Apocalipsis 2:3 - Diósïri Karakata P´urheepecha Jimbo

³ Ka kómu nitamakorheskari, ka tekaantaskari ka jíndeni jimbori incharhetakuska ánchekorheni, ka nóri kuatantaska.

Apocalipsis 2:3 Iomraidhean Croise

San Marcos 15:21

Ka juátarhu junguani jámani jimesï nitamantaxapti Simoni, Sirene anapu, enga Alejandrueri ka Rúfueri tátjembepka, ka p'urhejkutichaksï uinhapetarhu páraspti Jesusiri krúsini.

San Lucas 14:27

Ka ne enga no míngorhentaska krúsini ka chúxapunirini, no úati jucheti jurhengorherini.

San Lucas 18:1

Kájtu Jesusi uandantskua terukutarantskua ma aianguaspti; jurhendaani uékani eskaksï no kuatantaparini méntku ísï uandamukukorheni.

San Lucas 21:19

¡Méntkisï tekaantsï je, ísï jámantsï p'ímutantskorhentaaka!”

San Lucas 5:5

Ka Simoni arhispti: –Jurhentpiri, erantskutakuskachi uarhoni ka nómachi p'itamaska; ka jimboka t'u uandasïnga, ménderuchi k'uanimaaka.

San Lucas 8:15

Ka ima k'ória tríju engaksï ambakiti echerindu andatseraka, imestiksï engaksï ambakiti mintsita jinguni uékaparini kurhajka ka nóksï ísku kurhani, ka engaksï sési anhaxurhikorhetini ambakiti ambe íntspentajka.”

San Juan 15:21

Eka úka, jíndeni jimboksïnisï ísï kámaati, jimbokaksï no míteska imani engarini axaka.

Romanos 12:12

Tsípekua jinguni erokani ja je imani ambe engajtsï intsïnhaaka, tekantsï je ekajtsï nósesi ambe jatsini jarhajka; ka méntkisï uandamukukorheni ja je.

Romanos 16:12

Ka Trifenani ka Trifosani engaksï Achani ánchekorhekujka; Ka ístu Pérsidani engani xáni xénhchajka jimboka Achani ánchekorhekusïnga.

Romanos 2:7

Imechani méntkisï tsípekua íntsauati engaksï jángorhentaka sési ambe úni, kéri ambe jirinhakuekani, kéri ambeuatiksï ka méntkisïksï irekaati.

Romanos 8:25

Ka engachi no mítejka ambechisï intsïnhaa, tekantani jarhasïngachi erokorheni.

1 Corintios 13:7

Iámendu ambe tekatspentasïndi ka iámendu ambe jakajkusïndi, ka iámendu ambe kurhangutspesïndi.

1 Corintios 16:16

Kómarhixakaksïni eskajtsï kurhajchauka imeni jarhati k'uiripuechani, ka máteruechantu engaksï ini ánchekorhetani íntskukorhentajka úni jarhani.

2 Corintios 10:15

Nóchi máteru nemeri ánchekorhetani míngorhekuekaxaka, uéksïngachi eskajtsï Dósïni sánderu jakajkuaka ka jurhendanksïni mámaru ambeteru

2 Corintios 11:23

Ekaksï inde Krístueri jarhojpirika, ji andaaska sánderu incharhetakuni, nájkiruka nósesi kurhakorheka. Sánderu ánchekorheska ka sánderu k'atanhaska ka sánderu k'uikirhenhaska ka mémechani sano uándikunhaska.

2 Corintios 4:1

Juchachkani íni ambe ánchetanhaska, ka nóchi kuatantasïnga jimboka kóntperata méska.

2 Corintios 4:16

Jimbosïni jucha no kuatantajka, ka náuejki juchari anhanhatakua k'amakurhini jaka, jucha inchanhekua mándani pauani sánderu jimbanhentaxaka.

2 Corintios 5:9

Jimbochisï jángorhentajka jaiapanherantani íni anhanhatakua jinguni o nóteru íni anhanhatakuarhia.

2 Corintios 6:5

óchi k'uikirhenhani óchi k'atanhani óchi arhinharikunhani ambe o eranderanchi ánchekorheni nómbe t'irerini,

Gálatas 6:2

Jarhoatpera je engajtsï nósesi nitamakorheni jauaka, ísïjtsï Krístueri juramukuani marhoakuni jauaka.

Gálatas 6:9

Ju je no kuatantani sési ambe úni; jimbokachi ma jurhiani sési ambe p'ikuntaaka engaksï méntkisï sési ambe úaka.

Filipenses 2:16

ka uandakua tsípekuerijtsï uandantapari. Ka jiáni enga Krístu junguaka, ji ísï k'éramakorheni chánksïni jimbo mítetini eskani no ískusïni incharhetakuka jini ka jini nirani ánchekorheni.

Filipenses 4:3

Ka t'úngeni engarini nómeni jurajkujka, komarhixakakini eskari indeni pámpirichani jarhuatauaka sáni, jimbokajtsïni inde kánekua jarhuataska ambakiti aiangperakuani aiangpentani, márkuchi jámaspka Klemente jinguni ka máteru jucheti jarhojpiricha jinguni, ka indeksï tsípiti karakatarhu karanharhikuka jarhastia.

Colosenses 1:11

ka eskaksïni ima uinhaperantaaka. Jimboka ima kánekua uinhapekua jatsiska ka jarhuatatiksïni tsípentani ekajtsï uándanheata ambe tekantani jáuaka,

1 Tesalonicenses 1:3

Diósïni japarinchi, enga juchari Táteka, méntku míantani jarhasïnga cha na enga xáni sési jakajkujka, ka na engajtsï xáni xénhchpejka, ka na engajtsï xáni mintsikani jaka eska Jesukristu junguaaka.

1 Tesalonicenses 2:9

Erachicha, chájtsï miáxaka na engachi xáni ánchekorhempka ka na engachi xáni kuatarempka nóna nitamakorheni. Chúrekua ka jurhiakuachi ánchekorhesïrempka, nóchi uékani cha nemani ójkutani engaksïni Diósïri jimbanhe uandantskuani jurhendani jápka.

1 Tesalonicenses 5:12

Erachicha, kómu arhixaksïni eskajtsï janhanharhiauaka imechani engaksï cha jinguni ánchekorheni jaka ka engaksïni Acheri úkuarhu urhechepani jaka ka engaksïni xukani jaka.

2 Tesalonicenses 3:13

Iáchka je erachicha, ásï jáma je kuatantani sési ambe niátani.

2 Tesalonicenses 3:5

Eska Acha urhekupaaka chári p'ikuarhenhekua Diósïri xénhchperatani andarherani ka Krístueri tekaantskua jurhengorheni.

2 Tesalonicenses 3:8

ka nójtuchi méni némani ambe euamukuska, sánderu sánichi chúrekua ka jurhiakua no kuatantaska ánchekorheni ka ísï jámanichi nónemani chánksïni ójkutaska.

1 Timoteo 4:10

Íni ambe jimbochisï anchekorheni jaka ka jángorhentaxakachi, jimbokachi mintsikasïnga Diósï tsípitini enga iámenduecheri p'ímutantspirika, ka sánderuia imechani engaksï imani jakajkuka.

1 Timoteo 5:17

Tatechani engaksï sési juramuni jaka tiósïo, kánekua sési arhia je, ka sánderu imechani engaksï jángorhentajka sési jurhentpeni ka arhijtsïkpeni.

Hebreos 10:36

Uétarhesïndi eskajtsï Diósïni ánchperata úkuni jámani tekantaaka engajtsï nósesi ambe úkorhenchani jauaka ísï jámantsï intsïnhaaka engajtsï aiamenhatini jaka.

Hebreos 12:1

Jimbo, engachi xáni uáni jatsikorheaka imechani, engaksï jakajkukua xarhatani jaka, ju je k'ámanharhintskuechani ka nósesi jásï ambe uauarhekorhentani, ka ju je uinhapekua jinguni kúmani ambe engajtsïni ts'éjperakua janocheska,

Hebreos 13:13

Ju je juchajtu uérani jurajkuchi juchajtu méntkueni k'uratsetanhani;

Hebreos 6:10

Jimboka Diósï sési maiampentasïnga ka no mirikurhiati eska cha xáni ambe imeri jakangurhikuani jinguni xarhatakia, ka engajtsï xáni chéni anapuechani jarhuataaka.

Hebreos 6:12

eskajtsï ísï jámani no xépiti úkorheaka, sánderu sáni ísï jáma je eskaksï ima engaksï aiatsperakuani jurajkumenhajka, jimbokaksï jakajkusïnga ka jimbokaksï nómeni jurarkusïnga jakajkuni jarhani.

Hebreos 6:15

Abrani, ísï tekantatini, íntsïnhaspti enga aiamenhapka.

2 Pedro 1:6

ka míakua jukarini, p'íngukorhe je, ka p'íngukorhetini, tekaantsï je, ka tekaantatini, Diósïni íntskukorhentsï je,

Apocalipsis 1:9

Ji Juánu, chári erachi, ka engani méntkueni nósesi nitamakorheka, ísï eska Jesusi jámaparini ka tekantsparini, Pátmusï ómekuarhu jupikata jarhaspka, jimbokani Diósïri ambe uandantasïrempka, ka Jesusiri jurhentpekuani tsïrimerani.

Apocalipsis 3:10

Jimbokari jucheti uandakuani mintsikaska, jíjtukini patsaaka ima jándu enga ts'éjkukua janoaka, ka iápuru enga xáni irenhaka janoati, jimbokaksï iámenduecha ts'éjkunhaaka.