Apocalipsis 3:1 - Diósïri Karakata P´urheepecha Jimbo

¹ Ka ísï karaku ánjelini enga Sárdisi anapu tángorhekuarhu jaka: Ima enga iúmu tsimani espirituechani Diósïri jatsiaaka, ka ístu iúmu tsimani jóskuechani ini ambe uandasïndi: Ji chéti úkuechani míteska, ka na engari uandani jaka eskari tsípiti jarhaska ka jiniri uarhirini jarhani.

Apocalipsis 3:1 Iomraidhean Croise

San Lucas 15:24

Jimboka i jucheti sapi uarhirixapka ka tsíntasti; tsînchespti ka xéntaskachia.’ Ka k'uínchekuaksï uénaspti.”

San Lucas 15:32

K'óru uétarhexapti k'uíchekua úni k'éri t'irekua ma jinguni ka tsípeni, jimboka chéti erachi enga uarhirini jápka, tsíntasti; tsînchespti ka xéntaskachia.’ ”

San Juan 1:16

Jimboka ima xáni jatsïkorheska, auandarhu anapu jatsikorhekuechantsïni kóndeasti;

San Juan 1:33

Ji nótkini mítesïrempka néspki; ka ima engarini axaka itsï jimbo itsï atajtsïkpeni, arhistirini: ‘Néni engari exejka eska Espiritu andajtsïkueraska imasï Espiritu Sántuni jimbo itsï atajtsïkpejti.’

San Juan 20:22

Ka enga ísï uandapka, p'unijtsïkuaspti ka arhiani: –P'i je Espiritu Sántuni.

San Juan 3:34

jimbokachka ima enga Diósï axaka, Diósïri uandakuechani jimbo uandaxesïnga, jimboka Diósï imeri Espirituni kánhachani íntspesïnga.

Hechos 2:33

Enga Diósï Jesusini p'íkuntapka, t'irejkandani pérasti, ka ima p'irasti Espiritu Sántuni enga Tátjemba íntskupka ka Jesusijtsïni juchantsïni andajtsïterasti, indesti engajtsï exeni jaka ka kurhani jaka.

Efesios 2:1

Ka chánksïni engajtsï chári no kurhandirakua jimbo ka chári k'amanharhintskua jimbo uarhirini jápka,

Efesios 2:5

engachi jucha ísï juchari no kurhandirakua jimbo uarhirini jápka, Krístu jinguntsïni tsítantasti, ka chájtsï p'ímutanhantaska Diósïri kóntperakata jimbo,

Colosenses 2:13

Chájtsï urhetku uarhirixapka k'amanharhiskua jimbo ka nósesi únhchakua jimbo, ka iásï ima jingunksïni tsípekua íntskusti ka iámendu k'amanharhintskuechanksïni púacheantaasti.

1 Timoteo 5:6

Ka ima tsîndi enga ísku jándinhchajka, isïsti eska uarhirini irekani jarhani.

Santiago 2:26

Ísï eska anhanhatakua na uarhirini jarhajka enga espirituni no kámka; májkuentu jakajkukua uarhirini jarhasïndi enga nómbe ma sési únhaaka.

1 Pedro 1:11

Diósïri uandarichaksï jángorhekuntaspti mítekuekani, ambe jurhiatekua ka nénasï Krístueri Espiritu arhiani jápi enga imecha jinguni jámani jápka, na enga jatini Krístu xáni nósesi nitamanchapiringa ka enga tátsekua k'érikuarhu péranhapiringa.

Judas 1:12

Inde k'uratsekua ambesti engajtsï cha xénhchperani tángorhentani jarhajka ka indeksï t'iresïndi ka tsípekorhesïndiksï Diósïni nósani chénharhiparini. Jinguntku je indecha jinguni; janikuenksï járhasti enga tarhiata ísku pájka, anhatapu uauarhuntskuarhu anapuenksï járhasti engaksï no újka amanhejchakua jukani, tsimani xanhariksï uarhirixati, ísï jimboksïsï murutanhaati.

Apocalipsis 1:11

Engarini arhimpka: “Karantsï ka takurantsï ambe engari exeaka, ka iúmu tsimani tángorhekuechani: Éfesu ka Esmirna ka Pérgamu ka Tiatira ka Sárdisi ka Filadelfia ka Laodisea anapuechani axakua.”

Apocalipsis 1:16

Ka t'irejkandani iúmu tsimani jóskuechani jatsiaspti; ka atajpetarakua ma tsimoru sési uarhomutini uéchasïrempti; ka t'ít'ijkusïrempti, eska tata jurhiata t'éjkamatirhu jarhani.

Apocalipsis 1:20

Ísti jánhastperakua iúmu tsimani jóskuecheri engarini jurhijkandani erajkuaka, ka iúmu tsimani tiripitiri ch'urhinguecheri: Iúmu tsimani jóskuechaksï ánjelichesti engaksï tángorhekuecharhu jaka, ka iúmu tsimani ch'urhinguechaksï tángorhekuesti.

Apocalipsis 1:4

Ji Juánu, uandajperata ma axakuasïnga, iúmu tsimani tángorhekuechani engaksï Ásia jaka: Cha jinguni jaue sési pájperakua ka kóntperata, imeri enga jindeka, enga jindepkia ka enga juuaka, ka ístu iúmu tsimani espirituecheri engaksï imeri k'éri uaxantskuarhu urhepani jaka,

Apocalipsis 2:13

Ji míteska nani engari irekaka, jimini enga k'éri uaxantskua Nóambakitiri jaka. T'úri k'óru jucheti jakangurhikuani mintsikaxakateru, ka nóri uandaxaka nóterurini jakajkunia, ni jimajkani enga jucheti ambakiti jántspiri Antipasï uándikunhapka, jimini Nóambakiti jarhasti.

Apocalipsis 2:19

Ji míteaska chéti úkuechani, ka chéti uékperakuani, ka chéti mintsikuani, ka chéti jarhojpekuani, ka chéti tekantskuani, ka eskaksï chéti úkuecha urhetku sánderu ambakitispka eska iásï.

Apocalipsis 2:2

Míteska chéti úkuechani, na engari xáni jángorhentani jaka ka nóri kuatantani; ka na engari no újka nósesi úrichani tekantaani, ka Jesusiri uandakua pári eratakorherichani ts'éjkuaskari, ka p'iaraaskari eskaksï chkuándirasïnga.

Apocalipsis 2:9

Ji míteska eskari nósesi nitamanchaska ka uétarhenchandi, nájkirukari jatsikorherika ka na engaksïni judio arhikorericha xáni nósesi uandatsejka, ka jiniksï Nóambakitiri chúngumatini.

Apocalipsis 3:15

Ji chéti úkuechani míteaska, eskari no ts'irapitiska ka nójturi jurhepitini. ¡Uékapiringa eskari méntku ts'irapitipiringa o méntku jurhepitini!

Apocalipsis 3:2

Sési pátsakorhe ka uinhaperantsï indeni ambe enga pakarani jaka, engari nótki uarhirakorheni jaka; jimbokani nóma chéti úkua k'amarakata xéntaska Diósïni japarini.

Apocalipsis 3:8

Ji míteska chéti úkuechani; exe na engakini mítachetini jurajkucheni jaka, ka nónema úati míkantani, jimboka nájkiruka sántkueka chéti uinhapekua, jucheti uandakuani uraska, ka nómendini uandaska no míteni.

Apocalipsis 4:5

Ka k'éri uaxantskuarhu kurhakoresïrempti piritani ka charancheni. Ka k'éri uaxantskuarhu urhepani iúmu tsimani k'ueramu tixaraxapti, engaksï iúmu tsimani Diósïri espirituecheka.

Apocalipsis 5:6

Ka xéspka karichi atakateni jásï ma anhandetini jarhani, terujkani jakuani k'éri uaxantskuarhu ka t'ámu manakorheri tsípitichani ka Achamasïchani, Iúmu tsimani sïuanguechani jukaspti ka iúmu tsimani éskuechani, engaksï iúmu tsimani espirituecheka enga Diósï ma parhakpeni axaaka.