Apocalipsis 5:9 - Diósïri Karakata P´urheepecha Jimbo

⁹ ka pirekua jimbanhe máksï piresïrempti arhiparini: “T'u k'óruri nitatarheska karakatani jupikani, ka selluechani p'ikuani; jimbokari atanhaska; ka chéti iurhiri jimbori piájpentaska ka iápuru ísï anapuechaniri ka iámenduri jásï uandarichani ka iámendu iretechani Diósïniri íntsantaska.

Apocalipsis 5:9 Iomraidhean Croise

San Mateo 20:28

ísï eska Acheti Uájpa na juka marhuatspeni, ka uánekuechani jimbo imeri tsípekua íntspeni ka no jurhasti eska marhuamenhaaka.”

San Mateo 26:28

jimboka i jucheti iurhiriska, jimbanhe pakatperakueri enga uánekuechani jimbo tsîncheaka k'amanharhintskua p'uantsperantskua jimbo.

Hechos 20:28

Jinguntku jáma je, ka tángorhekuani exeni ja je, engaksïni Espiritu Sántu karichi erangutini péraaka Diósïri tángorhekuani eranguni jarhani, enga uájperi iurhiri jimbo imerirakorheaka.

1 Corintios 6:20

Chájtsï jukaparakua jimbo piánhantaska, ka ísï jimbo k'éri ambechka arhi je Diósïni chari jángua jimbo.

1 Corintios 7:23

Ka chájtsï jukaparhakua jimbo piánhantaska, ásteruchka nemeri jántspirintsï je.

Efesios 1:7

Juchachi Krístueri iurhiri jimbo euajpenhantaska ka k'amanharhintskuechanchi púamenhantaaska. Diósï xáni engajtsïni kóndejka,

Efesios 5:19

Iámendu jakajkuticheri pirekuechani ka k'éri ambe arhikuechani pireaparini jáma je. Ka sésimendu andanheantsï je Achani pirekuni ka kústakuni,

Colosenses 1:14

ima jimbochi p'ímutantskata jarhaskia ka k'amanharhintskuechanchi púamenhantaskia.

Colosenses 1:23

Uétarhisïndi k'óru eskajtsï uinhamu mintsikaaka, ásï mirikurhi je ambejtsïsï piua ambakiti aiangperakua jimbo. I ambesï iápuru isï uandanhantani jati ka jíjtuni jarhopexaka uandantani.

Tito 2:14

ima enga juchantsïni jimbo aiakorhentaka ka ísï jámantsïni maiampecheni iámendu juchari nósesi niátakua ambe ka engajtujtsïni iámendu juchari k'ámanharhintskuechani jimbo maiampecheka, ka ísï jámani ambakerakorhentani imeri iretani enga méntkisï sési ambe úni jauaka.

Hebreos 11:14

Ka ne enga ísï uandajka, sóntku jánhaskorhesti eska máteru parhakpeninisï jirinhani jámani jaka;

2 Pedro 2:1

Ka iretarhuksï ióntki uánekua diósïri uandari eratakorhericha jámaxapti, chánksïntuksïni uánekua jurhentpiri eratakorhericha niáracheati engaksïni no Diósïri ambe jurhendaaka, ka nósesi ambeksïni jurhendaati. Ka Achanksï jamberi, enga imechani euajpeantaaka nóksï jiókorheati, ka ísï jámanksï sóntku k'amajkukorheati.

1 Juan 1:7

Ka engachi t'ímarhandu irekani jarhajka, ísï eska Diósï na t'ímarhandu jaka, ísïchi k'óru májkuentatixaka, ka Uájpa Jesusiri iurhirijtsïni iámendu járhati k'amanharhintskuechani p'ikurhentasïndi.

1 Juan 2:2

Jesukristu, juchari k'amanharhintskuechani jimbo aiakorhesti uarhini, ka no juchari jimbojku, iámu parhakpeni anapuechani jimbo uarhisti.

Apocalipsis 10:11

Jimajkani arhinhaspka: “Uétarhesïndi eskari ménderu iápuru iretecharhu, ka iámendu jásï uandarichani ka iámendu irechechani Diósïri uandakuani ainguauaka.”

Apocalipsis 11:9

Ka iápuru isï anapuechaksï, ka máteru iretechaksï, ka mámaru jásï uandarichaksï uarhirichani tanimu jurhia ka terujkani exeauati, ka nóksï jurajkuauati eskaksï jatsianhantaaka.

Apocalipsis 13:7

Ka sésikua intsïnhaspti Diósïri pímpinhasï iretani urhutakuani ka andani, ka iámendu k'uiripuechani iápuru ísï anapuechani ka iámendu jásï uandarichani ka iretechani juramukuaspti,

Apocalipsis 13:8

ka k'éri ambe arhiatiksï iámendu parhakpeni anapuecha engaksï no xarhantaka tsípekueri karakatarhu enga uénakuarhu urheta jaka, enga karichi uándikukaterika.

Apocalipsis 14:6

Ka máteru ánjelini exespka auandarhu teruncheni isï kárani jarhani, ka ambakiti aiangperakua kámaxapti enga parhakpeni anapuechani ka iámendu k'érati iretechani ka iámendu jásï uandarichani aianguapiringa.

Apocalipsis 15:3

ka Moisesiri pirekua máksï piresïrempti, enga Diósïri jántspirika, ka Karichiri pirekuaksï arhini: K'érati ka sési járhati ambesti chéti úkuecha, Acha Diósï xáni uinhapiti, kaxumbenksï ka jurhimbenksï chéti xanharicha, irecheskari iámendu iretecharhu.

Apocalipsis 17:15

Ka ánjelirini arhisptijtu: “Japunda engari xáni exeka jima enga uarhiti ísku jándi uaxameka, iretechestiksï ka k'uiripuecha ka mámaru jásï uandaricha.

Apocalipsis 4:11

“Acha Diósï juchari, t'úrisï k'éri ambe arhikueka, ka k'érikuarhu pérani, ka janhanharhinhaniri ka juramukuari p'irani, jimbokari t'u iámendu ambe kueraska, t'úri uékaska eska ambe jauaka t'úrisï iámendu ambe kueraka.”

Apocalipsis 5:12

ka uinhachasïremtiksï uandani: “Karichi enga uándikunhaka uinhapekua ka jatsikorhekua nitatarhesti p'irani, ka mímixekua ka juramukua ka k'érikua ka t'íntskua ka k'éri ambe arhinhani ka píremenhani.”

Apocalipsis 5:6

Ka xéspka karichi atakateni jásï ma anhandetini jarhani, terujkani jakuani k'éri uaxantskuarhu ka t'ámu manakorheri tsípitichani ka Achamasïchani, Iúmu tsimani sïuanguechani jukaspti ka iúmu tsimani éskuechani, engaksï iúmu tsimani espirituecheka enga Diósï ma parhakpeni axaaka.