Apocalipsis 7:2 - Diósïri Karakata P´urheepecha Jimbo

² Ka máteru ánjelini exespka tata jurhiata andarakuarhisï, enga karhanchentani jápka Diósï tsípitiri selluni jupikatini, ka t'ámu ánjelichani uinhachakuasïrempti engaksï sésikua intsïnhapka parhakpenini ka japundani ikichakua úni.

Apocalipsis 7:2 Iomraidhean Croise

San Mateo 16:16

Ka Simoni Pédru arhispti; “T'úrisï Krístueka, Acha Diósï tsípiti Uájpa.”

San Mateo 26:63

Ka Jesusi no kurhakorhespti. Ka k'éri táta arhispti: “¿Diósïni jimbojtsïni arhi, t'úsï Krístue, t'úsï Diósï Uájpe?”

San Juan 6:27

Ásï t'irekua jirinhani ánchekorhe je enga ísku k'amakurhijka, sánderu sáni imani t'irekua jimbo ánchekorhe je enga no k'amakurhijka ka engaksïni méntku isï anapu ambakiti tsípekua íntskujka. Indeni jásï t'irekuaksïni íntskuati Acha Uájpa, jimboka Diósï erakuska enga Tátjembeka.

2 Corintios 1:22

ka míndajtsïni jatsikukorhesti ka imeri aiatsperakuani juchari mintsitarhu pérani engajtsïni Espiritu Santuni íntskuka.

Efesios 1:13

Chájtujtsï imani uandakuani kurharini enga ísïka, ka ambakiti aiangperakuani kurharini enga chári p'ímutantskueka, ka Krístuni jakajkutini, ka Espiritu Sántu enga aiatspekata jápkia, imani jimbojtsï chájtu míngorhenhatixakaia,

Efesios 4:30

Ásï Diósïri Espiritu Sántuni kómu p'ikuasta je, jimboka ima, ima míndeska engajtsï jimbo mítenhantaaka jiájkani engajtsï p'íjpanhantaaka.

1 Tesalonicenses 1:9

Jamberiksï ima uandantasïndi jucha néna engani niáraka cha jinguni ka néna enga cha jurajkuakia diósï eratakatechani ka néna engajtsï uénaka Diósï tsípitini jakajkukuni ka marhuakuni, imani enga ísïka,

2 Timoteo 2:19

K'óru Diósï sésimendu úskusti ambe enga karakata jaka: “Acha mítetixati nésï ima jínguni” ka “Ne enga kómu arhijka Achani, jarhare nósesi jásï ambeni.”

Hebreos 12:22

Ka jimini ménderueni, chájtsï andarheraska Sióni juatani, enga Diósïri tsípitiri k'éri ireteka, auandarhu anapu Jerusalenini ka exeaskajtsï uánekua ánjelichani engaksï tángorhentatini jaka Diósïni k'éri ambe arhini,

Apocalipsis 1:3

Tsípeati ne enga arhintajka, ka ima engaksï kurhani jaka ambe enga arhini jaka i uandakuecha, ka úranksï jarhani ambe enga xáni karakata jaka, jimbokaksï jurhiatekuecha janoxaka.

Apocalipsis 10:1

Ka máteru úiuinhasï ánjelini exespka, auandarhu uératini janikuecha jinguni kétseni jarhani, xupakata jukajtsïtini, ka tata jurhiateni jánharhintatini, ka anhandurakuarhu chpírini tixandurhani jarhani.

Apocalipsis 10:4

Ka engaksï iúmu tsimani uandakuecha ch'amanchentapkia, ji p'iáraspka karani, engarini auandarhu uandakua ma arhipka: “Ásï jáma karaani, k'óru sési pátsa iúmu tsimani uandakuechani engaksï auandarhu kurhanchekorheka.”

Apocalipsis 16:12

Ka kuímu úni jamani ánjeli imeri tsúntsuni móndaspti, urhekuarhu enga Éufratesi arhinhempka; ka iurhekua k'arhinguspti ka irechechani jurhiata andarhakuarhu isï anapuechani xanhari mitakuaspti.

Apocalipsis 5:2

Ka ánjelini uinhapitini ma xéspka, enga uinhachaparini kurhangorhempka: “¿Néua ima enga nitatarheaka sélluechani kueraparhakuani ka karakatani p'irakuni?”

Apocalipsis 8:3

Ka máteru ánjeli jurhaspti ka kéjtsïtakuarhu urhepani niáraspti, tiripitiri tióxunhanda jatakua ma jinguni. Ka kánekua tióxunhanda intsïnhaspti, iámendu jakajkuticheri uandamukukorhekuecha jinguni, eska tiripitiri kéjtsïtakuarhu pérapiringa enga k'éri uaxantskuarhu urhepani jaka.

Apocalipsis 9:14

Arhiparini ánjelini enga iúmu tsimani úni jámani kústakuani jatsipka, kueratantantsï t'ámu ánjelichani engaksï k'éri iurhekua Éufratesirhu uanamukuni jótakata jaka.

Apocalipsis 9:4

Ka juramumenhasptiksï eskaksï, nóma uitsakuani ka nómbe ma xunhupiti ambeni ka nóma p'ukurini ambendarhepiringa parhakpenirhu, imechani k'óru jo engajksï Diósïri selluni no jukarhupiringa.