San Juan 1:1 - Diósïri Karakata P´urheepecha Jimbo

¹ Uénantki jámani jarhasptia Uandakua, ka Uandakua Diósï jinguni jarhaspti, ka Uandakua Diósïspti.

San Juan 1:1 Iomraidhean Croise

San Mateo 1:23

“Iurhitskiri ma ixu jarhasti enga uájpani ma kángorheaka, ka Emanueli arhinhaati.” (Enga arhikuekajka: “Diósï juchantsïni jingunisti”).

San Lucas 24:53

Ka méntkuksï tiósïo jarhasptia, Diósïni k'éri ambe arhini.

San Juan 1:14

Ima enga Uandakueka parhakpeni anapu úkorhesti ka jucha jinguni irekaspti. Ka imeri t'íntskuachi xériskia, enga tátjemba íntskuka, jimboka imajkusï Diósï Uájpeka, engamendu k'amak'amasï sésika eska néka ka enga xénhchpirika.

San Juan 1:18

Nónema exesti Diósïni, nómeni; Uájpajtsïnisï mítetarati, enga Tátjemba jinguni májkuentatini jaka, Ima mítetarpesti.

San Juan 1:2

Ima, uénani jámani Diósï jinguni jarhaspti.

San Juan 16:28

Táteni uéakuska ka parhakpeni jurhaska. Ka iásï ménderuni uéjpentaaka Táte jinguni niántani.”

San Juan 17:5

Ka iásï, Táte, t'úrini k'érikuarhu péria, chéti ma akandani eskani jiántki uératini na sési jápka enga parhakpeni nótki jamberi jarhempka.”

San Juan 20:28

Tomasi jiájkani k'óru uandaspti: –¡Jucheti Acha ka jucheti Diósï!

San Juan 8:58

Jesusi arhiaspti: –Sési jimboksïni arhixaka eskani ji Abrani jinguni t'uínispkia.

Romanos 9:5

Ka israelistiksï juchari achamasïchajtu ísï eskajtu Krístu enga k'uiripueni kángorhenhapka, nájkiruka ima Diósïka iámendu amberi. K'éri ambe arhinhe méntkisï. Jo kéri arhinhe.

Efesios 3:9

Ka k'amak'amasï jánhastpeni na enga úkorheka ima ambe enga méntkisï Diósïjku mítetini jápka, enga iámendu ambe kueraaka,

Filipenses 2:6

Jimboka náuejki ima: Ísïpka eska Acha Diósï no jámasti imani ónharhini ka uékani méntkuenini eska Acha Diósï.

Colosenses 1:15

Diósïni nónema úsïndi exeni, Krístu jimbo xarharasti jimboka ima urhejtsïkuska iámendu kuerakata ambeni,

Colosenses 1:17

Ima t'uíni jarhasptia enga nótki ambe ma jápka, ka iámendu ambeni juramukuxati.

1 Timoteo 3:16

Indeni jimbochisï jucha Diósïni íntskukorhentajka irekani, ka enga xáni k'éka inde enga ísïka engachi iásï xarhatamenhani jaka: Krístu k'uiripu úkorhesti, ka Espiritu Sántu jimbo andani uerasti, ka ánjelichaksï exesti, ka imeri ambe iámu parhakpeni mítekorhesti, ka iámenduechaksï jakajkusti, ka t'ímarhandekuarhu eronhantasti.

Tito 2:13

erontaparini sési jásï tekantskua ka enga t'íntskua jinguni xarhantaaka, Jesukristu enga juchari Diósïka, ka enga k'érikamendu,

Hebreos 13:8

Jesukristu méntkisï májkueniuati, ka méntkisï ísïuati.

Hebreos 7:3

no kámsïndi tátjembani, níjtu amambani, níjtu némani kángorhejki, no mítenhasti káni andajpenuski, ni káni uarhiski ka ísï eska Diósï Uájpa, méntkisï tátexati.

2 Pedro 1:1

Simoni Pédru, Jesukristueri jántspiri ka uandakua pári, uadajpaaxaka iámenduechani engaksï juchari Diósïri ka Jesukristu p'ímutantspiri jimbo xáni sési jakajkukuni jaka, ísï eskani jucha na jakajkuni jaka, imaksï no jukari ambe arhijpesïndi.

1 Juan 5:20

Míteskajtuchi eska Diósï Uájpa jurhaska ka eskajtsïni kurhangutarakua íntskuska engachi jimbo Diósïni míteaka, imani enga ísïka. Juchachi imani jinguni jarhaska enga ísïka, Uájpa Jesukristuni; imasï Diósïti enga ísïka ka enga méntkisï tsípekueka.

1 Juan 5:7

Tanimuksï uandantasïndi:

Apocalipsis 1:11

Engarini arhimpka: “Karantsï ka takurantsï ambe engari exeaka, ka iúmu tsimani tángorhekuechani: Éfesu ka Esmirna ka Pérgamu ka Tiatira ka Sárdisi ka Filadelfia ka Laodisea anapuechani axakua.”

Apocalipsis 1:17

Engani éxepka, kuarhatsespka ka miripakurhini ka méntkuni imani andandukuererani; ka imarini jájki t'irejkandani jimbo p'arhespti, ka arhisptirini: Ásï che, jíska uénakua ka k'amarhukua,

Apocalipsis 1:2

eska Diósïri uandakuani uandantaaka, ka ístu Tata Jesukristueri ambe uandantani, ka iámendu ambe enga xékorheka.

Apocalipsis 1:8

“Jíska uénakua ka k'amarhukua,” uandaxati Acha Diósï, “Enga jindeka ka enga jindepka ka enga jurhani jaka, enga iámu uinhapetika.”

Apocalipsis 19:13

Ka takusï iurhiri panchoki jasï ma xukuparhatixapti; “Diósïri uandakua” arhinhansïrempti.

Apocalipsis 2:8

Ka ísï karaku ánjelini enga Esmirna anapu tángorhekuarhu jaka: Ima enga uénani jámani jaka ka k'amarhutani jamberi ísï uandasïndi, enga uarhipkia ka ménderu tsíntani:

Apocalipsis 21:6

Ka arhisptiterurini: “Iámendu ambe úkata jarhastia. Jísïni Alfaeka ka Omegeni, uénakuaka ka k'amarhukuani; Ne enga k'arhichaaka ji itsïarhu anapu itsï tsípekueri intsïmataaka.

Apocalipsis 22:13

Jísïni Alfeka ka Omegeni, uénakua ka k'amarhukua.”

Apocalipsis 3:14

Ka ísï karaku ánjelini enga Laodisea anapu tángorhekuarhu jaka: Ima enga uandantajka ambe enga ísïka, enga mintsinharhikueka ka enga no chkuándirajka, enga Acha Kuerajpiri jimbo uandaka ka iámendu ambe kueraani, arhixatikini: