Yith 26:2 - JAM DE NHIALIC 2011

² Liɛpkï athïïn ke pänydït ku takkï jur piɛthpiɔ̈u lɔ thïn, jur ye kɔcke yic looi.

Yith 26:2 Iomraidhean Croise

Diɛt 106:5

Tɔ ya tïŋ kuɛth de kɔcku tɔ ya rɔm miɛtëpiɔ̈u wo jurdu ë tök, në miɛtëpiɔ̈u de lɛc ë kɔcku.

Diɛt 118:19

Liëpë yɛn kuɛɛr ke piathëpiɔ̈u, ke ya bï lɔ thïn bä Bɛ̈nydït lɔ lɛc nɔm!

Diɛt 118:20

Kënë yen aye kueer de Bɛ̈nydït, ee kɔc piɛthpiɔ̈ɔ̈th kek abï tëëk thïn.

Diɛt 24:7

Tuɛrkï athïïn thook, liepkï athïïn thɛɛr thook, ago melik dït bɛ̈n thïn.

Bɛ̈n 19:6

Ku we ciɛɛŋ de bäny ke kake Nhialic tëde yɛn, ku yak jurdiën ɣeric. Kek wël bä ke lɔ lɛ̈k mïth ke Yithriɛl ka.

Yith 45:25

Yɛn Bɛ̈nydït, Yɛn bï kuat de Jakop luök, ku abïk Ɛn jɔ piɔɔny.

Yith 54:14

Piathëpiɔ̈u ku yic abïk yïn tɔ ril. Yïn bï kony në yaaŋ ku riɔ̈ɔ̈cdït.

Yith 54:17

Ku acïn tɔŋ bï yïn gäm tëtök, yïn bï löŋ de kɔc ee yïn gaany ŋiëc aa bɛ̈ɛ̈r. Yɛn bï awuutkï kony, ku gäm keek tiëm.” Acïï Bɛ̈nydït lueel.

Yith 58:8

“Ëtɛ̈ɛ̈n dhuëëŋdï abï riau cï run de piny ë wegup, ku bɔ̈ɔ̈tkun abïk dap waar. Piathëpiɔ̈ndun abï aa tɔ̈u wenïïm tueŋ, ku dhuëëŋ de Bɛ̈nydït abï we gël ë ɣään yiic ëbɛ̈n.

Yith 60:11

Aköl ku wakɔ̈u, athïïnku abïk thook tueer, ago meliik ke juöör yï yiɛ̈n kajuëcken.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Yith 62:1

Yɛn bï jam ke ya dut Jeruthalem piɔ̈u, yɛn cïï bï mim agut të bän yen tïŋ ke cï kony, ku bï tiëmde riau cït many de kuthyui wakɔ̈u.

Yith 62:10

Kɔc ke Jeruthalem, lakkï biic në pänydït yic Ku luɔikï kueer de kɔckuön dök ciëën! Guiɛɛrkï kueer dït yic, nyaaikï kur thïn! Tääukï beer nhial ke bï ë juöör ŋic.

Yith 62:2

Jeruthalem, juöör abïk tiëmdu tïŋ! Meliikken kedhie abïk dhuëëŋdu tïŋ. Yïn bï ya cɔl në rin cï piac cak, rin ë gëm Bɛ̈nydït ke yïn guöpde.

Dhek 8:20

Acïï ë Bɛ̈nydït de rɛm lueel an, “Akööl abïkï, akööl bï kɔc ke pɛ̈ɛ̈nydït juëc guëër Jeruthalem.

Luɔi 2:47

ke ke ye Nhialic leec, ku mit kɔc piɔ̈ɔ̈th kedhie në keek. Go Bɛ̈nydït ɣön ë Nhialic ŋuak nyin ë kɔc ë aköölnyïïn kedhie kɔc kony wëi.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.

Nyuuth 21:24

Ku juöör abïk aa cath ë ɣɛɛrdeyic: ku meliik ke piny nɔm ayek dhuëëŋden bɛ̈ɛ̈i thïn ku riëëuden.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,