Apocalipsis 7:3 - Diósïri Karakata P´urheepecha Jimbo

³ Arhiaparini: “Echerini ka japundani ka anhatapuechani átki ikichakua ua je, engaksï jamberi juchari Diósïri jántspirichani sellu jatsirhukuauaka.”

Apocalipsis 7:3 Iomraidhean Croise

San Mateo 24:22

Engaksï ima jurhiatekuecha no sántku ióxeranhapiringa, nónema úpirindi uarhikuani uéjkuni: K'óru erakukatechani jimbo námuntku jurhiatekueuatiksï.”

San Mateo 24:31

Ima axauati imeri ánjelichani eskaksï uinhamu p'uninhaaka kústani, ka ánjelichaksï ma parhakpeni iámendu erakukatechani tánantauati.”

San Juan 12:26

Engarini nema uéjka marhuacheni, chúxapuerini, ka nani engani ji jauaka, jucheti jarhojpiri jima jauati. Ekarini nema marhuacheaka, Táte, k'éri arhiati.

San Juan 3:33

K'óru enga nema jiókorhejka, ísï jámani chuperasïndi uandantani eska Diósï no chkuándirasïnga;

Romanos 6:22

Ka iásï engaksïni k'amanharhintskua jurajkukia, sési ambe niáta je; ka ísïjtsï niáraaka tsípekua ménkisï anapu p'irani.

Apocalipsis 13:16

Ka iámenduechani t'irejkandani jatsijkutarkorheasïrempti o jatsirhukutarkorheani mínda, k'érati ka sapirhatichani, jatsikorheri ka no jatsikorherichani, ka ánchetpirichani ka jántspirichani;

Apocalipsis 13:17

ka eska nónema úpiringa ambe piáni o atarantani, imajku engaksï mínda jukapiringa engaksï nósesi jásï tsípitiri jakangurhikuani o imeri miurantskuani jukapiringa.

Apocalipsis 14:1

Ka tátsekua eraspka, ka juátarhu enga Sióni arhinhka Karichini ma exespka anhajtsïkuni jarhani, ka imani jingunksï jarhani iúmu tsimani ekuatse ka t'ámu míli (144 míli) k'uiripuecha engaksï Karichiri ka Tátjemberi jakangurhikuani kararhutini jápka.

Apocalipsis 14:9

Ka máteru tanimu úni jámani ánjeli chúngumaspti uinhachaparini: “Eka nema nósesi jásï tsípitini ka imeri úkatani komarhiska, ka jurajkutakorheni imeri míndani jatsirhukunhani o jatsijkunhani,

Apocalipsis 19:2

jimboka Diósï sési k'uetsaperpentasïnga; jimboka uarhiti ísku jándini ikimeska, enga iámu parhakpenini ikichakua úka imeri ísku jángua jimbo, ka maiampetarantastia enga imeri erakukatechani uándikukuapka.”

Apocalipsis 20:4

Ka tátsekua uaxantskuechani máru exeaspka, ka jimaksï uaxakaspti ima engaksï juramukua intsïnhapka úni arhinharhikpeni; ka máteru, kachujchakatecheri ánima exeaspka, engaksï ísï úmenhapka, jimbokaksï Jesusiri ka Diósïri ambe uandantaspka, ka jimbokaksï nósesi jásï tsípitini nómeni k'éri arhispka ka ni imeri diósï eratakatani, ka jimbokaksï no jurajkutakorhespka imeri mínda jatsirhukunhani o jatsijkunhani; ima ánimechaksï ménderu uéntaspti irekani ka Diósïri újchakurakata jinguni míli uéxurhinksï juramuspti.

Apocalipsis 22:4

ka Diósïnksï erateati, ka imeri jakangurhikuanksï kararhuati.

Apocalipsis 6:6

Ka uandakua ma kurhaspka teruakuni jima engaksï t'ámu manakorheri tsípiticha jápka, uandanksï: “Tríju ma k'uetsaperakata o sebada tanimu k'uetsaperakata, ma jurhiatekueri andakua jukaparhaati, k'óru asetini ka kauikuani ásï jukaparhara.”

Apocalipsis 7:1

Ka isï tátsekua, t'ámu ánjelichani exeaspka t'apuru parhakpenirhu pírhukutinksï jarhani, anhaxurhitini tarhiatanksï p'ínguni jarhani, eska écherirhu ka japundarhu ka anhatapuecharhu no tarhiapiringa.

Apocalipsis 7:2

Ka máteru ánjelini exespka tata jurhiata andarakuarhisï, enga karhanchentani jápka Diósï tsípitiri selluni jupikatini, ka t'ámu ánjelichani uinhachakuasïrempti engaksï sésikua intsïnhapka parhakpenini ka japundani ikichakua úni.

Apocalipsis 9:4

Ka juramumenhasptiksï eskaksï, nóma uitsakuani ka nómbe ma xunhupiti ambeni ka nóma p'ukurini ambendarhepiringa parhakpenirhu, imechani k'óru jo engajksï Diósïri selluni no jukarhupiringa.