Apocalipsis 11:2 - Diósïri Karakata P´urheepecha Jimbo

² K'óru ekuarhuni ásï ts'éreta, jimbokaksï no jakajkuticha intsïnhaska ka imaksï Jerusaleni erakukatani, tanimu uéxurhini ka terujkani nósesiksï jántskantaati.”

Apocalipsis 11:2 Iomraidhean Croise

San Mateo 27:53

Ka enga Jesusi tsíntapka uarhirichajtuksï tsíntaspti ka Jerusalenksï inchaakuntaspti ka uánekuaksï exeaspti.

San Mateo 4:5

Tátsekua nóambakiti ireta újchakurakatarhu páspti ka k'éri tiósïo iótakuarhu péraspti

San Mateo 5:13

“Chájtsï parhakpeni anapu etukueska, ka enga etukua nóteru etumarhaaka, ¿Ambeteru úni marhuasïnki? Nóteru marhuapirindi, xanharuterku k'uanitamanhasïndi ka jima t'auajchakunhasïndi.”

San Lucas 21:24

Máruksï tiámu jimbo uándikunhaati ka máteruksï iretecharhu pánhaati; ka no jakajkutichaksï Jerusaleni uanarurhaati, jiájkani jamberi enga jurhiatekua míndakata jaka.”

Hebreos 10:29

Nójtsï eranhaskasïnki eskaksï sánderu ikimenhaaka ne enga Diósï uájpani t'auandurhintaka, ka engaksï Krístueri iurhirini ikichaka, imani iurhirini enga sántuerantaka, ka enga Espírituni jamberi útakuka, nándijtsïni ima kóndejki.

Apocalipsis 11:11

K'óru tanimu jurhia ka terujkani nitamatinia, Diósï imeri tsípekua p'unirhukuaspti ka incharhiaspti, ka jauarasptiksï, ka ima engaksï exeani jápka ískuksï pakareraspti chéni,

Apocalipsis 11:3

Ji axauaka jucheti tsimani uandarichani turhipiti ch'éch'erasï xukuparhantinksï, eskaksï tanimu uéxurhini ka terujkani arhijtsïkpeaka.

Apocalipsis 12:6

Ka uarhiti jimesï sïpakorhespti enga nónema irekaka, enga Diósï ambantskakutini jatsipka eska tanimu uéxurhini ka terujkani jima t'ireranhapiringa.

Apocalipsis 21:10

Ka espiritueri jánhaskua jimbo, ánjelirini k'éri juáta iótatirhu ma páspti, ka Diósïri ireta Jerusaleni erakukatarini exeraspti, auandarhu uératini kétseni jarhani,

Apocalipsis 21:2

Ka Jerusaleni jimbanheni exespka, ireta erakukatani enga auandarhu uératini kétseni jápka, jini uératini enga Diósï jaka. Sési xukuparhantatini eska tembunha ma enga tembuchani nirajka kúmani.

Apocalipsis 22:19

Ka eka nema p'ikuntaska uandakuechani íni Diósïri karakatarhu, Diósï euantaati sésikua akurhutani anhatapu tsípekuerirhu, ka nójtu inchaati ireta pímbinhandu enga ixu karanharhikukata jaka.