Apocalipsis 21:2 - Diósïri Karakata P´urheepecha Jimbo

² Ka Jerusaleni jimbanheni exespka, ireta erakukatani enga auandarhu uératini kétseni jápka, jini uératini enga Diósï jaka. Sési xukuparhantatini eska tembunha ma enga tembuchani nirajka kúmani.

Apocalipsis 21:2 Iomraidhean Croise

San Juan 3:29

Tembuchakuarhu ma, tembuchasï tsípeni jarhajti tembunhani exeni; ka tembucheri p'íchpiri enga pámbeni jámani jarhajka, tsípenitsipesïndi tembuchani kurhajchani enga uandantani jarhajka. Jíjtuni iásï ísï tsípenitsipexaka.

2 Corintios 11:2

Diósïri jimbo, jíksïni uandanheachexaka, engaksïni iurhitskiri méni aiatspetini jáka Krístu jinguni tembuchatani.

Hebreos 11:10

Jimboka ima k'éri iretani enga pítsekua sési jukaka mintsikaxapka, enga Diósï úka ka eratseka néna enga jáxepiringa.

Hebreos 11:16

Sánderu ambakiti ambeksïsï jirinhajti, imani enga auandarhu jaka. Jimbosï Diósï no k'uratsenharhiajti, engaksï ima arhiaka eska uandaparini jámaaka eska imecheri Diósïska, jimboka k'éri iretani ma míndaatixakaia.

Hebreos 12:22

Ka jimini ménderueni, chájtsï andarheraska Sióni juatani, enga Diósïri tsípitiri k'éri ireteka, auandarhu anapu Jerusalenini ka exeaskajtsï uánekua ánjelichani engaksï tángorhentatini jaka Diósïni k'éri ambe arhini,

Hebreos 13:14

jimbokachi ixu parhakpeni no májku k'éri iretani jatsikorheska, sánderu sánichi imanisï jirinhani jámani jaka enga jimbanhe ireteuaka.

Apocalipsis 1:1

Tata Jesukristueri jánhastperakua enga Diósï exeraka, eska jántspiri jémbechani íntsapiringa ambe enga úkorheni jámka, ka ísï jimbo Jesukristu ánjeli jémbani axaspti, jántspiri jémba Juánuni jánhastarani,

Apocalipsis 1:4

Ji Juánu, uandajperata ma axakuasïnga, iúmu tsimani tángorhekuechani engaksï Ásia jaka: Cha jinguni jaue sési pájperakua ka kóntperata, imeri enga jindeka, enga jindepkia ka enga juuaka, ka ístu iúmu tsimani espirituecheri engaksï imeri k'éri uaxantskuarhu urhepani jaka,

Apocalipsis 1:9

Ji Juánu, chári erachi, ka engani méntkueni nósesi nitamakorheka, ísï eska Jesusi jámaparini ka tekantsparini, Pátmusï ómekuarhu jupikata jarhaspka, jimbokani Diósïri ambe uandantasïrempka, ka Jesusiri jurhentpekuani tsïrimerani.

Apocalipsis 11:2

K'óru ekuarhuni ásï ts'éreta, jimbokaksï no jakajkuticha intsïnhaska ka imaksï Jerusaleni erakukatani, tanimu uéxurhini ka terujkani nósesiksï jántskantaati.”

Apocalipsis 21:10

Ka espiritueri jánhaskua jimbo, ánjelirini k'éri juáta iótatirhu ma páspti, ka Diósïri ireta Jerusaleni erakukatarini exeraspti, auandarhu uératini kétseni jarhani,

Apocalipsis 21:9

Ka ánjeli márini andarheraspti enga iumu tsimani tsúntsuechani káani jápka, enga k'amakurhikueri kasïngurikuechani uiniraatini jápka, ka uandajpasptirini arhiparini; “Jútkiria, tembunhankini exeraaka, enga karichiri témbeka.”

Apocalipsis 22:17

Ka Diósïri espiritu ka Karichiri tembunha uandasïndi: “¡Junguaia!” Ka ne enga kurhani jaka uande: “¡Jungua ia!” Ka ne enga k'arhichani jaka, andaparhakuere; ka ne engateru xáni tsípentajka p'itakorhe itsï tsípekueri.

Apocalipsis 22:19

Ka eka nema p'ikuntaska uandakuechani íni Diósïri karakatarhu, Diósï euantaati sésikua akurhutani anhatapu tsípekuerirhu, ka nójtu inchaati ireta pímbinhandu enga ixu karanharhikukata jaka.

Apocalipsis 3:12

Ne enga andaaka, ji anhandakua úntaaka jucheti Diósïri k'umanchekuarhu, ka jima pakaraati méntkisï, ka jucheti Diósïri jakangurhikuani ka ístu jucheti Diósïri iretani jima karaaka, enga jindeka Diósïri jimbanhe Jerusaleni enga auandarhu uératini kétsejka, ka jucheti jimbanhe jakangurhikua karaaka.