Apocalipsis 13:1 - Diósïri Karakata P´urheepecha Jimbo

¹ Ka tátsekua nósesi jásï tsípiti manakorherini exespka enga témbeni sïuangua ka iúmu tsimani éjpu jukaaka, k'éri japundarhu uémeni jarhani ka sïuanguecharhu kanakua jukajtsïatini, ka nósesi jásï ambe k'éramakorhetarakua kararhutini enga Diósïni útakuenka.

Apocalipsis 13:1 Iomraidhean Croise

Apocalipsis 11:7

Ka engaksï k'amarakia aiangpentani, nósesi jásï tsípiti jauanhekuarhu uénheati ka Diósïri uandarichani jingunksï uarhiperaati, ka andauati ka uándikuauati.

Apocalipsis 12:3

Ka auandarhu máteru mínda xarhanchespti: T'arhe k'éri ma kakoni charhapiti xarhanchespti, enga iúmu tsimani éjpuechani jukaapka, ka témbeni sïuanguechani, ka mándani éjpurhuksï kanakua jukajtsïatini.

Apocalipsis 13:11

Ka tátsekua máteru nósesi jásï tsípiti manakorherini exespka echerindu uétseni jarhani, ka tsimani sïuangua jukaaspti karichirini jarhati, ka k'éri kakonini uandasïrempti.

Apocalipsis 13:14

ka parhakpenirhu anapu k'uiripuni imani míndechani jimbo tandonhastaani, enga sésikua intsïnhapka nósesi jásï tsípitini marhuakuparini, arhiaparini parhakpeni anapuechani eskaksï nósesi jásï tsípitini eratakua ma úkupiringa, enga atajpetarakua uarhomuti jimbo atakata jápka ka ménderu tsíntani.

Apocalipsis 13:15

Ka sésikua intsïnhasti eska eratakata úkatani tsípekua íntskuaka, ka eska eratakata úkata úpiringa uandani ka uándikutarkorheani néni enga imani no k'éri ambe arhipiringa.

Apocalipsis 15:2

Japundeni jásï ma xarharaspti jeuakorhetini chpíri jinguni ka tsónhastpeni járhani; ka japundarhu uanamukutinksï anhaxurhitini járhaspti ima engaksï nósesi jásï tsípiti manakorherini andapka ka imeri eratakata úkatani ka imeri miurantskuani, Diósïri sétimuechanksï jupikatixapti,

Apocalipsis 16:13

Ka exespka ambe enga t'arhe k'éri kakoni uéchempka, ka enga nósesi jásï tsípiti manakorheri uéchempka, ka enga arhijtsïkpiti k'arhajpiri uéchempka, tanimu nósesi járhati kókinini járhatichani.

Apocalipsis 17:16

Ka témbeni sïuanguecha ka k'éri nósesi jásï manakorheri engari exeka, uarhiti ísku jándinksï kurhunheati, jandiojku ka patsïki jásïksï jurarkuati, ka ántaatiksï ka kurhintaatiksï,

Apocalipsis 17:3

Ka tátsekua Espiritu jánhaskua jimborini páspti jimesï enga nónema irekaka. Ka uarhitini ma exespka, enga nósesi jásï manakorheri charhapitini ma jatarini jápka, ka mámaru jásï uandakuechani kararekorheatini jarhani enga Diósïni útakujka; ima nósesï jásï manakorheri iúmu tsimani éjpu jukaspti ka témbeni sïuanguechani.

Apocalipsis 17:5

Ka tsérhukuarhu uandakua ma kararhutixapti, enga no iámendu kurhangunhajka: NÁNDE K'ÉRI BABILONIA ÍSKU JÁNDICHERI, KA IÁMU PARHAKPENI ANAPU KURHUNHPERATA.

Apocalipsis 19:19

Ka tátsekua k'éri nósesi jásï tsípitini exespka, ka parhakpeni anapu irechechani imeri p'urhejkuticha jingunksï tángorhentatini jarhani, jimbokaksï tekechu jatarini ka imeri uarhipetiachani jinguni uarhiperapiringa.