Yith 2:2 - JAM DE NHIALIC 2011

² Në akööl bï bɛ̈n tueŋë, kuur ee yen kɛ̈ɛ̈c ë Luaŋdït ë yenɔm abï aa yen ee tëde naamde në keek kedhie, aloocdïït bäär wär kur nïïm ëbɛ̈n. Juöör ke piny nɔm, abïk aa bɛ̈n kekë wɛ̈l röt ëtɛ̈ɛ̈n,

Yith 2:2 Iomraidhean Croise

Cäk 49:1

Ku ëtɛ̈ɛ̈n, Jakop ë wɛ̈ɛ̈tke bɛ̈n cɔɔl kedhie. Ku lëk keek an, “Guɛ̈ɛ̈rkï eenë, ke we bä bɛ̈n guiëër ka bï röt lɔ̈ɔ̈k looi wadäŋ:

Jop 19:25

Aŋiɛc ade Raan bï yɛn wɛ̈ɛ̈r bei, aŋiɛc nɔn pïïr En! Ku miäk le käŋ thäär adhöc, abï kɔ̈ɔ̈c në piny nɔm ëtënë ku kony ɛn,

Diɛt 102:23

Bɛ̈nydït acï ya tɔ kɔ̈c guöp ke ya ŋoot ke ya koor, acï pïïrdï tɔ cek.

Diɛt 2:8

Thiëc Ɛn, ku yïn bä gäm juöör ëbɛ̈n, ku piny thar ëbɛ̈n abï aa këdu.

Diɛt 22:27

Kɔc ke piny thar ëbɛ̈n abïk kenïïm tak ku bekï röt puɔ̈k Bɛ̈nydït. Juöör kedhie abïk Bɛ̈nydït bɛ lam.

Diɛt 22:28

Bɛ̈nydït ee melik, ka ee yen ee bɛ̈ny de juöör.

Diɛt 48:2

Dhiɔn kuur de Nhialic, athöny ku aläk, atɔ̈u të lɔ rut, Pänydït de melik dït ee miɛtëpiɔ̈u yiɛ̈n pinynɔm ëbɛ̈n.

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Diɛt 72:8

Ciɛɛŋde abïï gɔl në wɛ̈ɛ̈r leer ë wɛ̈ɛ̈r däŋë, ku gɔl ë Yuparat leer ë piny thar.

Diɛt 86:9

Juöör cï keek cak kedhie, abïk kenïïm bɛ̈n guöt piny në Yïnɔm, abïk dïtdu aa piɔɔny.

Diɛt 87:1

Bɛ̈nydït ë pänydïïtde yïk në kuur cï thieei nɔm,

Diɛt 87:2

anhiaar Dhiɔn awär ɣään kɔ̈k nu ë Yithriɛl, anhiaar pänydït de Jeruthalem.

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Yith 30:29

Ku kɔc ke Nhialic abïk ket në diɛt ke miɛtëpiɔ̈u, cït diɛt ke kööl ë dhuëëŋ ɣeric. We bï piɔ̈ɔ̈th miɛt cït kɔc koth kɛŋ ke ke lɔ Luaŋdïït de Bɛ̈nydït Raan ee Yithriɛl gël.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 56:5

ke rinkun abï keek aa tak Luaŋdït, ku në kɔckï yiic ke kaam dït, awär luɔi duëër yïn nɔm dɛ wäthii ku duet. Kɔc acïkï nïïm duëër kɔn në yïn.”

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Yith 60:3

Juöör abï ke bɛ̈ɛ̈i në manydu nɔm, ayï meliik abïk bɛ̈n adurduur de köölduön ë piac ruu.

Yith 65:11

“Ku abï wöc ke week, wek kɔc cï ya pɔ̈l, kɔc ee Dhiɔn biɔɔn, kuurdiën ɣeric. Ku lamkï Gad ku Meni, yiëth ke miɛtëguöp ku thök de pïïr ë raan.

Yith 66:20

Abïk kɔckuön ke Yithriɛl bɛ̈ɛ̈i ciëën kedhie në juööriic ke ye miɔ̈c gëmë yɛn. Abïk keek bɛ̈ɛ̈i në kuurdiën ɣeric nɔm në Jeruthalem në jöŋgöör kɔ̈ɔ̈th, ku mul ku thɔ̈rɔ̈ɔ̈l ku në abëël ke jöŋgöör ke tɔŋ, cït man ye kɔc ke Yithriɛl miɔ̈c ë rap bɛ̈ɛ̈i ɣön ë Bɛ̈nydït ke cï tääu në kapiɛth cïn yiic acuɔl yiic.

Yith 66:23

Në dhuëëŋ de pɛɛi ë piac wil ëbɛ̈n, ku akööl ke Thabath kedhie, kɔc ke juöör ëbɛ̈n abïk a bɛ̈n lam ë Jeruthalem ee tënë, acïï Bɛ̈nydït lueel.

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 23:20

ku acïï bï kɔ̈ɔ̈c agut të bï yen kë kɔɔr bïï looi kɔn looi. Ku në akööl bï bɛ̈në kɔcke abïk ee kënë yökic apiɛth.”

Jeremia 26:18

“Wään ye Ɣedhekia melik de Juda, tiët Maika wun ë Moreceth, acï kɔc ëbɛ̈n bɛ̈n yɔ̈ɔ̈k, an acïï Bɛ̈nydït de rɛm lueel nɔn, ‘Bï ë Dhiɔn puur cï dom, ku Jeruthalem abï aa dhuur nɔm, ku kuur de Luaŋdït abï aa roor.’

Jeremia 3:17

Na lɔ ee köölë bɛ̈n Jeruthalem abï ya cɔɔl an, “Thöny de Bɛ̈nydït ku juöör kedhie abïk kenïïm mat ëtɛ̈ɛ̈n ku lamkï Yɛn. Acïkï kakɛn ke riɛl ë nɔm ku ka cïï piɔ̈ɔ̈th racken lɛ̈k keek bï bɛ aa looi.

Jeremia 30:24

Agönh tuc de Bɛ̈nydït acï rɔt bï puk, ke kën këdɛn kɔɔr bïï looi looi. Ku kënë abäk yökic në akööl ciëën bï bɛ̈n.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Jeremia 48:47

Ku në akööl bï bɛ̈në Bɛ̈nydït abï Mowap bɛ tɔ kueth. Ka kakë kedhie, ee ka cï Bɛ̈nydït ke lueel nɔn bï kek röt luöi Mowap.

Jeremia 49:39

Ku në kecök ciëën Yɛn bï kɔc ke Eelam bɛ tɔ kueth. Acä lueel, Yɛn Bɛ̈nydït.”

Jeremia 51:44

Yɛn bï Bel luöi këtuc, yanh de Babilonia, ku abä tɔ gɛm wëukɛn cï kual, ku acïï juöör yen bï bɛ aa lam. “Kɛ̈l ke Babilon acïk wïïk.

Edhekiɛl 38:16

Wek bï kɔckiën ke Yithriɛl mak cï amaŋ tem piny kɔ̈u. Të cï köölë bɛ̈n, wek bä ke tooc bäk pinydï lɔ peec, ke bä nyuöth juöör ya ŋa, bä ɣɛɛr de yɛn yic nyuɔɔth në kë bä looi në kueerdun.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Danyel 10:14

Yɛn aa bɔ̈ bä yïn tɔ ŋic kë bï rɔt luöi kɔckun wadäŋ. Kënë ee nyuuth në biäk de wadäŋ.

Danyel 2:28

Ku ade Nhialic nu paannhial, yen ee kacïmoony nyuɔɔth. Nhialic acï melik nyuöth ka bï tuöl wadäŋ. Ku ënɔɔnë yïn bä lɛ̈k nyuöth ë nyuöth yïn, wään niin yïn në agen nɔm.

Danyel 2:35

Ku ëtɛ̈ɛ̈n, wëëth, ku tiɔp, ku maläŋ, ku ateek, ku adhääp acïk lɔ mot ka cïk ciët tɔɔr nu tën ye rap kɔ̈ɔ̈m mɔ̈i. Go yom keek kuɔɔth wei kedhie, abï ciën të tiëc. Ku kuur acï bɛ̈n dït abï ya kuurdït cï piny paat nɔm.

Danyel 2:45

Ku acï tïŋ nɔn cï kuur löny nhial ke cïn raan cï ye jak, ku luöi cï yen kë cï käär ë wëëth, ku maläŋ ku tiɔp, ku ateek ku adhääp yup. Nhialic dït alɛ̈k melik kë bï tuöl wadäŋ. Yïn cä lɛ̈k nyuöthdu ë wop, ku lɛ̈k yïn kë lueel ë nyuöth ë yic.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Dhek 14:10

Yen ee pinyë ëbɛ̈n, abïï raai nɔm piny, gɔl ë Geba të lɔ rut aɣët cï Rimon të le wöuwic. Jeruthalem abï woi nhial në wuöt thiääk ë yen, pänydït abï ɣet gɔl ë kal ë Benjamin thok leer ë kal aguk thok, të wään kɔn ë kal tueŋë thok tɔ̈u. Ku gɔl në aloocdïït bäär de Ɣananel leer të ye mɔ̈n ë melik dhiim.

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Dhek 8:22

Kɔc juëc, ku juöör ril abïk aa bɛ̈n Jeruthalem, bïk Bɛ̈nydït de rɛm bɛ̈n lam, ku läŋkï athiɛɛi keek.

Dhek 8:3

Ku ënɔɔnë, yɛn puk a nɔm pinydï. Yɛn bï lɔ rëër Jeruthalem yɛn guöpdï. Ka Jeruthalem abï ya cɔɔl an, Pänydït adöt, ku cɔl kuur de Bɛ̈nydït de rɛm an kuur ɣeric.

Malakai 3:12

Ku juöör ke piny nɔm kedhie, abïk week aa cɔɔl an kɔc cï thieei, në luɔi bï pinydun aa piny läk arëët, kë lueel ë Bɛ̈nydït de rɛm ka.

Kuɛ̈n 24:14

Go Balaam lɛ̈k Balak an, “Yɛn puk a nɔm kɔckï, ku të kɛn Ɛn kɔn jäl, ë yï lɛ̈k ke bïï kɔc ke Yithriɛl luöi kɔcku në akööl bɔ̈ tueŋ.

Luɔi 2:17

An, ‘Acï Nhialic lueel an, Miäk wadäŋ, Wëikï abä ke luööŋ ë kɔc gup kedhie. Ku wɛ̈ɛ̈tkun ku nyïïrkun abïk käŋ aa caar, ku röörkuöndït abïk aa nyuöth ë käŋ.

2Tim 3:1

Jɔ kënë ŋic an, të cï thök de piny thiɔ̈k, ke akööl rac bï kɔc dhal abïk bɛ̈n.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

2 Pet 3:3

Jakï kënë kɔn ŋic, an, Të cï thök de piny thiɔ̈k, ke kɔc de gup agɛɛt abïk bɛ̈n ë agɛɛtden, kɔc cath në këde ŋɔ̈ɔ̈ŋdɛn ë ke dɔm,

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.