Apocalipsis 8:7 - Diósïri Karakata P´urheepecha Jimbo

⁷ Ka ánjeli ma uénaspti kústani, ka chpíri ka xánuata uekorhespti iurhiri jinguni jeuekorhetini, ka parhakpenirhu k'uanijpanhaspti; ka sáno terujkani jamberi écherini kurhiraspti, ka sáno terujkani jamberi anhatapuechani kurhiraaspti, ka uitsakua xunhupiti iámu kurhiraspti.

Apocalipsis 8:7 Iomraidhean Croise

Santiago 1:11

jimboka enga uinhamu tsándeni jarhajka, tsïtsïki k'arhisïndi ka tsïpata uauarhuni ka nóteru kasïpesïndia. Jatsikorherijtu xántku ísïsï nóneuati iámendu imeri úkua ambe jinguni.

1 Pedro 1:24

Jimboka k'uiripu uitsakueni jáxeska, ka k'uiripueri k'érikua uitsakueri tsïtsïkini jáxesti; uitsakua k'arhisïndi ka tsïtsïki uauarhuni;

Apocalipsis 12:4

Ka ch'éti jimbo sáno terujkani auandarhu anapu jóskuechani pájtamaaspti, ka parhakpenirhu uekopaaspti. K'éri kakoni urhepani anhaxurhikuspti uarhitini enga sapini kámapiringa, ka uájpani enga andajpenupiringa sontku mápchandini.

Apocalipsis 16:2

Ka ánjeli ma urhepaspti ka imeri tsúntsuni parhakpenirhu móndaspti, ka kuiripu engaksï nósesi jásï tsípitiri mínda jukapka ka imeri eratakata úkatanksï kómu arhini, uénasptiksï tererhekorheni ka nósesiksï jájkundini.

Apocalipsis 16:21

Ka k'énharhi xanuata uekorhespti, auandarhu uératini ka k'uiripuni andajtsïkuerani, xanksï k'uetsapenharhini eska ma xúndi tsíri. Enga ísï xánuapka, k'uiripu Diósïni nósesi arhisïrempti, jimbokaksï ikimperakua jimbo xáni nósesi p'ikuarherasïrempka.

Apocalipsis 6:8

Ka eraaspka ka tekechu xúnhuptsïni ma exeni, ka enga jatarini jápka Uarhikua arhinhasïrempti, ka uarhichao chúxapaxapti, ka uinhapekuaksï intsïnhaspti uándikuani ma t'ámu arhustakata parhakpeni anapuechani tiámu jimbo ka k'arhindekua jimbo, ka p'amenchakua, ka parhakpeni anapu apejpentsticha jimbo.

Apocalipsis 7:1

Ka isï tátsekua, t'ámu ánjelichani exeaspka t'apuru parhakpenirhu pírhukutinksï jarhani, anhaxurhitini tarhiatanksï p'ínguni jarhani, eska écherirhu ka japundarhu ka anhatapuecharhu no tarhiapiringa.

Apocalipsis 9:15

Ka kueratanhantasptiksï t'ámu ánjelicha engaksï ima jándu ka ima jurhia ka ima kutsï ka ima uéxurhini míndakata jápka, sáno terujkani parhakpeni anapuechani uándikuani.

Apocalipsis 9:18

Íni tanimu nósesi jánhaskorhekua jimbo sáno terujkani jamberi uarhinhaspti, chpíri jimbo, ka sïrata jimbo ka janhajanhajkundikua jimbo engaksï ima uéchempka.

Apocalipsis 9:4

Ka juramumenhasptiksï eskaksï, nóma uitsakuani ka nómbe ma xunhupiti ambeni ka nóma p'ukurini ambendarhepiringa parhakpenirhu, imechani k'óru jo engajksï Diósïri selluni no jukarhupiringa.