Yith 13:2 - JAM DE NHIALIC 2011

² Në kuur cie luɔk nɔm yen aa jɔt ë beer ë tɔŋ nhial! Mɔ̈ckï kiɛɛu rem de tɔŋ ku jatkï we kök nhial ke ye kë nyuth keek, luɔi bä wek thook ke kal ë pänydïït ɣɛ̈ɛ̈c yenɔm lɔ mak.

Yith 13:2 Iomraidhean Croise

Diɛt 60:4

Yïn ë kɔc ee Yï riëëu nyuööth, agokï poth ë riääk yic.

Yith 10:32

Köölë, kɔc ke ater anukï wun cɔl Nop, ku ëtɛ̈ɛ̈n ayek kuur ë nyan de Dhiɔn nyooth, yen kuur ë Jeruthalem.

Yith 11:12

Bɛ̈nydït abï beer jat nhial, ke bï ë juöör ŋic nɔn mɛ̈ɛ̈t En kɔckɛn ke Yithriɛl ku kɔckɛn ke Juda yiic, kɔc cï thiäi. Ku bïï ke ciëën në aguuk ke piny yiic kaŋuan.

Yith 11:15

Bɛ̈nydït abï Baar ë Thueth tɔ dëu, ku abï yom tuc bɛ̈ɛ̈i ku tɔ wɛ̈ɛ̈r ë Yuparat tɔ dëu, ku nyiëëŋ nyïïn thiiakäŋ kadhorou piny, ago raan ëbɛ̈n keek aa teem ke ke lɔ lɔɔk.

Yith 18:3

Piŋ yïn raan ëbɛ̈n ceŋ piny nɔm! Woi yɛn gut beerdï piny ë kur nïïm! Të kuɔɔth ɛn kaaŋ ke piŋ!

Yith 19:16

Kööl abɔ̈ kööl bïï ë kɔc ke Rip röt kuɔɔr piny cï diäär. Abïï ke lath në riɔ̈ɔ̈c të le kek Bɛ̈nydït de rɛm tïŋ ke jɔt yeciin bïï ke luöi këtuc.

Yith 31:9

Melikden abï kat në riɔ̈ɔ̈c dït, ku bänykɛn ke tɔŋ abïk riɔ̈ɔ̈c arëët, ka abïk beerdɛn ë tɔŋ nyääŋ piny.” Acïï Bɛ̈nydït lueel, Bɛ̈nydït ye lam në Jeruthalem, ku ye manydɛn de miɔ̈c näk dëp ë Dhiɔn.

Yith 5:26

Abï kïït nyuɔɔth kïn cɔl En jur nu tëmec. Ku koth kaaŋ bïï ë kɔc piŋ ë piny thar. Agokï dap bɛ̈n ke ke riŋ aläl!

Jeremia 50:2

“lɛ̈kë thok juöör! Guiir jam! Nyuɔɔthë kïït ku caalë thok! Du muk ke ee kë cï moony! Babilon acï wïïk! Marduk yanhde acï dhuööŋ! Yiëth ke Babilon acï keek tɔ yäär gup, yiëthkɛn nhiany gup acï ke dum yiic!

Jeremia 50:41

“Kɔc abïkï piny tɔ̈u të lɔ rut, jur ril mec arëët, ku meliik juëc aguiirkï tɔŋ.

Jeremia 51:12

Gamkï kïn bïï ë kɛ̈l ke Babilon mak. Takï kɔc ee tïït ril! Takï rem de tɔŋ ee tïït biic lɔ tëden! Takï kɔc ee kɔc buuth thiaan!” Bɛ̈nydït acï këdɛn cï lueel an bïï luöi kɔc ke Babilonia looi.

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Jeremia 51:58

Kɛ̈l ke Babilon dït abï keek thuöör piny, ku thook ke kɛ̈lkɛn bär abï keek nyuɔp piny. Luɔi de juöör acï aa ɣɔ̈ric ëbɛ̈n, këdɛn cïk looi acï guɔ lɔ nhial në lɔ̈k de mac. Acä lueel Yɛn Bɛ̈nydït de rɛm.”