1 Juan 4:2 - Diósïri Karakata P´urheepecha Jimbo

² Enga arhijtsïkpiri ma uandajka ka jakajkuni eska ísïska eska Jesukristu k'uiripueni jurhaska parhakpeni, ima Diósïni jimbo uandaxati.

1 Juan 4:2 Iomraidhean Croise

San Juan 1:14

Ima enga Uandakueka parhakpeni anapu úkorhesti ka jucha jinguni irekaspti. Ka imeri t'íntskuachi xériskia, enga tátjemba íntskuka, jimboka imajkusï Diósï Uájpeka, engamendu k'amak'amasï sésika eska néka ka enga xénhchpirika.

1 Corintios 12:3

Ka iásï, jimbosïni uéjka eskajtsï míteaka, eska nónema uaka Diósïri Espiritu jimbo uandani “¡Jesusini útakuni!” Ka nójtu nema úati uandati “¡Jesusi Achesti!” Enga no Espiritu Sántu jimbo uandani jauaka.

1 Timoteo 3:16

Indeni jimbochisï jucha Diósïni íntskukorhentajka irekani, ka enga xáni k'éka inde enga ísïka engachi iásï xarhatamenhani jaka: Krístu k'uiripu úkorhesti, ka Espiritu Sántu jimbo andani uerasti, ka ánjelichaksï exesti, ka imeri ambe iámu parhakpeni mítekorhesti, ka iámenduechaksï jakajkusti, ka t'ímarhandekuarhu eronhantasti.

1 Juan 1:2

jimboka Tsípekua xarharaska, ka juchachi exeska ka xarhataxakachi ka méntkisï anapu tsípekueri ambechi uandantaxaka, enga Diósï Táte jinguni jápka ka engajtsïni xarhacheka.

1 Juan 2:23

Ne enga Uájpani no jiókorhejka, Táteni no kángorhesïndi; ka ne enga uandakorhejka eska Uájpa jinguniska, ima Tátentu kángorhesïndia.

1 Juan 4:15

Ne enga uandajka eska Jesusi Diósï uájpeska, Diósï jinguni irekaxati ka Diósïjtu ima jinguni irekaxati.

1 Juan 4:3

Ka ne engaksï Jesusini no jiókorhejka, imaksï no Diósïristi ka imaksïsï Krístu eratakorhejti. Chájtsï mítetixapkia eska ísï jánhaskorhepiringa, ka ísï janhaskorhexatiia.

1 Juan 5:1

Ne engaksï jakajkuka eska Jesusi Krístueska, imaksï Diósï uájpesti; ka ne enga tátjembani xénhchkajka, tátjemberi uájpechantu xénhchaasïndi.

2 Juan 1:7

Jimbokaksï uánekua jámaxaka k'arhajpiricha, engaksï no jakajkujka eska Jesusi andajpenuska ka k'uiripu úkorheni. Ne enga ísï jurhentpeni jaka, ima tandojchpiristi ka Krístu eratakorhesïndi.