1 Juan 1:2 - Diósïri Karakata P´urheepecha Jimbo

² jimboka Tsípekua xarharaska, ka juchachi exeska ka xarhataxakachi ka méntkisï anapu tsípekueri ambechi uandantaxaka, enga Diósï Táte jinguni jápka ka engajtsïni xarhacheka.

1 Juan 1:2 Iomraidhean Croise

1 Juan 5:20

Míteskajtuchi eska Diósï Uájpa jurhaska ka eskajtsïni kurhangutarakua íntskuska engachi jimbo Diósïni míteaka, imani enga ísïka. Juchachi imani jinguni jarhaska enga ísïka, Uájpa Jesukristuni; imasï Diósïti enga ísïka ka enga méntkisï tsípekueka.

San Juan 1:4

Tsípekua ima jinguni jarhaspti, ka tsípekua parhakpeni anapuecheri eramarhandekuesti.

1 Timoteo 3:16

Indeni jimbochisï jucha Diósïni íntskukorhentajka irekani, ka enga xáni k'éka inde enga ísïka engachi iásï xarhatamenhani jaka: Krístu k'uiripu úkorhesti, ka Espiritu Sántu jimbo andani uerasti, ka ánjelichaksï exesti, ka imeri ambe iámu parhakpeni mítekorhesti, ka iámenduechaksï jakajkusti, ka t'ímarhandekuarhu eronhantasti.

San Juan 17:3

Indesï méntkisï anapu irekueti: Eskaksïni t'úngeni míteaka, májku Diósïni engamendu ísïka, ka Jesukristuni engari axaka.”

1 Juan 5:11

Ka aristi uandantskua: Diósïjtsïni méntkisï anapu irekua íntskusti ka indeni jásï irekua Uájpa jinguni jarhasti.

1 Juan 3:8

Ne enga k'amanharhintani jaka ima nóambakitiristi, jimboka nóambakiti uénani jámantkisï k'amanharhintani jaka. Ka Diósï Uájpa indenimendusï úni juti: Nóambakitiri úkuani xerentani.

Tito 1:2

Méntkisï anapu tsípekua mintsikaparini, engajtsïni Diósï aiacheka, enga no chkuándirajka, ka engatsïni ióntki aiachekia.

San Juan 14:6

Jesusi arhispti: –Ji xanhariska, ka imeska enga ísïka, ka tsípekueska. Nónema andarhentasïndi táteni enga no jíndeni jimboejka.

1 Juan 3:5

Chájtsï míteska eska Jesukristu parhakpeni k'amanharhintskuechani jurhaska euajpeantaani, ka eska ima nómbema k'amanharhintstiska.

2 Timoteo 1:10

ka iásï juchari p'ímutantskua Jesukristuni jimbojtsïni xarhatachesti xénhchperata, enga uarhikuani k'amajkuka ka t'ímarhandekuarhu pérasti ambakiti aingperakuani enga tsípekua íntspejka ka enga nómeni k'amakurhiaka.

Gálatas 4:4

Ka niárasti jurhiata enga Acha Diósï uandarini jápka ka uájpani axasti, imani enga iurhitskiri ma kángorheka ka ima juramukuani kurhandirakusïrempti,

San Juan 15:27

Ka chájtujtsï xárhataaka, jimbokajtsï uénani jámantki ji jinguni jamaxaka.

Hechos 3:15

Ka uándikuskajtsï imani k'érini enga tsípekua íntspejka, k'óru Diósï tsítantasti, jucha xékorheska.

1 Pedro 5:1

Achamasï urhejtsïkurichani arhiaxaka, ísï uandaxaka jimbokani jíjtuni urhejtsïkuriska, ka xékorheska Krístu na enga úkorhenchaka, ka jíjtuni p'iuaka imani t'íntskuani enga xarharani jámkia.

Romanos 8:3

Jimboka, ambe enga juramukua no úempka kénditani, enga xáni ambe anhanatakua únhchempka, Diósï, Uájpani axaspti enga k'uiripu k'amanharhintstini kángorenhapka ka ísï k'uiripueni uarhirini, k'amanharhintskuani k'amajkusti,

Hechos 10:41

no iámenduechani xarhakuantaaspti, juchantsïntku engachi exekorheka ka engajtsïni Diósï erakutini jápkia, jucha engachi ima jinguni t'ireka ka itsïmani enga ima tsíntapka.

Hechos 5:32

Jucha íni ambe exekorheska, ka Espiritu Sántujtu ísï, enga Diósï íntsaaka imechani engaksï kurhandirakujka.

Hechos 2:32

Ka Diósï Jesusini tsítantasti, ka indeni ambe jucha exekorheska.

Hechos 1:22

jiáni uératini enga Juánu itsï atajtsïkpeka, ka enga jamberi ima auandarhu p'íkunhantaka. K'uanisïndi eska ma jucha jinguni jámaaka uandantani eska Jesusi tsíntaska.”

San Juan 21:14

Tanindarhuesptia enga Jesusi jurhengorherichani tsíntatini xarhakuantapkia.

San Juan 17:5

Ka iásï, Táte, t'úrini k'érikuarhu péria, chéti ma akandani eskani jiántki uératini na sési jápka enga parhakpeni nótki jamberi jarhempka.”

San Juan 16:28

Táteni uéakuska ka parhakpeni jurhaska. Ka iásï ménderuni uéjpentaaka Táte jinguni niántani.”

San Juan 8:38

Ji imani ambesïni uandajka engarini Táte jucheti exeraka; chájtu méntkueni imani ambe u je engajtsï chári táteni kurhajchaka.

San Juan 7:29

Ji míteska imani, jimbokani imeriska ka imarini axasti.

San Juan 3:13

“Nónema karhanchetisti auandarhu, imajku enga auandarhu uératini kétsetika; Acha Uájpanisïni arhini jaka.

San Juan 1:18

Nónema exesti Diósïni, nómeni; Uájpajtsïnisï mítetarati, enga Tátjemba jinguni májkuentatini jaka, Ima mítetarpesti.

1 Juan 1:1

Karachentaxakaksïni enga xáni ambe uénani jámantki jápka, ka imantu ísï engachi xáni ambe kurhaka, ka engachi xáni ambe juchari jimbo exekorheka, ka engachi xáni tsípekueri Uandakua ambe p'árheka,

San Juan 10:28

Ji tsípekua méntku isï anapu íntsaasïnga, ka nómenksï uarhiaati ka nójturini nema euajkuauati.

San Juan 19:35

Ima enga exeka, imasï uandantati ka enga ima uandantajka jukaparhakuesti, ka ima mítesti eska jurhimbitku uandantaxaka, eskajtsï ísï jámani chájtu jakajkuaka.

1 Juan 2:25

Indenimendujtsïnisï Jesukristu aiacheti: Eska chári tsípekua nómeni k'amakurhiaka.

1 Juan 4:2

Enga arhijtsïkpiri ma uandajka ka jakajkuni eska ísïska eska Jesukristu k'uiripueni jurhaska parhakpeni, ima Diósïni jimbo uandaxati.

1 Juan 4:14

Ka juchachi exekorheriskia ka uandantasïngachi eska Táte, Uájpani axaska eska iámu parhakpeni anapuechani ima p'íjpantaapiringa.

1 Juan 5:13

Íni ambeksïni karachexaka chánksïni engajtsï jakajkujka Diósï Uájpani, eskajtsï míteaka, eskajtsï méntkisï anapu irekuani jatsikorhetixaka.