Apocalipsis 4:2 - Diósïri Karakata P´urheepecha Jimbo

² Ka jimajkurini Espiritueri uinhapekua iámu p'iraspti, ka exespka auandarhu anapu k'éri uaxantskuani, ka nema jima uaxakatini jarhani.

Apocalipsis 4:2 Iomraidhean Croise

San Mateo 22:43

Ka Jesusi arhiantaaspti: “¿Néna jimbosï Dabi Espirituni jimbo Tata arhipki? Jiáni enga uandaka:

Hebreos 8:1

Engani xáni ambe arhikia ixu jámberi, engani sánderu k'éri ambe arhikuekani jaka imesti eskachi jatsikorheska xásï ma táta k'érini, enga auandarhu anapu juramutini tirerkandani uaxataka,

Apocalipsis 1:10

Acheri jurhiatekua jimbo Espiritueri uinhapekuarini p'iraspti, ka kurhaspka nemarini tátsepani uinhachacheni, eska kústakua ma p'uninhanhani.

Apocalipsis 12:5

Ka uarhiti tataka sapichuni ma kángorhespti, enga iámendu iretechani uinhandirakuauaka juramukuani; ka uarhitinksï euapkuspti chárhakuni ka Diósïni jingunksï imeri uaxantskuarhu pérani.

Apocalipsis 17:3

Ka tátsekua Espiritu jánhaskua jimborini páspti jimesï enga nónema irekaka. Ka uarhitini ma exespka, enga nósesi jásï manakorheri charhapitini ma jatarini jápka, ka mámaru jásï uandakuechani kararekorheatini jarhani enga Diósïni útakujka; ima nósesï jásï manakorheri iúmu tsimani éjpu jukaspti ka témbeni sïuanguechani.

Apocalipsis 19:4

Jimajkani ma ekuatse t'ámu achamasïchaksï ka t'ámu tsípiti manakorherini jarhatichaksï kápatsentaspti Diósïni k'éri ambe arhini, enga k'éri uaxantskuarhu jaka, arhinksï: “¡Ísï úkorhestia, jo ísïue!”

Apocalipsis 20:11

Ka tátsekua k'éri uaxantskua urapitini ma exespka, ka ima enga jima uaxakatini jápka. Imani japarinksï parhakpeni ka auanda sïpakorhekuspti ka nónesptiksï.

Apocalipsis 21:10

Ka espiritueri jánhaskua jimbo, ánjelirini k'éri juáta iótatirhu ma páspti, ka Diósïri ireta Jerusaleni erakukatarini exeraspti, auandarhu uératini kétseni jarhani,

Apocalipsis 21:5

Ka ima enga uaxakatini jápka k'éri uaxantskuarhu uandaspti: “Exe iámu ambe jimbanhe úntaaka.” Ka arhisptiterurini: “Kara, jimboka íksï uandakuecha mintsïkueska ka ísïstiksï.”

Apocalipsis 3:21

Ne enga andaska, íntskuaka sésikua k'éri uaxantskuarhu jarhani jíndeni jinguni, ísï eskani jíjtuni na andaka ka jucheti Táteni jinguni imeri irechekuarhu uaxakaska.

Apocalipsis 4:10

Imaksï ma ekuatse t'ámu achamasïcha kápatsentaspti k'éri ambe arhini imani enga méntkisï irekani jaka, enga k'éri uaxantskuarhu uaxakatini jaka, ka kanakuechanksï p'iuantaspti ka urhepanksï pérakuani, uandaparini:

Apocalipsis 4:5

Ka k'éri uaxantskuarhu kurhakoresïrempti piritani ka charancheni. Ka k'éri uaxantskuarhu urhepani iúmu tsimani k'ueramu tixaraxapti, engaksï iúmu tsimani Diósïri espirituecheka.

Apocalipsis 4:9

Ka engaksï inde tsípiticha k'éri ambe arhimpka ka janhanharini ka diósïmaiamu arhini imani enga uaxakatini jaka k'éri uaxantskuarhu, enga méntkisï irekani jaka.

Apocalipsis 5:1

Ka imani enga k'éri uaxantskuarhu uaxakatini jápka, erajkuspka jurhijkandani karakata ma kámani jarhani, enga tsimapuru karanharhikukata jápka, ka iúmu tsimani sélluechanksï jatsiparhakukata jarhani.

Apocalipsis 5:13

Ka kurhaspka iámendu ambe enga Diósï kueraaka, enga auandarhu, ka echerindu inchatsekua ka japundarhu jaka, arhinksï jarhani: “Ima enga k'éri uaxantskuarhu uaxakatini jaka ka Karichijtu, K'éri ambestiksï ka janhanharhikuestiksï, t'íntskua ka juramukuaksï jatsisti iásï ka méntkisï.”

Apocalipsis 6:16

Ka juátechani ka k'erendechani arhiasïremptiksï, “Jatachakujtsïni ka jískajtsïni, eskajtsïni imeri ikiata enga k'éri uaxantskuarhu uaxakatini jaka o Karichiri ikiata no andanguaka.