Yith 24:3 - JAM DE NHIALIC 2011

³ Piny abï riääk arëët ku nhiɛɛny. Acïï Bɛ̈nydït lueel ku abï rɔt looi

Yith 24:3 Iomraidhean Croise

2 Lëk 36:21

Go jam de Bɛ̈nydït aa yic, jam ɣɔn cï lɛ̈k Jeremia an, “Aɣet të bï pinydun döŋ yetök ke cïn raan nu thïn. Në run kathiërdhorou yiic, acï lɔ̈ŋ de kööl ë Thabath guɔ looi.”

Yith 21:17

Kɔc ke dhɛ̈ŋ kek aye jööt ke Kedar, ku ee kɔc liiakäŋ kek abï döŋ apïïr. Acïï lueel Yɛn Bɛ̈nydït Nhialic de Yithriɛl.”

Yith 22:25

Të lee ee kënë lɔ tuöl, löny wään cï piäät aril, abï rɔ luek ku wïïk. Ku yen abï aa thök de ka cï nöök ë yekɔ̈u kedhie.” Acïï Bɛ̈nydït de rɛm lueel.

Yith 24:1

Bɛ̈nydït abï piny riɔ̈ɔ̈k ku nyiëëŋ piny ke cï riääk. Abï niɛŋ nɔm ku thiɛ̈i kɔc nu thïn.

Yith 24:2

Raan ëbɛ̈n abï ë kënë yök, bäny ke kake Nhialic, ku kɔc tei, lïïm ku bäny, kɔc ee ɣööc ku kɔc ee käŋ ɣaac, kɔc ee kɔc dhɛ̈ɛ̈n ku kɔc ee dhëën, ku kɔc kueth ku kɔc kuanynyïïn.

Yith 24:4

Piny abï dëu ku biɔɔr, piny nɔm ëbɛ̈n abï lɔ ke kɔ̈c, piny ke paannhial kedhie abïk dhiap.

Yith 42:22

Ku ënɔɔnë kɔcke acï ke peec ku rum keek, acï ke thiɔ̈ɔ̈k në pɔ̈l yiic, acï ke guöör ë ɣööt ke döm yiic. Acïï kuɛ̈l ku rum keek, ke cïn raan töŋ bï ke bɛ̈n luök.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Yith 6:11

Na wën ke lɛ̈k ɛn an, “Agut cï nɛn Bɛ̈nydït, yen bï ee kënë tɔ̈u aya?” Go bɛ̈ɛ̈r an, “Agut të bïï pɛ̈ɛ̈nydït riɔ̈ɔ̈k ku cïn raan dɔ̈ŋ thïn, ku cïn raan rɛ̈ɛ̈r ë ɣööt yiic, ku riääk piny ku päl piny.

Jeremia 13:15

Kɔc ke Yithriɛl! Acïï Bɛ̈nydït lueel. Kuɔɔrkï röt piny ku piɛŋkï kë lueel.

Edhekiɛl 36:4

Ka ënɔɔnë piŋ kë luɛɛl Yɛn Bɛ̈nydït Awärjäŋ, lɛ̈kë ee kurkë ku kur kor, ku nyïïn ku wɛ̈k, ku ɣään cï nyääŋ piny ke ke cï riääk, ku pɛ̈ɛ̈nydït cï nyääŋ piny cï ke yak yiic, ku ye ke dɔl gup në juöör thiääk në week.

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!

Maika 4:4

Raan ëbɛ̈n, abï ya rëër ë dïu në dom de ŋaapde thar. Acïn raandɛn bï ye bɛ aa riääc. Yen kë cïï Bɛ̈nydït de rɛm than piny ka.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Nyöŋ 29:28

Go Bɛ̈nydït gɔ̈th aläldïïtë, ku në agönhdɛndït, acï kek bɛ̈n cuän bei pinyden ku cuɛt keek piny lei, ku yen të rëër kek ka e köölë.