Yith 3:8 - JAM DE NHIALIC 2011

⁸ Ɣɛɛ, Jeruthalem ariäk! Ku Juda awiëëk! Në biäk ye kek Bɛ̈nydït wööc piɔ̈u në jam ku luɔi de këriëëc ëbɛ̈n, ku lɛ̈ɛ̈tkï Nhialic Guöpde në dhuëëŋ de yic në kɔc nïïm.

Yith 3:8 Iomraidhean Croise

2 Lëk 28:18

Ku kɔc ke Pilithiin aake lɔ ke ke yak bɛ̈i ke Juda yiic, bɛ̈i nu ë kur thäär të lɔ aköl athɛ̈i ku bɛ̈i nu të lɔ wöuwic. Ku peckï pɛ̈ɛ̈nydït ke Beth Cemec, Aijalon ku Gederoth, ku pɛ̈ɛ̈nydït ke Thoko, ku Timena, ku Gimdho në wuötkɛn kor, ku lek ëtɛ̈ɛ̈n ɣap ke ee këden.

2 Lëk 33:11

Go Bɛ̈nydït rem de tɔŋ de Athiriya tɔ yïn tɔŋ Juda. Agokï Manatha peec, ku gɔnkï alɔbithɔ de maläŋ ë yeguöp, ku rekkï në joth, ku leerkï Babilon.

Kɛ̈ŋ 26:27

Raan ee pul wɛ̈c raan däŋ, yen ee löny thïn, ku raan ee kuur lɔ̈ɔ̈r raan däŋ, ee rɔt dɔ̈k en.

Yith 1:7

Wundun acï riɔ̈ɔ̈k ku pɛ̈ɛ̈nydïtkun acï ke nyuɔp piny në mac. Në we nyïïn ka wek lɔ ke we woi kɔc lei ke ke nöm pinydun ku riäkkï këriëëc ëbɛ̈n.

Yith 49:19

“Pinydun aacï riɔ̈ɔ̈k ku abï döŋ ke ye jɔ̈ɔ̈r, ku ënɔɔnë abï kuur tëde kɔc bï bɛ̈n rëër ëtɛ̈ɛ̈n. Ku kɔc ë nyääŋ we piny në riääk yic abï ke nyaai në weyiic ku leerë keek tëmec.

Yith 57:4

Eeŋa këduön jakï dɔl guöpë? Eeŋa këduön yak lɛ̈k lueth ku bɔ̈ikï?

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Jeremia 23:36

Ka keek acïkï jamë bï dhil bɛ aa lueel, an, ‘Thiɛk de Bɛ̈nydït,’ të le raan ye lueel aya, Yɛn bï jamdï tɔ thiek ë yic tëde yen. Wek cï wël ke Nhialic pïïr yal yic, Bɛ̈nydït de rɛm. Nhialicda.

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 26:6

Na lak ŋoot ke we cïn riëëu, ke Yɛn bï ee Luaŋdïïtë luöi kë cä luöi Cilo, ku juöör ke piny nɔm ëbɛ̈n abï rin ke ee pänydïïtë tɔ ee ye aciɛɛn looi.”

Jeremia 4:13

Tïŋ, kɔc ke ater abïkï cï luäät. Abëëlkɛn ke tɔŋ acïtkï kɔɔr, ku jöŋgöörken apiɔlkï cï cor. Amawoou, wok cï määr! Wok cï thou!

Jeremia 44:3

në biäk cïï ë kɔcken karɛc looi, ku acïk Yɛn tɔ göth. Ayek yiëth kɔ̈k nyuöp wal ŋïr, ku yek yiëth kɔ̈k luööi, yiëth kënkï ke kɔn luööi, ayï week, ayï kuarkun akënkï ke kɔn luööi.

Dhiëëu 1:9

Kërɛɛcde acï guɔ tïŋ, ku acïn këde yic thïn kekë riääkde. Wïïkde ee kërac aläl, ku acïn raan cï ye duut piɔ̈u. Kɔc ke aterde acïk tiam, ku ee Bɛ̈nydït lɔ̈ŋ në kokdepiɔ̈u.

Edhekiɛl 8:12

Go Nhialic a thiëëc an, “Mɛnh ë raan cï kë cï röördït ke baai de Yithriɛl looi ë cuëër tïŋ? Keek alɛ̈mkï kedhie ɣön cï thiäŋ kekë yiëth. Kë ye kek röt dam kï: ‘Bɛ̈nydït acïï wook woi! Acï piny nyääŋ piny.’ ”

Edhekiɛl 9:9

Go ë Nhialic bɛ̈ɛ̈r an, “Baai de Yithriɛl ku Juda acïk awɛ̈ɛ̈c juëc looi. Ayek kɔc nɔ̈k piny ë piny yic ëbɛ̈n, ku acïk Jeruthalem thiɔ̈ɔ̈ŋ yic në luɔi rac. Ayek lueel an, Yɛn Bɛ̈nydït, Yɛn cï pinyden nyääŋ piny, ku nɔn cän keek ee tïŋ.

Ɣodh 5:5

Lɛc ye Yithriɛl rɔ leec, ee ye nyuɔɔth ëgɔk. Kɔc ke Yithriɛl, ayï kɔc ke Eparaim acïï awɛ̈ɛ̈cken ke tɔ tuëk. Aɣɔ̈l cï kɔc ke Juda atuëkkï në keek ëtök.

Ɣodh 7:16

Acïkï röt ee be puɔ̈k Nhialic Awärjäŋ. Acïkï Yɛn ee bɛ cɔɔl në kepiɔ̈ɔ̈th ëbɛ̈n. Acïk röt goŋ cït dhaŋ ŋɔl kɔ̈u, bänyken abïk thou tɔɔŋ, në luɔi ye bänyken A läät. Abïk thou në akuöörkuöör, ku lee ke leeŋ piɔ̈ɔ̈th paan de Rip.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.

Ɣabakuk 1:13

Yïn lɔgɔk, Yïn cïï kërac duëër woi, ku acïï duëër guum. Ka eeŋö miim Yïn ku jɔkï lɔ ke ke liek wook? Eeŋö jɔ Yïn kɔc rac ee karɛc looi tɔ riäk kɔc ŋuän në keek?

1 Kor 10:22

Yok Bɛ̈nydït tɔ dɔm tiɛɛl ënɔɔnë? Rilku awärku yen?

Juda 1:15

bï kɔc bɛ̈n tɔ yök këdɛn tuc kedhie, ku bï kɔc reec Nhialic riëëu bɛ̈n jɔ̈ɔ̈ny në luɔidɛn rɛɛc cïk looi ëbɛ̈n në reec reec kek Nhialic riëëu, ku jäny kɔc në jam tuc cïk lɛ̈k en ëbɛ̈n, kek kɔc ee kërac looi kɔc reec Nhialic riëëu!”