Apocalipsis 4:1 - Diósïri Karakata P´urheepecha Jimbo

¹ Ka tátsekua eranchespka ka auanda mítakorhetini jarhani, ka uandakua engani urhetku kurhapka, enajki nema kústakua p'uninhani japi, arhisptirini: “Karhara axueni ka exerakakini íni ambe enga tátsekua úkorheaka.”

Apocalipsis 4:1 Iomraidhean Croise

San Mateo 3:16

Ka enga Jesusi itsï atajtsïtini uémentani jápka, jimajku auanda mítakorhespti ka eranchespti Diósïri Espirituni enga jipunhini jásï ma kétseni jápka ka imani andajtsïkueraspti.

San Marcos 1:10

Uémentani jámani, Jesusi exespti eska auanda mítakorhexapka ka eska Espiritu kétsexapka imani andajtsïkuerani, jipunhini jáxespti.

San Lucas 3:21

Arisï úkorhespti enga Juánu itsï atajtsïkpeni jápka, Jesusijtu itsï atajtsïkunhaspti; ka enga na uandamukukorheni jápka, auanda mítakorhespti

San Juan 16:13

Enga Espiritu na juuakia, ima enga ísïka, imaksïni sési iámu ambe jánhastapaati; jimboka no imeri jimbo uandaaka, jimboka imanisï uandaaka enga kurhauaka, ka imaksïni aianguati ambe engateru jurhani jaka.

Hechos 10:11

Auandani mítakorhetini exespti ka takusïni jásï ma kétsexapti enga t'ápuru jórhupka,

Hechos 7:56

Ka uandaspti: –Exexaka auanda mitakorhetini jarhani ka acheti Uájpani enga Diósïni jurhijkandani jakuka.

Apocalipsis 1:10

Acheri jurhiatekua jimbo Espiritueri uinhapekuarini p'iraspti, ka kurhaspka nemarini tátsepani uinhachacheni, eska kústakua ma p'uninhanhani.

Apocalipsis 1:12

Ka eraparhaspka exekuekani nérinisï uandaxecheni japi, ka iúmu tsimani tiripitiri ch'urhinguechani exeaspka,

Apocalipsis 1:19

Karantsïchka ambe engari exeka: Ka ambe engari exeni jaka, ka ambe engateruri exeaka.

Apocalipsis 11:12

ka kurhasptiksï, k'éri ma uinhachakuani auandarhu ueratini, arhiani “Ixueni karhara je” ka janikuecharhu ísïksï karhanchentaspti; imeri ikiatspiricheri japandiru.

Apocalipsis 11:19

Jimajkani Diósïri tiósta enga auandarhu jaka mítakorhespti, ka tióstarhu Diósïri aiatsperakueri jatakua eranditakorhespti. Ka piritaspti, ka uinhachanhani, ka charancheni, ka jencheni, ka k'énharhi xanuani.

Apocalipsis 16:17

Ka iúmu tsimani úni jamani ánjeli imeri tsúntsuni tarhiatani páraspti, ka k'éri ma uandakua tióstarhu uéraspti, k'éri uaxantskuarhu ueratini uandaparini: “Úkorhestia.”

Apocalipsis 19:11

Ka exespka auanda mítakorhetini jarhani; ka tekechu urapiti ma xarharaspti: Ka jatari arhinhasïrempti: “Mintsinharhikua” ka “No chkuándira”; ka sési juramutspesïndi ka sési jimbo uarhipeni.

Apocalipsis 22:6

Ka tátsekuarini ánjeli arhispti: “Íksï uandakuecha mintsinharhikuesti ka jurhimbekueni; ka Acha Diósï enga imeri uandakua párichani p'ikuarhenhetaaka, ánjelini axasti imeri jántsïpirichani xarhatakuani ambe enga no ióni jimbo úkorheaka.”