Apocalipsis 1:3 - Diósïri Karakata P´urheepecha Jimbo

³ Tsípeati ne enga arhintajka, ka ima engaksï kurhani jaka ambe enga arhini jaka i uandakuecha, ka úranksï jarhani ambe enga xáni karakata jaka, jimbokaksï jurhiatekuecha janoxaka.

Apocalipsis 1:3 Iomraidhean Croise

San Mateo 24:15

“Ísï jimbo, na engajtsï jatini exeaka tiósïo pimbinhandu, diósï kua nósesi jásï ma péranhani, enga Diósïri uandari Danieli uandaka: ‘Ima enga arhintajka, kurhangue,’

San Lucas 11:28

Ima arhispti: –¡Sánderu sánksï imasï tsípeati engaksï kurhajka ambe enga Diósï uandajka, ka engaksï kurhandirakujka!

Romanos 13:11

Ka ísïchi jámaaka, miáparini nénasï jánhaskorheni jaki íni jurhiatekuecha. Jimboka janoskia jurhiata enga uétarheni jakaia tsínharhini; jimboka p'imutantskua sánderu axuterkusï jakaia eska jiájkani engachi uénaka jakajkuni.

Romanos 13:12

Chúrekua nitamaxatiia ka erandexamtia. Ju je pájpakandueri úkuechani jurajkuania ka ju je t'ímarhandekueri kuájpetarakua jukajukatakorheni.

1 Pedro 4:7

Janoxatiia ima jurhia enga iámendu ambe k'amakurhiaka. Míakua juka je ka míani ja je ka méntku uandamukukorheni ja je.

2 Pedro 3:8

Pámpiricha, mia je eska Achani jimbo ma jurhiatekua ísïska eska ambe míli uéxurhinicha, ka eska míli uéxurhinicha ísïska eska ma jurhiatekua.

Apocalipsis 22:10

Ka arhisptiterurini: “Ásï jáma jískani indeni aiangperakuani enga íni karakatarhu karanharhikukata jaka, jimbokaksï jurhiatekuecha janoxakaia.

Apocalipsis 22:12

“Exe je, ji no ióndani junguaxaka ka jucheti andakua juákorhexaka ka éskajtsï na xáni úrini jaka, mándani arhinksïni maiamuntaaka.

Apocalipsis 22:20

Ima enga íni ambe uandantajka, uandasïndi: “Sési jimbo ji junguaxaka.” ¡Ísïmendu u, juchari Acha Jesusi jungua ia!

Apocalipsis 3:11

Ji sóntku junguaka, sési patsa ambe engari jatsika, ka eskakini kánakua nónema euantaaka.