Apocalipsis 11:3 - Diósïri Karakata P´urheepecha Jimbo

³ Ji axauaka jucheti tsimani uandarichani turhipiti ch'éch'erasï xukuparhantinksï, eskaksï tanimu uéxurhini ka terujkani arhijtsïkpeaka.

Apocalipsis 11:3 Iomraidhean Croise

San Mateo 11:21

“¡Áke t'u Korasini! Ka ¡Áke t'u Betsaida! Jimboka engaksï Tíro ka Sidoni únhapiringa milagruecha engaksï chénio únhaka, iátkipirindia eskajtsï móantatini japiringa ch'erapiti xukuparhantatini ka t'upuri jápu atajtsïparini.

San Mateo 18:16

Ka ekakini no kurhajchaska, pájta nemani o pájtaa máru, ka imaksïni kurhajchakorheati ambe engajtsï cha xáni uandaaka.

San Lucas 10:13

“¡Áke t'u Korasini! ¡Áke t'u Betsaida! Jimboka eka Tiro ka Sidoni únhapiringa milagru enga ixu úkorheka, ióntkiksïsï ch'ech'erasï ambe jukarini ka t'upuri japu atajtsïparini Diósïni andarhentapiringa.

San Lucas 24:48

chájtsï íni ambesï uandantaaka.

San Juan 15:27

Ka chájtujtsï xárhataaka, jimbokajtsï uénani jámantki ji jinguni jamaxaka.

San Juan 3:27

Juánu arhiaspti: –Nónema úati ambe ma jatsikorheni enga no Diósï íntskuaka.

Hechos 1:8

k'óru jiájkani engajtsï p'iuaka Espiritu Sántueri uinhapekua, engaksïni andajtsïkueraaka, Jerusaleni ka iápuru Judea ka Samaria ka ma parhakpentsï uandantaaka ambe engajtsï jucheti ambe exeka.

Hechos 13:31

Jesusi sáni namuni jurhia imechani xarhakuantaaspti engaksï ima jinguni Galilea uératini Jerusaleni karhamantapka; ka iásïksï iretarhu imeri ambe uandantaxati.

Hechos 2:32

Ka Diósï Jesusini tsítantasti, ka indeni ambe jucha exekorheska.

Hechos 3:15

Ka uándikuskajtsï imani k'érini enga tsípekua íntspejka, k'óru Diósï tsítantasti, jucha xékorheska.

1 Corintios 12:28

Ka Diósï tángorhekuarhu péraasti eskaksï marhuakuaka, urheta uandakua párichani, ka tátsekua arhijtsïkpirichani, ka tátsekua jurhentpirichani; ka tátsekua milagru úrichani, ka tátsekua engaksï ambakerpentani újka, ka jarhojpirichani ka urhejtsïkurhichani ka mámaru jásï uandakua uandarichani.

2 Corintios 13:1

Tanimu xanhari niraxamkia cha jinguni, tsímani o tanimu uandantsticha jimbo méntkuchi sési péntaka indeni ambe.

Efesios 4:11

Krístuchkasï máru uandakua pári kóntpeati ka Diósïri uandarichani ka imechani engaksï ambakiti aiangperakuani uandantani jámapiringa, ka engaksï jakajkutichani eranguauaka, ka jurhentpirichani.

Apocalipsis 1:5

ka ístu Jesukristueri enga mintsinharhikueka ka enga urheta tsíntaka, enga iámendu irechechani íni parhakpeni k'érikuaani jaka. Ka engajtsïni xénhchajka ka imeri iurhiri jimbo k'amanharhintskuechantsïni kénditacheani,

Apocalipsis 11:2

K'óru ekuarhuni ásï ts'éreta, jimbokaksï no jakajkuticha intsïnhaska ka imaksï Jerusaleni erakukatani, tanimu uéxurhini ka terujkani nósesiksï jántskantaati.”

Apocalipsis 11:6

Íksï uinhapekua jatsisti auandani míkani eska imani jurhiatekuechani no janiaka, engaksï Diósïri uandakuani aiangpeni jámani jauaka; ka uinhapekuajtuksï jatsisti itsïni iurhiri úntani, ka parhakpeni anapuechanksï nósesi úkuani, iámendu nósesi jánhaskorhekua jimbo, na enga jatinksï ima uékaaka.

Apocalipsis 12:6

Ka uarhiti jimesï sïpakorhespti enga nónema irekaka, enga Diósï ambantskakutini jatsipka eska tanimu uéxurhini ka terujkani jima t'ireranhapiringa.

Apocalipsis 13:5

Ka sési xekorheparini uandaranhaspti, Diósïni arhimarheni, ka tsimani ekuatse ka tsimani kutsï juramukua intsïnhaspti;

Apocalipsis 19:10

Ka ánjelini k'éri ambe arhini tinguixurhikuspka, ka imarini arhispti: “Ásï ísï jáma, jíjtuni májkueni Diósïri jántspiriska eska t'u, ka eska chéti erachicha engaksï Jesusiri uandakuani p'itini jaka. Diósïndisï k'éri ambe arhiaka.” Jimbokaksï Jesusiri uandakuechasï, uandakua párichani uandarajka.

Apocalipsis 20:4

Ka tátsekua uaxantskuechani máru exeaspka, ka jimaksï uaxakaspti ima engaksï juramukua intsïnhapka úni arhinharhikpeni; ka máteru, kachujchakatecheri ánima exeaspka, engaksï ísï úmenhapka, jimbokaksï Jesusiri ka Diósïri ambe uandantaspka, ka jimbokaksï nósesi jásï tsípitini nómeni k'éri arhispka ka ni imeri diósï eratakatani, ka jimbokaksï no jurajkutakorhespka imeri mínda jatsirhukunhani o jatsijkunhani; ima ánimechaksï ménderu uéntaspti irekani ka Diósïri újchakurakata jinguni míli uéxurhinksï juramuspti.