Lûqa 4:23 - Kitabo Mûqades

²³ Wexta Îsay înan rê va: “Ez zana şima do nika na qisa bîyarê mi vîrî: ‘Ey tixtor, verî xo weş ki! Zeki ma aşnawito, to sûkda Kefernahûm di girweyê girdî kerdê. Eki winî yo se, înan tîya di, sûkda pêrdê xo di zî bik!’

Zazaki Southern

²³ Îsayî înan ra va “Bêguman şima do enê tabîrê kanî biyarê mi vîrî: ‘Ey hekîm, verî şîfa bide xwu.’ Çiyê ke to Kefernahûm de kerdê ma şinawitî. Dê eynî çiyan şaristanê ke ti tede ameyê dinya û biyê pîl de zî bike.”

Lûqa 4:23 Iomraidhean Croise

Lûqa 2:39

Wûsib û Meyrema, senî Qanûndê Rebbî di emir bîyo se, heme çî ard ca. Ew bahdo Îsaya pîya ageyray sûkda xo, Celîle mîyandê sûkda Nasira.

Lûqa 2:51

Bahdo Îsa înana pîya ageyra Nasira. Ey goştareya mar û pêrdê xo kerdê. Hima mara ci nê girwey pêro zerrîda xo di nimitî.

Lûqa 4:16

Ew no hesaba Îsa ame Nasira, sûka ki O tede bibi gird. Roja Şabatî zeydê hirg Rojda Şabatî O fina şi sînagog. Uja di werişt pay ki Qisandê Mibarekan ra şêligî rê buwano ew kitabê Pêxember Yeşayay deya Ey. Ey kitab akerd ew nê qisey wendî:

Lûqa 4:31

Îsa bahdo şi dîyardê Celîle di, sûkda Kefernahûm mîyan. Roja Şabatî, tîya di zî zeydê hirg fina sînagog di şêligî rê wahzî dayê.

Lûqa 4:35

Îsay cinî rê emir da, va: “Hiş, ê merdimî veradi ew ey ra bivijî teber!” Uja di, cinî no mêrdek wertedê merdiman di eşt erd ew vijya teber, ew cayêndê ey zî qe dirbetin nêkerd.

Lûqa 6:42

Ti senî birardê xo rê vanê: ‘Bê tîya, ez ê qirşî to çim ra veja!’ Hima no çuweyo ki to çim di, tî yê qe ey nêvînenê? Ti dirî yê! Çuweyo ki to çim di, ti ey verî vej, wexta ti şenê rind bivînê ew birardê xo çim ra ê qirşî vejê.”