Yith 4:5 - JAM DE NHIALIC 2011

⁵ Ku në kuur ë Dhiɔn nɔm, ku kɔc cï kenïïm määt ëtɛ̈ɛ̈n, Bɛ̈nydït abï ke tuöc luät aköl ku tol kekë biöl ë mac wakɔ̈u. Dhuëëŋ de Nhialic abï wut kuöm piny ëbɛ̈n ku gël.

Yith 4:5 Iomraidhean Croise

Neɣe 9:12

Aye ke wat aköl në mën de luät, ku Ye kueerden meeric wäkɔ̈u ë mën de mac.

Diɛt 105:39

Nhialic ë luät tääu ë kenïïm, ku tɔ mac tɔ dɛ̈p wakɔ̈u bï keek meer.

Diɛt 111:1

Pianykï Bɛ̈nydï! Yɛn bï Bɛ̈nydït leec në piɔ̈ndï ëbɛ̈n në akutnɔm ë kɔc lɔ piɔ̈ɔ̈th wai nïïm.

Diɛt 78:14

Të ye piny aköl aye keek caath në luät, ku në wɛ̈ɛ̈riic ëbɛ̈n aye keek caath në ɣɛɛr de mac.

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Bɛ̈n 14:24

Ku tëthiin ye piny bɛ̈n ke ruuwë, ke Bɛ̈nydït ë luit rem de tɔŋ ë Rip ke nu në mën de biöl ë macic, ku nu në mën de piööl ë luätic, go ke tɔ riɔ̈c arëët.

Bɛ̈n 24:16

Ago dhuëëŋ de Bɛ̈nydït nyuc ë kuur ë Thinai nɔm. Ku ëtɛ̈ɛ̈n, luät ë kuur bɛ̈n kuöm piny në nïniic kadhetem. Na kööl ë ye akööl dhorou, ke Bɛ̈nydït ë cɔl Mothe në luätic.

Bɛ̈n 26:1

Na wën, ke lëk ë Bɛ̈nydït Mothe an, “Loi paany de mät në linɔn lɔ mot kathiëër, ku lupɔ aräu ku lupɔ amujuŋ, ku lupɔ thith. Ku ë ke gutë kɔ̈ɔ̈th cerubiim në atëët ŋic gut arëët.

Bɛ̈n 26:7

“Ku loi akum de Paany në lupɔ kathiëër ku tök, lupɔɔ ë cuëc në nhïm ke bɔɔth.

Yith 32:18

Kɔc ke Nhialic acïn kë bï kek aa diɛɛr, ku ɣöötken abïk rëër ë mätic ku cïn kë jak keek.

Yith 33:20

Tiëŋkï Dhiɔn, pänydïït ye wok dhuëëŋ de Nhialic looi thïn. Tiëŋkï Jeruthalem! Abï aa tëde mät lɔ yic läŋ, bïï ë kɔc rɛ̈ɛ̈r thïn! Abï ciët paany cie bɛ wuuk tëde, ku cïï lɔ̈cke ee bɛ dhöth ananden ku cïï wïïnke ee tuɛny ananden.

Yith 37:35

Yɛn bï ee pänydïïtë kony në biäk de dhuëëŋdï ku në biäk de gutguut cä lɛ̈k awundï Debid.’”

Yith 46:13

Yɛn bïï kööl de tiëm, acïï mɛc aläl taitai. Tiëmdï acïï bï gääu. Yɛn bï Jeruthalem kony, ku gäm riëëu Yithriɛl ëtɛ̈ɛ̈n.”

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Yith 60:2

Juöör kɔ̈k abïï cuɔl ke kuöm piny, ku në yïkɔ̈u many de Bɛ̈nydït abï riaau, Ɣɛɛr de täude abï tɔ̈u ke yïn.

Math 18:20

Ku të nu kɔc kaarou ayï diäk kɔc cï guëër në rinkï, ya ka, ë keyiic cil ëtɛ̈ɛ̈n.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.