májkuentaaka iámendu Diósï uájpecha engaksï etsandurikata jámani jápka.

San Juan 2:23

Enga Jesusi, páskueri k'uínchekuarhu Jerusaleni jámani jápka, milagruechanksï exearini uánekua jakajkukuspti.

San Juan 20:31

Ka i ambe karanhasti eskajtsï cha jakajkuaka eska Jesusi Krístueska, Diósï Uájpa, ka eskajtsï jakajkutini, imeri jimbo kámaaka tsípekua.

San Juan 3:18

“Ne enga Diósï Uájpani jakajkujka, no k'amanharhiranhantaati; k'óru ima enga Diósï uájpani enga jandiójkueka no jakajkujka, k'amanharhirantskatestia jimboka no jakajkukusïnga.

Hechos 3:16

I acheti engajtsï cha xéni jáka ka engajtsï mínharhikuka, ambakentasti Jesusiri jakangurhiakuani jakajkutini; chájtsï íni achetini míteska ka xékorhexakajtsï. Ambakentastia ima jakajkukua jimbo engajtsïni Jesusi íntskuka.”

Romanos 8:14

Iámenduksï Diósï uájpesti ima engaksï uéjka eska Diósïri Espiritu urhekupauaka.

Romanos 8:16

Inde Espiritu juchari espirituni xarhatakuesïndi eskachi Diósï uajpeska.

Romanos 8:19

Iámendu kueraakatechaksï uarhintaxati erokorheni eskaksï xarhatanhaaka néksïsï Diósï uájpe.

Gálatas 3:26

Jimbokajtsï iámenduecha Diósï uájpeska Jesukristuni jakajkutini.

Gálatas 4:6

Iásï engajtsï chájtu uájpentakia, Diósï, uájperijtsïni Espirituni juchari mintsitecharhu pérachesti; ka inde Espiritu uandasïndi: “¡Abba! ¡Táte!”.

Colosenses 2:6

Ekajtsï jiókorhekia eskaksïni Acha Jesukristu juramucheaka, janhanharhichka je,

2 Pedro 1:4

Indeni jimbochi jucha intsïnhaska xáni sési ambe enga ima aiatspeka, indeni jimbojtsï Diósïriuaka, ka ísïksïni no pájtamaati íni parhakpeni anapu ísku jánhchakuarhu enga sánhani arhijka k'amajpeni.

1 Juan 3:1

Exe je na engajtsïni Táte xáni xénhchaka; jamberi úeksïndi eskachi Diósï uájpa arhinhaaka, ka jindeskachi. Jimbojtsïnisï parhakpeni anapuecha no míteti, jimbokaksï ima Diósïni no míteska.

1 Juan 3:10

Sóntku jánhaskorhesïndi ne engaksï Diósï uájpejka ka ne engaksï nóambakiti uájpejka; ne enga nósesi ambe újka o enga erachi jémbani no xénhchajka, ima no Diósï uájpesïndi.

1 Juan 3:2

Xénchakatecha, náuejkichi Diósï uájpekia, nótki xarharasïndi tátsekuachi ambeuaia, mítetixakachi k'óru eskachi jucha Jesukristueni járhantaaka, jiájkani enga ima xarhantaaka, jimbokachi jiákani k'óru sési exeaka ima néna enga jáxeka.

1 Juan 3:23

Ka imeri juramukua arhisïndi eskachi Uájpa Jesukristuni jakajkukuaka, ka eskajtuchi xénhperaaka eskajtsïni ima na juramucheka.