Apocalipsis 5:5 - Diósïri Karakata P´urheepecha Jimbo

⁵ K'óru ima ma achamasïrini arhispti: “Ásï uera; exe, Judea anapu Púki andastia, Dabiri sïrukua; ima úati p'ikuani iúmu tsimani selluechani ka karakatani p'irakuni.”

Apocalipsis 5:5 Iomraidhean Croise

San Lucas 23:28

ka Jesusi erauaspti ka arhiani: –Jerusaleni anapu nanecha, jíndeni jimbo ásï uera je, chájtsïsï p'amojkukorheaka ka chári sapichani jimbo uera je.

San Lucas 7:13

Enga Jesusi exepka, imani uarhitini p'amojkuspti ka arhispti: –Ásï uera.

San Lucas 8:52

Iámenduechaksï nanaka sapichuni uekuxapti ka p'amojkuni, ka Jesusi arhiaspti: “Ásï uera je; nanaka sapichu no uarhirixati, k'uíxati.

San Juan 20:13

Ánjelichaksï kurhamarhespti: –Nana, ¿Andirisï uerani jaki? Ima arhiaspti: –Jimbokaksï jucheti Achani petaska ka nánindiksï péria.

Romanos 1:3

eska Dabiri sïrukueska jimboka ísï kángorhenhaspka eska parhakpeni anapu ma na kángorhenhajka,

Romanos 15:12

Ka Isaiasijtu arhixati: “Iámendu iretechani juramukuauati ima enga Jéseri sïranguarhu tsïuantaka, ka imaterku mintsikanhaati.”

Hebreos 7:14

Ka sési xarharaxati eska juchari Acha, Juda anapuespka, ka Moisesi imani iretani nósani uandasti enga tátekua ambe uandani jápka.

Apocalipsis 1:1

Tata Jesukristueri jánhastperakua enga Diósï exeraka, eska jántspiri jémbechani íntsapiringa ambe enga úkorheni jámka, ka ísï jimbo Jesukristu ánjeli jémbani axaspti, jántspiri jémba Juánuni jánhastarani,

Apocalipsis 22:16

“Jesusiska ji, jucheti ánjelini axaska eska tángorhekuecharhu iámendu íni ambe uandantaaka. Ji Dabiri tsîuantskateska ka sïrukua jémbeni, ji K'uanhariska enga tsípa meremerejkujka.”

Apocalipsis 3:21

Ne enga andaska, íntskuaka sésikua k'éri uaxantskuarhu jarhani jíndeni jinguni, ísï eskani jíjtuni na andaka ka jucheti Táteni jinguni imeri irechekuarhu uaxakaska.

Apocalipsis 4:10

Imaksï ma ekuatse t'ámu achamasïcha kápatsentaspti k'éri ambe arhini imani enga méntkisï irekani jaka, enga k'éri uaxantskuarhu uaxakatini jaka, ka kanakuechanksï p'iuantaspti ka urhepanksï pérakuani, uandaparini:

Apocalipsis 4:4

Ka ma uirhipandani k'éri uaxantskuarhu, járhasptiksï máteru ma ekuatse t'ámu uaxantskuecha, ka ma ekuatse t'ámu achamasïchaksï jima jarhani uaxakatini, urapitiksï xukuparhatini, ka kanakua tiripitiri inchajtsïtinksï.

Apocalipsis 5:4

Ka ji ueraniuerasïrempka, jimboka nónema xarharasïrempka enga nitatarhepka karakatani p'irakuni ka eranharhikuni.

Apocalipsis 6:1

Ka exespka na enga karichi uénapka ma selluni p'ikuparhakuni, ka kurhaspka ima ma isï t'ámu manakorheri tsípitini enga characharameni uandempka: “¡Jútkini!”

Apocalipsis 7:13

Jimajkani achamasï márini kurhamarhespti: Inde engaksï urapiti xukuparhatini jaka, ¿Néskiksï ka nani uératinksï jurhaski?