Apocalipsis 15:3 - Diósïri Karakata P´urheepecha Jimbo

³ ka Moisesiri pirekua máksï piresïrempti, enga Diósïri jántspirika, ka Karichiri pirekuaksï arhini: K'érati ka sési járhati ambesti chéti úkuecha, Acha Diósï xáni uinhapiti, kaxumbenksï ka jurhimbenksï chéti xanharicha, irecheskari iámendu iretecharhu.

Apocalipsis 15:3 Iomraidhean Croise

San Juan 1:17

jimboka Moisesi íntspeska juramukuani, k'óru, xénhchperakua ka ima ambe enga ísïka Jesukristu xárhatasti.

1 Timoteo 1:17

¡Imani enga méntkisï irecheka, méntku ísï k'eri ambe arhi je, enga nómeni uarhiaka, ka enga nónema újka exeni, imajkusï Diósïti! Ka ísïsti.

Hebreos 3:5

Diósïri k'umenchekuarhu Moisesi kurhandiraspti, jántspiriparini, ka uandantapasïrempti ambe enga xáni Diósï uandempka.

Apocalipsis 1:8

“Jíska uénakua ka k'amarhukua,” uandaxati Acha Diósï, “Enga jindeka ka enga jindepka ka enga jurhani jaka, enga iámu uinhapetika.”

Apocalipsis 11:17

arhiparinksï: Diósïmaiamu Acha Diósï, engari iámendu ambe újka úni, engari jindeka ka engari jindepka, jimbokari chéti uinhapekua p'iraskia ka juramuxakaria.

Apocalipsis 14:3

Ka k'éri uaxantskuani ka t'ámu tsípitichani, ka achamasïchani pirekua jimbanheksï ma pirekuasïrempti. Ka nónema úsïrempti pirekuani jurhengorheni, imajkuksï iúmu tsimani ekuatse ka t'ámu míli (144 míli) mítespti, engaksï parhakpeni euajpenhantapka.

Apocalipsis 14:8

Ka máteru ánjeli chúngumasïrempti, arhiparini: “Babilonia xerendurhinhastia k'amajkunhastia, k'éri ireta enga iámendu iretechani kauiraapka, imeri kauikua jinguni enga ískjandi újpejka.”

Apocalipsis 17:14

Íksï Karichi sapichu jinguni uarhiperaati, ka Karichi sapichu andauati, jimboka imasï K'éri Acheka ka K'éri Irecheni, sánderu eska ne uejki, ka p'ímarhekatecha jingunisti ka erakukatecha jinguni ka mintsinharhikuecha jinguni.”

Apocalipsis 19:16

K'uaparhakuarhu karaparhaspti ka tsíkajtakuarhu karajtarhaspti jakangurhikua ma enga: “Irecha irechecheri ka Acha achecheri” arhijka.

Apocalipsis 19:2

jimboka Diósï sési k'uetsaperpentasïnga; jimboka uarhiti ísku jándini ikimeska, enga iámu parhakpenini ikichakua úka imeri ísku jángua jimbo, ka maiampetarantastia enga imeri erakukatechani uándikukuapka.”

Apocalipsis 4:8

Ka inde t'ámuksï kuímu p'araskua jukaspti, ka éskuaksï uinirhekorheaspti, ka chúrekua ka jurhiakua nóksï mintsikorhesïrempti ísï uandani: “¡Acha tanimu xanhari pímbinhaxesti Acha Diósï enga iámendu ambe újka úni, enga jindepka ka enga jindeka ka enga junguaka!”