1 Juan 1:3 - Diósïri Karakata P´urheepecha Jimbo

³ Indeni ambeksïni aianguxamka engachi xáni ambe exeka ka kurhani, eskajtsï ísï jámani chájtu jucha jinguni májkuentatini jauaka. Eskani jucha Táte jinguni ka Uájpa Jesukristu jinguni na májkuentatini jaka.

1 Juan 1:3 Iomraidhean Croise

San Juan 17:11

“Ji nóteruni parhakpeni jarhaskia, enga úka indeksï parhakpeni jámaxati, ka ji t'úngeni jinguni k'uanhatsentaxaka. Táte engari auandarhu jaka, chéti jimbo patsakorhea imechani engarini íntsaaka, eskaksï májkueni márku jauaka eskachi jucha na jaka.

San Juan 17:21

Eskaksï iámendu ima no jurajkperaaka. Májkueni eskachi jucha na no jurhajperajka, eskaksï imajtu májku ambeuaka juchantsïni jinguni, ka eska parhakpeni anapuecha jakajkuaka eskarini t'u axaska.

San Juan 17:25

Táte terujkani anhaxurhiri, parhakpeni anapuechaksïni nótki mítesïndi, k'óru jíkini míteska ka indeksï mítestia eskarini t'u axaska.

San Juan 17:3

Indesï méntkisï anapu irekueti: Eskaksïni t'úngeni míteaka, májku Diósïni engamendu ísïka, ka Jesukristuni engari axaka.”

San Juan 19:35

Ima enga exeka, imasï uandantati ka enga ima uandantajka jukaparhakuesti, ka ima mítesti eska jurhimbitku uandantaxaka, eskajtsï ísï jámani chájtu jakajkuaka.

Hechos 13:32

Ka juchajtuksïni ambakiti aiangperakuani aianguntaxaka engaksï juchari tua anapuecha aiamenhapka,

Hechos 13:41

Exe je cha teresmarhpiticha, íni jurhiatekuechani ambe ma úxampka, ka nójtsï jakajkuaka nauejkiksïni aianguntani jarhani. Ískujtsï pakarera ka jimajkujtsï nóneuaka.

Hechos 2:42

Ka Jesusiri uandakua páricheri jurhentperakuanksï sési marhuatasïrempti, ka iámenduechaksï márku marhuataxapti ambe, t'ireni jámani ka uandamukukorheni jámani.

Hechos 20:27

jimbokani ji no chéska Diósïri aiatsperakuanksïni sési aianguntani.

Hechos 4:20

Jimbokani jucha no úaka no uandantani indeni ambe engachi jucha xékorheka ka kurhaakorhenchi.

Romanos 15:27

Uandakorhestiksï, jimboka ísïpiringa, jimbokaksï ima intsïmpenhaspkia judiouecheri jakajkukueri ambe, ka ísï jámanksï t'uini kánspexaptia, jimboksïsï jatsipirindi jatsikorhekua ambe sáni intsïmbeantaani.

1 Corintios 1:30

Imaksïnisï Krístu Jesusi jingunitarati, imesti juchari mímixekua engajtsïni Diósï íntskuka, juchari kaxumbekua ka pimbinhaxekua ka p'ímutantskua,

1 Corintios 1:9

Jimboka mintsinharhikueska Diósï engaksïni uandajpantaka, Uájpa jinguni jarhani, Jesukristu jinguni enga juchari Acheka.

1 Corintios 15:1

Erachicha, uéksïngaksïni míatantani ambakiti aiangperakuani engaksïni jurhendakia, ka engajtsï sésï anhaxurhikorhetini ka mintsikani jaka,

Efesios 3:6

Eskajtsï chájtu no judiuecha p'iuaka ambe engaksï judiuecha míndamenhatini jaka, eskajtsï Krístuni jimbo májkuentaska, ka eskajtsï márku p'iuaka ambe enga míndanhatini jaka ambakiti aiangperakuani jimbo,

Filipenses 1:7

Ji sési jimbochkasï chaksïni jimbo ísï sési p'ikuarhenhejka, jimbokaksïni mintsitarhu kámasïnga ka jamberijtsï chájtu p'ikuarherasïnga ambe engarini Diósï kóndejka, ka nauejki engani ónhakata jaka ka enga uétarheaka ambakiti aiangperatani uandantani, juramutichani japarini uandantasïnga.

Filipenses 2:1

Jiájkani, engaksïni Krístu uinhaperantajka, ka xénhchperata ka Espiritu jimbojtsï p'ikuarhenheni máteruechani jarhuatani, ka eska iámendu inde, p'ikuarhenhekua mintsita jinguniuaka,

Filipenses 3:10

Krístunisïni ueéjka míteni, ka tsíntskua imeri uinhapekua p'ikuarherani, ka imeni nósesi p'ikuarherani ka eskajtuni imeni uándikunhapiringa,

Colosenses 1:13

Nóterujtsïni p'ájpakandekua juramuchexatiia, Uájperi irechekuarhujtsïni irestantastia, Uájpa jinguni enga xáni xénhchajka,

1 Tesalonicenses 1:10

ka mintsikani jarhantsï eska Jesusi auandarhu uératini k'uanhatseaka, Diósï Uájpa, ima enga tsítantaka ka engajtsïni ikimperakuarhu p'íjpantaaka enga jurhani jaka.

1 Timoteo 6:2

Eka nemeri ánchetpiri Diósïni jakajkutika, sánderu janhanharhi jimbokaksï jakajkukua jimbo erachiska, ka sánderu sési marhuaku, jimbokari Diósï jákakutinisï ma marhuakuni jaka. Íni amberisï jurhetpeaka ka arhijtsïkpeni.

Hebreos 2:12

Enga karakatarhu arhijka: “Aianguauaka néna engari arhinhajka chéti ka jucheti erachichani; ka k'éri ambekini p'irecheaka enga tángorhenhantatini janhaaka.”

Hebreos 3:1

Ísï jimbo, tatecha ka nanecha engajtsï kaxumbitika, engajtsï auandarhu anapu ambe jingunikia, kurhajcha je Krístuni, imani enga juchari jakajkukueri uandakua párika ka táta k'érini;

Hebreos 3:14

Jimbokachi Krístuni jinguni márkueskia, ekachi sési anhaxurhikorhetini jauaka mintsikani májkueni eskachi uénani jámantki na mintsikani jápka.

1 Pedro 5:1

Achamasï urhejtsïkurichani arhiaxaka, ísï uandaxaka jimbokani jíjtuni urhejtsïkuriska, ka xékorheska Krístu na enga úkorhenchaka, ka jíjtuni p'iuaka imani t'íntskuani enga xarharani jámkia.

2 Pedro 1:16

Engaksïni aianguntaka eska Acha Jesukristu uinhapekua jinguni junguaka, jucha nómbema újtsïkorheska, jucha Jesusiri k'érikuani xékorheska.

1 Juan 1:1

Karachentaxakaksïni enga xáni ambe uénani jámantki jápka, ka imantu ísï engachi xáni ambe kurhaka, ka engachi xáni ambe juchari jimbo exekorheka, ka engachi xáni tsípekueri Uandakua ambe p'árheka,

1 Juan 1:5

Ka indeni aiangperakuachisï Jesusini kurhajchaka, engaksïni iásï chánksïni aianguntani jaka: Eska Diósï t'ímarhandekueska, ka eska ima nósani p'ájpakandekua jukaraska.

1 Juan 1:7

Ka engachi t'ímarhandu irekani jarhajka, ísï eska Diósï na t'ímarhandu jaka, ísïchi k'óru májkuentatixaka, ka Uájpa Jesusiri iurhirijtsïni iámendu járhati k'amanharhintskuechani p'ikurhentasïndi.