1 Juan 2:3 - Diósïri Karakata P´urheepecha Jimbo

³ Ekachi Diósïri juramukuechani kurhandirakuajka, indeni jimbochi xarhatasïnga eskachi Diósïni míteska.

1 Juan 2:3 Iomraidhean Croise

San Lucas 6:46

“¿Andijtsïnisï cha arhijki ‘Jucheti Acha, jucheti Acha’ arhini, ka nójtsï úsïnga engaksïni ji arhijka?

San Juan 14:15

“Ekajtsïni xénhchajka, jucheti juramukuantsï kurhandirakuaka;

San Juan 15:10

Ekajtsïni jucheti juramukuechani kurhandiracheska, jíksïni xénhchani jauaka, májkueni eskarini jucheti Táteni na xénhchani jaka jimbokani ji kurhandirakuska.”

San Juan 15:14

Chájtsï jucheti píchpiriska, ekajtsï ísï jámaska eskaksïni na juramucheni jaka.

San Juan 17:3

Indesï méntkisï anapu irekueti: Eskaksïni t'úngeni míteaka, májku Diósïni engamendu ísïka, ka Jesukristuni engari axaka.”

2 Corintios 4:6

Jimboka ima Diósï enga uandaka eska pájpakandu t'ímarhandepiringa, juchari mintsitechantu t'ímarhandu pérasti, ka ísï jámanchi sési kurhanguni Diósïri k'érikuani enga Krístu uénharhimajka.

Hebreos 5:9

ka enga na iámu ambe úkorhepkia, Jesusi p'ímutantspiri úkorhesti imecheri engaksï kurhandirakujka,

1 Juan 2:13

Íni ambeksïni karachexaka chánksïni engajtsï míakua jukarikia, jimbokajtsï cha míteska imani enga uénani jámantkikia. Ka chánksïni tumbicha, karachexakaksïni jimbokajtsï nóambakitini úska andani.

1 Juan 3:14

juchachi mítetixaka eskachi uarhikuani jurajkuskia ka eskachi iásï tsípekuarhu jarhaskia, jimbokachi juchari erachichani xénhchaasïnga. Ne enga no xénhchpejka, uarhirixati.

1 Juan 3:19

Ísïchi jámani jánhaskaaka eskachi ima jinguniska enga ísïka, ka Diósïni jingunichi sési p'ikuarhenheni jauaka;

1 Juan 3:6

Ne enga ima jinguni jámani jaka, nóteru k'amanharhintasïndia; ka ne enga útasï k'amanharhintani jaka, nómeni exeristi Jesusini ka nójtu mítesti.

1 Juan 4:13

Jimbokajtsïni imeri Espirituni íntskusïngia, ísï jimbochi jánhaskasïnga eskachi ima jinguni jarhasïngia ka eska imajtu jucha jinguni jarhasïngia:

1 Juan 4:7

Jucheti xénhchakatecha, ju je xénhchperani, jimboka xénhchperata Diósïriska, ka ne enga xénhchpejka, Diósïri kueraakatesti ka Diósïni mítesti.

1 Juan 5:19

Míteskachi eskachi Diósïriska ka eskaksï iámendu parhakpeni anapuechani Nóambakiti juramukuaxaka.

1 Juan 5:2

Engachi Diósïni xénhchajka ka kurhandirakunchi imani ambe enga ima juramujka, ísïchi mítesïnga eskachi Diósï uájpechantu xénhchaasïnga.

1 Juan 5:3

Ka xarhatasïngachi eskachi Diósïni xénhchasïnga engachi kurhandirakuaka, ka no úkua jukasti imeri juramukuechani kurhandirakuani.

Apocalipsis 12:17

Jimajkani k'éri kakoni uarhitini nósesi ikiakuspti, ka niraspti máteru uájpechani urhutakuani, imechani engaksï Diósïri juramukuechani janhanharhiajka ka engaksï Jesukristueni jámajka.

Apocalipsis 14:12

Ixu jarhasti erakukatecheri tekaantskua, engaksï Diósïri juramukuechani kurhandirakuajka ka Jesusinksï mintsikani.

Apocalipsis 22:14

Ima k'óruksïa engaksï xukuparhakuani jupakorheaka, sésikuaksï jatsiati imani anhatapu tsípekuerini akurhutani ka iretarhu inchaakuntani.