Apocalipsis 8:2 - Diósïri Karakata P´urheepecha Jimbo

² Ka iúmu tsimani ánjelichani exeaspka Diósïri urhepanksï jarhani; ka iúmu tsimani sïuangua-kústakuechanksï intsïnhaspti.

Apocalipsis 8:2 Iomraidhean Croise

San Mateo 18:10

“Exe je, ásï jáma je sapirhatichani támu péraani, jimbokaksïni sési jimbo arhixaka eskaksï ánjeli jémbecha, jucheti Táteni auandarhu anapuni erateni jarhasïnga.

San Mateo 24:31

Ima axauati imeri ánjelichani eskaksï uinhamu p'uninhaaka kústani, ka ánjelichaksï ma parhakpeni iámendu erakukatechani tánantauati.”

San Lucas 1:19

Ka ánjeli arhispti: Ji Gabrieliska ka Diósïni marhuakusïnga, ka imarini axasti t'úngeni jinguni uandontskorheni, ka íni ambakiti aiangperakuakini juácheni.

San Lucas 21:36

Cha jinguntku ja je, méntku isï uandamukukorheparini, eskajtsï úaka sïpakorhekuni enga xáni ambe úkorheaka, ka eskajtsï úaka acheti Uájpani sési xarhakuntani.”

1 Corintios 15:52

ma arisku mínharhikua jimbojku, jiáni enga máterku trompeta sïuangueri kustanhakia. Enga trompeta sïuangueri kurhakorhiakia, uarhirichaksï ménderueni jaxentatini tsíntaati, ka juchajtuchi ménderueni jájkunhantaaka.

1 Tesalonicenses 4:16

Jimboka juramukua ma jarhamekua jinguni kurhaakorheaka, Acha ánjelicheri juramuti ma, ánjeli ma enga k'érikuarhu uératini juuaka ka Diósïri kústakua kúskaati, ka Acha jutsïkorheati, ka imaksï urheta tsíntaati engaksï Krístuni mintsïkaparini uarhika.

Apocalipsis 1:4

Ji Juánu, uandajperata ma axakuasïnga, iúmu tsimani tángorhekuechani engaksï Ásia jaka: Cha jinguni jaue sési pájperakua ka kóntperata, imeri enga jindeka, enga jindepkia ka enga juuaka, ka ístu iúmu tsimani espirituecheri engaksï imeri k'éri uaxantskuarhu urhepani jaka,

Apocalipsis 11:15

Iúmi tsimani úni jámani kústaspti, ka auandarhu uinhachanhani kurhakorhespti arhinksï: Iámendu juramukua íni parhakpenirhu juchari Acheristia ka imeri Újchakurakateri, ka imaksï juramuati méntkisï.

Apocalipsis 15:1

Ka auandarhu máteru méntku xáni k'éri ma mínda exespka: Iúmu tsimani ánjelichani, engaksï iúmu tsimani kasïngurhikuechani káani jápka k'amarhuni jámani, enga jimbo Diósï iámu imeri ikiatani k'amajkutapirinka.

Apocalipsis 16:1

Ka kurhaspka nema tióstarhu uératini k'éri ma uinhachani iúmu tsimani ánjelichani arhiani: “Ni je ka parhakpenirhu mónda je indeni iúmu tsimani tsúntsuechani Diósïri ikiatani.”

Apocalipsis 8:13

Ka kurhaspka ka eraani ka tsápki ma, terujkani auandarhu kárani jarhani uinhachaparini, ájkeru, ájkeru, ájkeru na xántsï kómu nitamanchaa, iámendu cha engajtsï parhakpenirhu irekaka, engaksï máteru tanimu ánjelicha kústauaka sïuangua kústakuechani.

Apocalipsis 8:6

Ka iúmu tsimani ánjelichaksï engaksï iúmu tsimani sïuangua-kústakuechani jatsiapka p'iaraptiksï kústaani.

Apocalipsis 9:1

Ka iúmu úni jámani ánjeli kústaspti, ka jóskua ma exespka uekorheni auandarhu uératini écherindu andatserani, ka uarhichao jauanhekuarhu anapu mítakua intsïnhaspti.