Apocalipsis 5:8 - Diósïri Karakata P´urheepecha Jimbo

⁸ Ka karakatani euajkutinia, t'ámu manakorheri tsípitichaksï ka ma ekuatse t'ámu achamasïchaksï Karichini tinguixurhikuspti. Iámenduksï árpechani jinguni, ka tiósxunhanda jatakuechanksï tiripitiri uiniraatini káaxapti, engaksï Diósïri erakukatecheri kómu-akueka,

Apocalipsis 5:8 Iomraidhean Croise

Apocalipsis 4:10

Imaksï ma ekuatse t'ámu achamasïcha kápatsentaspti k'éri ambe arhini imani enga méntkisï irekani jaka, enga k'éri uaxantskuarhu uaxakatini jaka, ka kanakuechanksï p'iuantaspti ka urhepanksï pérakuani, uandaparini:

Apocalipsis 5:14

Ka t'ámu manakorheri tsípitichaksï uandasïrempti: “¡Ísïmendue!” Ka achamasïchaksï tinguixurhispti, ka k'éri ambeksï arhini.

Apocalipsis 4:4

Ka ma uirhipandani k'éri uaxantskuarhu, járhasptiksï máteru ma ekuatse t'ámu uaxantskuecha, ka ma ekuatse t'ámu achamasïchaksï jima jarhani uaxakatini, urapitiksï xukuparhatini, ka kanakua tiripitiri inchajtsïtinksï.

Apocalipsis 19:4

Jimajkani ma ekuatse t'ámu achamasïchaksï ka t'ámu tsípiti manakorherini jarhatichaksï kápatsentaspti Diósïni k'éri ambe arhini, enga k'éri uaxantskuarhu jaka, arhinksï: “¡Ísï úkorhestia, jo ísïue!”

Apocalipsis 5:6

Ka xéspka karichi atakateni jásï ma anhandetini jarhani, terujkani jakuani k'éri uaxantskuarhu ka t'ámu manakorheri tsípitichani ka Achamasïchani, Iúmu tsimani sïuanguechani jukaspti ka iúmu tsimani éskuechani, engaksï iúmu tsimani espirituecheka enga Diósï ma parhakpeni axaaka.

Apocalipsis 4:8

Ka inde t'ámuksï kuímu p'araskua jukaspti, ka éskuaksï uinirhekorheaspti, ka chúrekua ka jurhiakua nóksï mintsikorhesïrempti ísï uandani: “¡Acha tanimu xanhari pímbinhaxesti Acha Diósï enga iámendu ambe újka úni, enga jindepka ka enga jindeka ka enga junguaka!”

Apocalipsis 15:7

Ka tsípiti manakorheri ma iúmu tsimani ánjelichani iúmu tsimani tsúntsu tiripitiri íntsaspti, Diósïri ikiata uinirakuatini, ima enga méntkisï irekani jaka.

Apocalipsis 15:2

Japundeni jásï ma xarharaspti jeuakorhetini chpíri jinguni ka tsónhastpeni járhani; ka japundarhu uanamukutinksï anhaxurhitini járhaspti ima engaksï nósesi jásï tsípiti manakorherini andapka ka imeri eratakata úkatani ka imeri miurantskuani, Diósïri sétimuechanksï jupikatixapti,

San Juan 5:23

eskaksï iámenduecha májkueni k'éri ambe exeaka Uájpani eska Tátjembani. Ne enga no k'éri exejka Uájpani, nójtu k'éri exesïndi Tátjembani enga axaka.”

Hebreos 1:6

Ka ménderu uéntani, enga Uájpa urhetini parhakpeni kéjpani jámempka uandaspti: “Eskaksï iámendu Diósïri ánjelicha k'éri ambe arhiaka.”

San Juan 1:29

Pauandekuarhu, Juánu exespti Jesusini eska andarheraxapka, ka uandaspti: “¡Exe je, indesï Diósïri Karichiti, enga k'amanharhintskuechani euarhpeantajka!

Apocalipsis 4:6

Ka k'éri uaxantskuarhu urhepani, japundeni jásï ma jarhaspti enga sési pímbinhanharipka ka iauani jamberi eramakorheni. Ka terumeni jarhaspti k'éri uaxantskua ka t'ámu tsípitichaksï uirhipandaspti, éskuechanksï iápuru jukarhekorheni, urhepani ka tátsepani.

Apocalipsis 5:11

Ka exespka, ka kurhauaspka engaksï uánekua ánjelicha k'éri uaxantskuani ka manakorheri tsípitichani ka achamasïchani uirhipandaatini jápka. Xánksï uánespti engaksï jamberi no úempka miiunhani,

Apocalipsis 5:12

ka uinhachasïremtiksï uandani: “Karichi enga uándikunhaka uinhapekua ka jatsikorhekua nitatarhesti p'irani, ka mímixekua ka juramukua ka k'érikua ka t'íntskua ka k'éri ambe arhinhani ka píremenhani.”

Apocalipsis 6:1

Ka exespka na enga karichi uénapka ma selluni p'ikuparhakuni, ka kurhaspka ima ma isï t'ámu manakorheri tsípitini enga characharameni uandempka: “¡Jútkini!”

Apocalipsis 13:8

ka k'éri ambe arhiatiksï iámendu parhakpeni anapuecha engaksï no xarhantaka tsípekueri karakatarhu enga uénakuarhu urheta jaka, enga karichi uándikukaterika.