Apocalipsis 12:3 - Diósïri Karakata P´urheepecha Jimbo

³ Ka auandarhu máteru mínda xarhanchespti: T'arhe k'éri ma kakoni charhapiti xarhanchespti, enga iúmu tsimani éjpuechani jukaapka, ka témbeni sïuanguechani, ka mándani éjpurhuksï kanakua jukajtsïatini.

Apocalipsis 12:3 Iomraidhean Croise

Apocalipsis 12:1

Ka auandarhu k'éri ma mínda xarhanchespti, uarhiti ma tata jurhiateni xukuparhantatini, ka nana kutsïni jatandutini jarhani, ka kanakua ma témbeni tsimani jóskueri úkata jukajtsïtini jarhani.

Apocalipsis 12:13

Enga k'éri kakoni parhakpeni k'uanijpanhani p'ikuarherapkia, uarhitini andanguni kámaspti enga tataka sapichuni kángorhepka.

Apocalipsis 12:17

Jimajkani k'éri kakoni uarhitini nósesi ikiakuspti, ka niraspti máteru uájpechani urhutakuani, imechani engaksï Diósïri juramukuechani janhanharhiajka ka engaksï Jesukristueni jámajka.

Apocalipsis 12:4

Ka ch'éti jimbo sáno terujkani auandarhu anapu jóskuechani pájtamaaspti, ka parhakpenirhu uekopaaspti. K'éri kakoni urhepani anhaxurhikuspti uarhitini enga sapini kámapiringa, ka uájpani enga andajpenupiringa sontku mápchandini.

Apocalipsis 12:7

Jimajkani uénaspti auandarhu uarhiperanhani: Migeli ka imeri ánjelichaksï t'arhe k'éri kakoni jinguni uarhiperaspti. Ka k'éri kakonijtu imeri ánjelicha jinguni uarhipespti,

Apocalipsis 12:9

Ísï jimbo t'arhe k'éri kakoni, akuitse enga iónikia, enga Nóambakitika ka Satanasi arhinhajka, enga ma parhakpeni terungutpejka auandarhu pétanhantaspti imeri ánjelichani jinguni ka parhakpenirhuksï k'uanijpanhaspti.

Apocalipsis 13:1

Ka tátsekua nósesi jásï tsípiti manakorherini exespka enga témbeni sïuangua ka iúmu tsimani éjpu jukaaka, k'éri japundarhu uémeni jarhani ka sïuanguecharhu kanakua jukajtsïatini, ka nósesi jásï ambe k'éramakorhetarakua kararhutini enga Diósïni útakuenka.

Apocalipsis 13:2

Ka nósesi jásï tsípiti manakorheri engani exeka místu pápueni jáxespti, ka ósueni jándurhani, ka púkini jándirani. Ka k'éri kakoni uinhapekua ka irechekua ka iámu juramukua imani íntskusti.

Apocalipsis 13:4

ka k'éri kakoninksï tinguixurhikuspti, jimboka nósesi jásï tsípiti manakorherini uinhapekua íntskuspka, ka ístuksï tinguixurhikuspti nósesi jásï tsípitini arhiparinksï: “¿Nema ua nósesi jásï tsípitini andani? Ka ¿Nema ua indeni jinguni uarhipeni?”

Apocalipsis 15:1

Ka auandarhu máteru méntku xáni k'éri ma mínda exespka: Iúmu tsimani ánjelichani, engaksï iúmu tsimani kasïngurhikuechani káani jápka k'amarhuni jámani, enga jimbo Diósï iámu imeri ikiatani k'amajkutapirinka.

Apocalipsis 16:13

Ka exespka ambe enga t'arhe k'éri kakoni uéchempka, ka enga nósesi jásï tsípiti manakorheri uéchempka, ka enga arhijtsïkpiti k'arhajpiri uéchempka, tanimu nósesi járhati kókinini járhatichani.

Apocalipsis 17:12

“Ka témbeni sïuanguecha engari exeaaka, témbeni irechechesti engaksï juramukua nótki p'irajka; k'óruksï k'éri nósesi jásï manakorheri jinguni sóndijku irecheuati.

Apocalipsis 17:16

Ka témbeni sïuanguecha ka k'éri nósesi jásï manakorheri engari exeka, uarhiti ísku jándinksï kurhunheati, jandiojku ka patsïki jásïksï jurarkuati, ka ántaatiksï ka kurhintaatiksï,

Apocalipsis 17:7

K'órurini ánjeli arhispti: ¿Andirisï ísku pakarera? Jíkini aianguaka uarhitiri no jánhaskakua, ka nósesi jásï manakorheri enga jatarini jaka, enga iúmu tsimani éjpu ka témbeni sïuangua jukaka.

Apocalipsis 19:12

Ka chpíri jemberatini járhati éskasïrempti; ka uánekua kanakua jukajtsïaspi; ka jakangurhikua karakata ma kámaxapti enga imajku mítepka.

Apocalipsis 20:2

Ka ima, t'arhe k'éri kakonini jupikaspti, enga iónisï akuitseka, enga Nóambakitika ka Satanasini, ka tiámu tepekata jimbo míli (1,000) uéxurhini jójkusti.