1 Juan 2:1 - Diósïri Karakata P´urheepecha Jimbo

¹ Jucheti uátsïticha, íni ambeksïni karachexaka, eskajtsï ísï jámani no k'amanharhintaaka. Ka eka nema k'amanharhintaska, kángorhesïngachi ma, ne engajtsïni Diósïni japarini kuájpentaaka: Jesukristuni, enga kaxumbitika.

1 Juan 2:1 Iomraidhean Croise

San Lucas 10:22

“Jucheti Táterini iámu ambe íntskusti. Nónema mítesti nésï uájpe, Tátejku; ka nónema mítesti nésï Táte, Uájpajku ka imajku enga Uájpa uékaaka mítetarani.”

San Juan 10:15

eskarini jucheti Táte na míteka jíndeni, jíjtuni ísï míteska jucheti Táteni ka jucheti karichichani jimbo tsípekua íntspesïnga.

San Juan 13:33

“Jucheti uátsïticha, sánderkusïni cha jinguni jauakia. Chájtsïni jirinhantaaka, ka májkueni eskani judiouechani na arhiaka, eska jima engani ji nirani jámka, chájtsï no úaka nirani, ka chánksïntu májkuenksïni arhixaka.

San Juan 14:16

ka ji Táteni Espiritu Sántuni kurhakuaka, enga méntkisï cha jinguni jauaka,

San Juan 14:6

Jesusi arhispti: –Ji xanhariska, ka imeska enga ísïka, ka tsípekueska. Nónema andarhentasïndi táteni enga no jíndeni jimboejka.

San Juan 21:5

Jesusi arhiaspti: –Tumbicha, ¿Kámaxakijtsï kurucha? Imaksï arhispti: –Nómbe.

San Juan 5:14

Tátsekua Jesusi tiósïo xéntaspti, ka arhini: –Exe, iásï engari ambakentakia, ásteru jáma kámanharhintani, nóri sánderu nósesi ambe úkorhenchani.

San Juan 5:36

Ka ji jatsiska k'óruni máteru xérpekua enga sánderu sési ambeka eska Juánueri uandantskua. Ambe engani ji újka, engarini Táte arhijka eskani úpiringa, inde jimbo xarharasïndi eskarini sési jimbo Táte axaska.

San Juan 6:27

Ásï t'irekua jirinhani ánchekorhe je enga ísku k'amakurhijka, sánderu sáni imani t'irekua jimbo ánchekorhe je enga no k'amakurhijka ka engaksïni méntku isï anapu ambakiti tsípekua íntskujka. Indeni jásï t'irekuaksïni íntskuati Acha Uájpa, jimboka Diósï erakuska enga Tátjembeka.

San Juan 8:11

Ka ima uarhiti arhispti: –Nónema Tata. Ka ménderu Jesusi arhispti: –Jíjtukini no k'amanharhirantaxaka; ni kókuani níntani ka ásteru jáma k'amanharhintani.

Hechos 7:52

¿Chári tátechaksï náki Diósïri uandarini no atakuekaski? Uándikuastiksï imani engaksï uandantaka Kaxumbitiri jukuani, imani engajtsï cha iásï intsïnharhitpeka ka uandikuntsï.

Romanos 5:10

Jimboka engachi Diósïni ikiakuempka, ka útasïjtsïni imeri Uájperi uarhikua jimbo sési arhintani; iásï enga ima irekani jaka sánderuchi p'ímutanhantaka jimbokachi Diósï jingunintaskia.

Romanos 6:15

¿Ka andi nénaia? ¿Jiájkanchi iásï k'óru úaia k'amanharhintani jimbokachi Diósïri xenhchperakua jimbosï irekani jaka? ¡Nómendu ambe!

Romanos 8:34

¿Néjtsïni arhinharhikua? ¿Andi úajtsïni Krístu arhinharhikuni enga uarhika; ka enga tsíntaka, ka enga Diósïni t'irerkandani jakuka, ka engajtsïni arhijpecheni jaka?

1 Corintios 15:34

Sési eratsentsï je eska na k'uanijka, ka ásteru k'amanharhintsï jeia, jimbokani míteska eskaksï máru Diósïni no míteska, engaksï cha jinguni jaka. Isïksïni arhixaka nándikajtsï sáni ísï k'uratseaka.

2 Corintios 5:21

Ima enga nómeni k'amanharhintstipka iámu juchari ambe k'amanharhitanhantaspti, ka Diósïjtsïni imeri Uájpa jimbo puáchentastia.

Gálatas 4:19

¡Jucheti uátsïticha! Chánksïni jimbo ménderuni ísï p'amearhaxaka eska uarhiti ma enga charhakuni kángorhekuekani jarhajka, enga jamberi chári irekuarhu Krístu sési uinhapeaka.

Efesios 2:18

Jimbokachka Krístuni jimbo, iámenduechachi úsïnga májku Espirituni jimbo Táteni andarherani.

Efesios 4:26

Ekajtsï ikiauaka, ásï jáma je k'amanharhintani; ásï chúskuta je ikiani,

1 Timoteo 2:5

Jimboka májkueska Diósï, ka Jesukristujkusï uandapetspejti Diósïni arhini.

1 Timoteo 3:14

Íni ambekini karachexaka mintsikaparini eskakini sóntku p'urhembeaka,

Hebreos 9:24

Jimboka Krístu no jima sánderu pímbinhandekuarhusï inchaka enga parhakpeni anapu nema úka, enga imani ts'éndantajka enga ísïka, aundarhumendusï inchati, Diósïni kurhandirakuni juchantsïni arhijpecheni,

Santiago 1:27

Jakajkukua enga juchari Táte Diósïni jimbo jukaparhaka ka pímbinhaxeni, aristi: Jarhuataani uerandi jupindichani ka uarhiti tsîndichani engaksï kómu nitamakorheni jauaka, ka eska parhakpeni anapu nósesi jásï ambe nósani jájkuaka.

Santiago 3:9

Acha juchari Tátenchi katamba jimbo k'éri ambe arhisïnga, ka ístuchi katamba jimbo útakuasïnga imani enga Diósï xájkukorheaka eska ima na jáxeka.

1 Pedro 2:22

Krístu nómeni k'amanharhintasti ka nójtu méni tandosï újpesti;

1 Pedro 3:18

Jimboka Krístujtu, engajtsïni Diósï jinguni páka, juchari k'amanharhintskuechani jimbo, ma xanharkusï uarhika, ima enga no k'amanharhintstika, k'amanharhintstichani jimbo uarhisti, uándikunhasti ka espirituni jimbo tsíntasti.

1 Juan 3:18

Jucheti uátsïticha, xénhchpeni no uandakua jimbojkuesïndi, enga sési jimbo xénhchperanhajka; sési jánhasïndi ka sési ambe únhasïndi.

1 Juan 3:5

Chájtsï míteska eska Jesukristu parhakpeni k'amanharhintskuechani jurhaska euajpeantaani, ka eska ima nómbema k'amanharhintstiska.

1 Juan 3:7

Jucheti uátsïticha, ásïksïni nema támu jánhaste: Ne enga sési ambe újka imasï kaxumbititi, ísï eska Krístu na kaxumbeka;

1 Juan 4:4

Jucheti uátsïticha, chájtsï Diósïriska ka imechantsï andaarixakaia. Jimboka ima enga cha jinguni jaka sánderu k'ériska eska ima enga parhakpeni jámani jaka.

1 Juan 5:17

Iámendu nósesi úkua k'amanharhintskuesti; k'óru jarhasti k'amanharhintskua enga no uarhikueka.

1 Juan 5:21

Uátsïticha, diósï eratakatechani ásï andarheraa je.

3 Juan 1:4

Imani jimbo sánderu tsípesïnga engajtsïni aianguka eskaksï jucheti uátsïticha sési irekaxaka, eska néka.