Apocalipsis 21:1 - Diósïri Karakata P´urheepecha Jimbo

¹ Ka tátsekua jimbanhe auandani ka jimbanhe parhakpenini exespka; jimboka urheta anapu auanda ka urheta anapu parhakpeni nónespkaksïa, ka k'éri japunda nóteru jarhasptia.

Apocalipsis 21:1 Iomraidhean Croise

Romanos 8:21

eska k'amanharhintskua jurajkuaka, ka eskaksï ísï jámani imecha jinguniuaka, engaksï kánekua sési p'ikuarheraparini jámka Diósï uájpecha.

2 Pedro 3:10

Ima jurhia enga Acha junguaka, sïpajkurheni janonguati; ima jurhiatekua k'éri ma charancheati ka auanda nóneuati; ka chpíri iámendu ambe kurhiraati ka parhakpeni méntku k'amajpeati.

2 Pedro 3:13

K'óruchi jucha jimbanhe auandani ka jimbanhe echerini erokorhexaka engajtsïni Diósï aiacheka, jima enga iámendu ambe sésiuaka.

Apocalipsis 13:1

Ka tátsekua nósesi jásï tsípiti manakorherini exespka enga témbeni sïuangua ka iúmu tsimani éjpu jukaaka, k'éri japundarhu uémeni jarhani ka sïuanguecharhu kanakua jukajtsïatini, ka nósesi jásï ambe k'éramakorhetarakua kararhutini enga Diósïni útakuenka.

Apocalipsis 20:11

Ka tátsekua k'éri uaxantskua urapitini ma exespka, ka ima enga jima uaxakatini jápka. Imani japarinksï parhakpeni ka auanda sïpakorhekuspti ka nónesptiksï.

Apocalipsis 21:5

Ka ima enga uaxakatini jápka k'éri uaxantskuarhu uandaspti: “Exe iámu ambe jimbanhe úntaaka.” Ka arhisptiterurini: “Kara, jimboka íksï uandakuecha mintsïkueska ka ísïstiksï.”

Apocalipsis 6:14

Ka auanda sïrandeni p'arhakurhintatini nónespti, ka iámendu juátechaksï ka ómekuechaksï móskunhaspti.