1 Juan 2:2 - Diósïri Karakata P´urheepecha Jimbo

² Jesukristu, juchari k'amanharhintskuechani jimbo aiakorhesti uarhini, ka no juchari jimbojku, iámu parhakpeni anapuechani jimbo uarhisti.

1 Juan 2:2 Iomraidhean Croise

San Lucas 14:22

Tátsekua jántspiri uandasptiteru: Tata, juájpeskia eskarini na arhika, ka útasï ambandesti.

San Juan 1:29

Pauandekuarhu, Juánu exespti Jesusini eska andarheraxapka, ka uandaspti: “¡Exe je, indesï Diósïri Karichiti, enga k'amanharhintskuechani euarhpeantajka!

San Juan 12:32

Ka jiájkani engani ji echerindu uératini tarhatanhaaka, iámu jíndeni jinguni antsitpeaka.

San Juan 4:42

Ka uarhitinksï arhispti. –Jakajkuskachia, no imani jimbojku engajtsïni t'u aianguka, támu jimbokani jucha kurhaskia ka míteskachi eska sési jimbo inde parhakpeni P'ímutantspitiska.

Hebreos 2:17

Jimbosï uétarhepti eska Jesusi iámendu ambe jimbo, iámenduechani jinguni májkuenipiringa ka eska ísï jámani úpiringa K'éri Táta no jurajkpirini ka kóntpirini, ka Diósïni marhuakuni jámani, ka eska k'ámarhintskuechani maiampetspentapiringa.

1 Pedro 2:24

Krístu juchari k'amarhintskuechani ichaparhaaspti enga cháparhatanhapka, ka juchari k'amanharhintskua k'amajkuatinia, juchachi irekaaka ísï eska na k'uanijka; Krístu atanhasti ka chájtsï ambakeranhantaska.

1 Pedro 3:18

Jimboka Krístujtu, engajtsïni Diósï jinguni páka, juchari k'amanharhintskuechani jimbo, ma xanharkusï uarhika, ima enga no k'amanharhintstika, k'amanharhintstichani jimbo uarhisti, uándikunhasti ka espirituni jimbo tsíntasti.

1 Juan 1:7

Ka engachi t'ímarhandu irekani jarhajka, ísï eska Diósï na t'ímarhandu jaka, ísïchi k'óru májkuentatixaka, ka Uájpa Jesusiri iurhirijtsïni iámendu járhati k'amanharhintskuechani p'ikurhentasïndi.

1 Juan 3:5

Chájtsï míteska eska Jesukristu parhakpeni k'amanharhintskuechani jurhaska euajpeantaani, ka eska ima nómbema k'amanharhintstiska.

1 Juan 4:10

Imeri xénhchperakua arisïsti: Nóchi juchasï Diósïni xénhchaka, imajtsïnisï xénhchati ka Uájpantsïni axachesti eska juchari k'amanharhintskuechani jimbo ima uándikunhapiringa.

1 Juan 4:14

Ka juchachi exekorheriskia ka uandantasïngachi eska Táte, Uájpani axaska eska iámu parhakpeni anapuechani ima p'íjpantaapiringa.

1 Juan 5:19

Míteskachi eskachi Diósïriska ka eskaksï iámendu parhakpeni anapuechani Nóambakiti juramukuaxaka.

Apocalipsis 12:9

Ísï jimbo t'arhe k'éri kakoni, akuitse enga iónikia, enga Nóambakitika ka Satanasi arhinhajka, enga ma parhakpeni terungutpejka auandarhu pétanhantaspti imeri ánjelichani jinguni ka parhakpenirhuksï k'uanijpanhaspti.