Apocalipsis 2:1 - Diósïri Karakata P´urheepecha Jimbo

¹ Ánjelini enga Éfeso anapu tángorhekuarhu jaka, ísï karaku: Ima enga iúmu tsimani jóskuechani t'irejkandani jatsiaka, ka enga jimesï xanharajka engaksï iúmu tsimani ch'urhinguecha tiripitiri jaka, ísï uandasïndi:

Apocalipsis 2:1 Iomraidhean Croise

Apocalipsis 1:20

Ísti jánhastperakua iúmu tsimani jóskuecheri engarini jurhijkandani erajkuaka, ka iúmu tsimani tiripitiri ch'urhinguecheri: Iúmu tsimani jóskuechaksï ánjelichesti engaksï tángorhekuecharhu jaka, ka iúmu tsimani ch'urhinguechaksï tángorhekuesti.

Apocalipsis 1:16

Ka t'irejkandani iúmu tsimani jóskuechani jatsiaspti; ka atajpetarakua ma tsimoru sési uarhomutini uéchasïrempti; ka t'ít'ijkusïrempti, eska tata jurhiata t'éjkamatirhu jarhani.

Apocalipsis 3:14

Ka ísï karaku ánjelini enga Laodisea anapu tángorhekuarhu jaka: Ima enga uandantajka ambe enga ísïka, enga mintsinharhikueka ka enga no chkuándirajka, enga Acha Kuerajpiri jimbo uandaka ka iámendu ambe kueraani, arhixatikini:

Apocalipsis 3:7

Ka ísï karaku ánjelini enga Filadelfia anapu tángorhekuarhu jaka: Íni ambe arhisïndi ima enga pímbinhaxeka ka enga ísïka, enga Dabiri mítakuani jatsika, enga mítajka ka nónema úni míkantani, ka enga uapanhajka ka nónema úni mítantani:

Apocalipsis 3:1

Ka ísï karaku ánjelini enga Sárdisi anapu tángorhekuarhu jaka: Ima enga iúmu tsimani espirituechani Diósïri jatsiaaka, ka ístu iúmu tsimani jóskuechani ini ambe uandasïndi: Ji chéti úkuechani míteska, ka na engari uandani jaka eskari tsípiti jarhaska ka jiniri uarhirini jarhani.

Apocalipsis 2:18

Ka ísï karaku ánjelini enga Tiatira anapu tángorhekuarhu jaka: Diósï Uájpa íni ambe uandasïndi, enga chpíri jengueratini járhati éskajka, ka tiámu pitsïpitini jándurhani:

Apocalipsis 2:12

Ka ísï karaku ánjelini enga Pérgamu anapu tángorhekuarhu jaka: Ima enga atajpetarakua ma jatsika, tsimoru sési uarhomutini ísï uandasïndi:

Apocalipsis 2:8

Ka ísï karaku ánjelini enga Esmirna anapu tángorhekuarhu jaka: Ima enga uénani jámani jaka ka k'amarhutani jamberi ísï uandasïndi, enga uarhipkia ka ménderu tsíntani:

San Mateo 18:20

Jimboka jima engaksï tsimani o tanimu tángorhentatini jauaka jucheti jakangurhikua jimbo, jíjtu jima jauaka.”

San Juan 5:35

Juánu erajkutarakua máespti enga étskurhitini jápka ka enga erandutpempka, ka chájtsï imeri t'íntskua jimbo no uékaska ióni tsípeni.

Apocalipsis 12:1

Ka auandarhu k'éri ma mínda xarhanchespti, uarhiti ma tata jurhiateni xukuparhantatini, ka nana kutsïni jatandutini jarhani, ka kanakua ma témbeni tsimani jóskueri úkata jukajtsïtini jarhani.

San Mateo 28:20

Ka jurhendaa je eskaksï úraaka iámendu ambe engaksïni ji jurhendaka. Ka ji, parhakpeni k'amakurhikuarhu jamberi mándani pauani chánksïni jinguni jauaka.”

Hechos 18:19

Engaksï Éfesu niárapka, jima Prisilani ka Akilani kéndikukuaspti. K'umanchekua tángorhentskuarhu inchaspti ka judioecha jingunksï mámaru ambe úndaspti arhijperani.

Hechos 18:21

ka uandanuantaaspti arhiaparini: Eka Diósï uekaaka k'uanhatsentaaka Ka Éfesu uératini icharhuta jimbo niraspti.

Hechos 19:1

Enga Apolusï Korintu jápka, Páblu juátarhu ísï niraspti ka Éfesu niáraspti, ka jima máru erachichani xéantaaspti;

2 Corintios 6:16

¿Andi tiósïoksï jaua diósï eratakatecha? Jimbokachi juchasï Diósïri tsípitiri tiósteka, jimboka Diósï uandaska: “Íni ireta jinguni jámaaka; Ji indecheri Diósïuaka ka indeksï jucheti ireteuati.”