Yith 7:3 - JAM DE NHIALIC 2011

³ Go Bɛ̈nydït lɛ̈k Yithaya an, “Jɔt wënduön Ciir Jacup, ku lɔ kaŋ melik Aɣadh nɔm. Abä lɔ yök në kueer ye kɔc ee lupɔɔ kɔɔc luui thïn, të ye awuöl thok thök, awuöl ee pïïu bɛ̈ɛ̈i të thöny.

Yith 7:3 Iomraidhean Croise

2 Mel 16:1

Në ruöön ye Peka wën ë Remalia run thiëër ku dhorou në bääny de Yithriɛl yic, go Aɣadh wën ë Jotham aa melik ë Juda,

2 Mel 18:17

Go melik de Athiriya ke tuöc yï Tartan ku Rabathath ku Rabcaka në remdïït ë tɔŋ jäl në Lacic le të nu melik Ɣedhekia thïn ë Jeruthalem. Agokï jäl bïkkï Jeruthalem. Na wën aa cïk ɣëët, gokï bɛ̈n ku dɔmkï kueer ye kɔc ee lupɔɔ kɔɔc lui thïn, tëthiääk ke nyin ee pïïu bɛ̈ɛ̈i në wak thöny nɔm.

2 Mel 20:20

Këriëëc cï Ɣedhekia looi ëbɛ̈n, luɔidɛn ë jööt, ku kueer ë wec yen kal ë pänydït thar piny, bïï pïïu wutic, acï ke gɔ̈ɔ̈r në awerek de kathɛɛr ke meliik ke Juda yiic.

Neɣe 3:16

Neɣemia wën de Adhibuk bɛ̈ny de biäk de wun cɔl Bethdhur acï kal biäk däŋë yïk ɣeetkï të lɔ raŋ de Debid kekë awuöl, ku ɣön ë jööt ke tɔŋ.

Bɛ̈n 7:15

Ka yïn, nöm thieny ee rɔt puk ke ye këracë miäk, ku lɔ tëde yen në Kiir thok të yen lɔ.

Yith 10:21

Kɔc lik ke Yithriɛl abïk bɛ̈n ciëën tëde Awärjäŋ Nhialicden.

Yith 22:10

Wek cï ɣööt ke Jeruthalem kueen, ku wek cï ɣööt jäp piny ke we bï ɣään wään cï riääk në kal ë pänydït kɔ̈u yïk.

Yith 22:11

Wek cï pul wec ë pänydït thar, ke bï pïïu ee wat ke ke lɔ në awuöl thɛɛr yic aa muk. Ku wek kën këde Nhialic gam, Raan ë kïït ee kënë ɣɔn thɛɛr, ku tɔ ee kënë loi rɔt.

Yith 36:2

Ku ëtɛ̈ɛ̈n ë Rabcaka bɛ̈ny tueŋ ë remdɛn ë tɔŋ bɛ̈n tuɔɔc Jeruthalem në Lacic kekë remdïït de tɔŋ, akɔɔrkï bï melik Ɣedhekia rɔt gäm keek. Ago bɛ̈ny ë rem de tɔŋ kueer ye kɔc ee kɔ̈ɔ̈c ë lupɔɔ lui thïn nööm, të lɔ nyin ee pïïu bɛ̈ɛ̈i në wak nu të thöny.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Jeremia 22:1

Go ë Bɛ̈nydït lɛ̈k yɛn bä lɔ ɣön de bääny de melik de Juda, kuat de Debid, ku lɔ lɛ̈kë melik ëtɛ̈ɛ̈n,

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.