1 Juan 3:1 - Diósïri Karakata P´urheepecha Jimbo

¹ Exe je na engajtsïni Táte xáni xénhchaka; jamberi úeksïndi eskachi Diósï uájpa arhinhaaka, ka jindeskachi. Jimbojtsïnisï parhakpeni anapuecha no míteti, jimbokaksï ima Diósïni no míteska.

1 Juan 3:1 Iomraidhean Croise

San Lucas 20:36

jimbokaksï nóteru uarhiakia, ka jimboka ánjelini járhanhantaakia, ka Diósï uájpenhaati ísï tsínhantatini.

San Juan 1:12

K'óru, imechani engaksï jiókorheka ka engaksï jakakuka, íntsaasti sésekua eskaksï úaka Diósï uájpeni.

San Juan 11:52

ka no ima iretani jimbojku uarhipirindi, imani jimbojtu uarhipirindi eskaksï májkuentaaka iámendu Diósï uájpecha engaksï etsandurikata jámani jápka.

San Juan 15:21

Eka úka, jíndeni jimboksïnisï ísï kámaati, jimbokaksï no míteska imani engarini axaka.

San Juan 16:3

Ka ísïksï jámaati jimbokajtsïni Táteni ka jíndeni nótki mítesïnga

San Juan 17:25

Táte terujkani anhaxurhiri, parhakpeni anapuechaksïni nótki mítesïndi, k'óru jíkini míteska ka indeksï mítestia eskarini t'u axaska.

San Juan 3:16

“Jimboka Diósï parhakpeni anapuechani xáni xénhchaaska jimbosï jamberi Uájpani íntspeti, imani enga májkueka, eska ne enga imani mintsikajka no uarhiaka, eska méntku isï anapu tsípekua kámaaka.

Romanos 5:8

Ka Diósï k'órujtsïni xarhatechesti na engajtsïni xáni xénhchajka, jimboka Krístu jiáni uarhiska juchantsïni jimbo engachi k'amanharhintstipka.

Romanos 8:19

Iámendu kueraakatechaksï uarhintaxati erokorheni eskaksï xarhatanhaaka néksïsï Diósï uájpe.

Romanos 8:21

eska k'amanharhintskua jurajkuaka, ka eskaksï ísï jámani imecha jinguniuaka, engaksï kánekua sési p'ikuarheraparini jámka Diósï uájpecha.

Romanos 8:32

Diósï, enga uájpani jamberi no p'amojkuka juchantsïni jimbo íntspeni, ¿Nénajtsïnisï no tsípekua jinguni íntskua iámendu ambe ima jinguni?

2 Corintios 6:18

Ka ji chári táteuaka, ka chájtsï jucheti uatsïtiuaka. Acha enga iámu uinhapekua jatsika, ísï uandasti.”

Gálatas 3:26

Jimbokajtsï iámenduecha Diósï uájpeska Jesukristuni jakajkutini.

Gálatas 3:29

Ka engajtsï cha Krístuerintakia, jiájkantsï Abraniri sïrukua jémbeska ka aiatsperakuantsï cha p'iuaka.

Colosenses 3:3

Diósïksïni tsípekua míndachetixati Krístu jinguni, ixujtsï uarhirixakaia.

1 Juan 3:10

Sóntku jánhaskorhesïndi ne engaksï Diósï uájpejka ka ne engaksï nóambakiti uájpejka; ne enga nósesi ambe újka o enga erachi jémbani no xénhchajka, ima no Diósï uájpesïndi.

1 Juan 3:2

Xénchakatecha, náuejkichi Diósï uájpekia, nótki xarharasïndi tátsekuachi ambeuaia, mítetixakachi k'óru eskachi jucha Jesukristueni járhantaaka, jiájkani enga ima xarhantaaka, jimbokachi jiákani k'óru sési exeaka ima néna enga jáxeka.

1 Juan 4:17

Ísï jámani úsïndi xénhchperata k'amak'amasï juchantsïni jinguni jarhani ka ísï jámanchi mintsikani jauaka imani jurhia enga arhinharhikperanhaaka, jimbokachi jucha ixu parhakpeni májkueni írekaxakaia eska Jesukristu.

Apocalipsis 21:7

Imeriuati iámendu ambe enga ts'iuentaaka ka no kuatantani: Ka ji imeri Diósïuaka ka ima jucheti uátsïtiuati.