Apocalipsis 5:1 - Diósïri Karakata P´urheepecha Jimbo

¹ Ka imani enga k'éri uaxantskuarhu uaxakatini jápka, erajkuspka jurhijkandani karakata ma kámani jarhani, enga tsimapuru karanharhikukata jápka, ka iúmu tsimani sélluechanksï jatsiparhakukata jarhani.

Apocalipsis 5:1 Iomraidhean Croise

Apocalipsis 10:2

Ka arhintskua sapichu ma p'irakutixapti, ka jantsiri ma japundarhu pimatixapti, ka máteru echerindu atastatixapti.

Apocalipsis 4:3

Ka ima enga uaxakatini jápka, tsakapu merearini xarharasïrempti enga charhapentajka ka xunhupentani, ka xupakata ma uirhipandaspti k'éri uaxantskuani enga méntkueni meremerejkuni jápka.

Apocalipsis 4:9

Ka engaksï inde tsípiticha k'éri ambe arhimpka ka janhanharini ka diósïmaiamu arhini imani enga uaxakatini jaka k'éri uaxantskuarhu, enga méntkisï irekani jaka.

Apocalipsis 5:13

Ka kurhaspka iámendu ambe enga Diósï kueraaka, enga auandarhu, ka echerindu inchatsekua ka japundarhu jaka, arhinksï jarhani: “Ima enga k'éri uaxantskuarhu uaxakatini jaka ka Karichijtu, K'éri ambestiksï ka janhanharhikuestiksï, t'íntskua ka juramukuaksï jatsisti iásï ka méntkisï.”

Apocalipsis 5:7

Ka ima Karichi niraspti ka karakata euajkuspti imani enga jurhijkandani kámani jápka, enga k'éri uaxantskuarhu uaxakatini jápka.

Apocalipsis 6:1

Ka exespka na enga karichi uénapka ma selluni p'ikuparhakuni, ka kurhaspka ima ma isï t'ámu manakorheri tsípitini enga characharameni uandempka: “¡Jútkini!”

Apocalipsis 6:16

Ka juátechani ka k'erendechani arhiasïremptiksï, “Jatachakujtsïni ka jískajtsïni, eskajtsïni imeri ikiata enga k'éri uaxantskuarhu uaxakatini jaka o Karichiri ikiata no andanguaka.

Apocalipsis 8:1

Enga karichi iúmu tsimani úni jámani selluni p'ikuparhakupka, auandarhu sáni ióni pínanchentaspti.