Apocalipsis 21:7 - Diósïri Karakata P´urheepecha Jimbo

⁷ Imeriuati iámendu ambe enga ts'iuentaaka ka no kuatantani: Ka ji imeri Diósïuaka ka ima jucheti uátsïtiuati.

Apocalipsis 21:7 Iomraidhean Croise

San Mateo 19:29

Ka ima enga erachichani o pirenchichani, tátjembani o amambani o témbani, sapichani, ka echeri ambe jíndeni jimbo jurajkuaka, iúmu ukuatse sánderu intsïnhantaati, ka tsípekua méntkisï anapu andakorheati.

San Mateo 25:21

Ka ima arhispti: ‘Sési jarhasti, sésiri ánchekorhesïnga ka mintsinharhikueskari. Sánderukini kánekua íntskuaka. Incha chéti tateri tsípekorhetarhu.’

San Mateo 25:34

Ka irecha arhiauati imechani engaksï jurhijkandani jaka: ‘Juíni je, Táte juchetiri ujchakurakatecha, p'i je irechakuani engajtsï parhakpeni k'ueraakatarhutki cha míndamenhatini jaka.

San Marcos 10:17

Enga Jesusi ménderu xanhari jatantani jámempkia, acheti ma uiriaparini niáraspti ka tinguixurhikuspti ka kurhamarheni: –Ambakiti jurhentpiri, ¿Néna jámaa? Ji uéksïnga méntku isï tsípekua jatsini.

Romanos 8:14

Iámenduksï Diósï uájpesti ima engaksï uéjka eska Diósïri Espiritu urhekupauaka.

Romanos 8:19

Iámendu kueraakatechaksï uarhintaxati erokorheni eskaksï xarhatanhaaka néksïsï Diósï uájpe.

2 Corintios 6:16

¿Andi tiósïoksï jaua diósï eratakatecha? Jimbokachi juchasï Diósïri tsípitiri tiósteka, jimboka Diósï uandaska: “Íni ireta jinguni jámaaka; Ji indecheri Diósïuaka ka indeksï jucheti ireteuati.”

2 Corintios 6:18

Ka ji chári táteuaka, ka chájtsï jucheti uatsïtiuaka. Acha enga iámu uinhapekua jatsika, ísï uandasti.”

Hebreos 8:10

Engani Israeli jinguni pakatperaaka engaksï na ima jurhiatecha nitamaakia, arhiauati, Achasï ísï uandajti: Jucheti juramukuechani inchajtsïtauaka ka imecheri mintsitarhu pakataaka. Ji imecheri Diósïuaka ka imaksï jucheti ireteuati.

1 Pedro 3:9

Engaksïni nósesi ambe úcheska, ásï nósesi útspentsï je, ka engaksïni útacheska, ásï útatspentsï je; méntku ménderueni, újchakurpe je, jimbokaksïni Diósï újchakuranisï ióarhika.

Apocalipsis 2:11

¡Ne enga újka kurhani, kurhangue ambe enga Espiritu arhiajka tángorhekuechani! Ne enga andaaka, nóteru kómu nitamaati eka uarhikua ménderu janotspeakia.’

Apocalipsis 2:17

¡Ne enga újka kurhani, kurhangue ambe enga Espiritu arhiajka tángorhekuechani! Ne enga andaaka, ji akua ma no mítekata patsakata íntskuaka, ka ístuni tsakapu sapinharhi urapiti ma íntskuaka, enga jimbanhe jakangurhikua ma jukanharhiaka, ka imajkusï míteati enga intsïnhaaka, ka nóteru nema.’

Apocalipsis 2:25

indeni ambentku engajtsï jatsika, sési patsa je jimajkani jamberi egani ji junguaka.

Apocalipsis 2:7

¡Ne enga újka kurhani, kurhangue ambe enga Espiritu arhiajka tángorhekuechani! Ne enga andaaka, ji sésikua íntskuaka, tsípekueri anhatapurhu akurhutani enga Diósïri irekuarhu anhaakuka.’

Apocalipsis 21:3

Ka kurhaspka nema k'éri uaxantskuarhu uératini uinhachani jarhani: “Exe je Diósïri k'umanchekua ísti enga k'uiripu jinguni jaka, ka Diósïri ireteuatiksï, ka Diósï imecha jinguniuati ka imecheri Diósïuati.”