Yith 1:1 - JAM DE NHIALIC 2011

¹ Awerekë ade yic nyuuth ɣɔn cï Nhialic ke nyuöth Yithaya wën Amodh, në biäk de Juda ku Jeruthalem, në akööl ɣɔn ye Yudhia ku Jotham ku Aɣadh ku Ɣedhekia meliik ke Juda.

Yith 1:1 Iomraidhean Croise

2 Mel 15:1

Na ɣɔn aa cï run ke Jerobowam de Rou, melik de Yithriɛl aa thiërrou ku dhorou në bääny yic, go Yudhia wën ë Amadhia aa melik de Juda,

2 Mel 15:13

Në ruöön thiërdiäk ku dhoŋuan në bääny de melik Yudhia de Juda yic, go Calum wën ë Jabec bääny gɔl ke ee melik de Yithriɛl, ago bääny muk ë Thamaria në pɛɛi tök.

2 Mel 15:32

Në ruöön ye melik Peka wën ë Remalia run rou ë bääny de Yithriɛl yic, go Jotham wën ë Yudhia aa melik ë Juda,

2 Mel 15:7

Go Yudhia thou, go tɔ̈ɔ̈u ë rɛ̈ŋ ke meliik yiic ë Pänydït de Debid, go Jotham wënde lɔ në nyinde yic ke ye melik.

2 Mel 18:1

Në ruöön ye Ɣocia wën de Ela run diäk ke ye melik de Yithriɛl, go Ɣedhekia wën ë Aɣadh aa melik ë Juda,

2 Mel 19:2

Ku tooc Eliakim bɛ̈ny ë rem de tɔŋ nu baai de melik nɔm, ku Cebana raan ee kake göny gɔ̈ɔ̈r, ku bɛ̈nydïït ë kake Nhialic bïk lɔ tëde tiët ë Nhialic Yithaya wën ë Amoth ke ke cieŋ lupɔɔ ke cuɔl.

2 Lëk 26:1

Na ɣɔn ke kɔc ke Juda ë ke kuany Yudhia wën de Amadhia ke ye Melik ë nyin de wun yic, ku aaye run thiëër ku dhetem.

2 Lëk 26:22

Këriëëc ëbɛ̈n cï Yudhia looi, gɔl tueŋ leer ciëën, acï tiët Yithaya wën de Amodh ke gɔ̈ɔ̈r.

2 Lëk 27:1

Jotham aa dɔm bääny ke ee run thiërrou ku dhïc, go bääny muk ë Jeruthalem në run kathiëër ku dhetem. Man acɔl Jeruca, nyan de Dhadok.

2 Lëk 28:1

Aɣadh aa dɔm bääny ke ee run thiërrou, go bääny muk ë Jeruthalem në run kathiëër ku dhetem. Akën täu piɛth de kuɛɛrë melik Debid kuany yic, acï kërac looi ë Bɛ̈nydït nɔm,

2 Lëk 29:33

ku bïïkï bot kadhetem ke miöör ayadäŋ, ku bïïkï aguum kadiäk 3,000 ke amɛ̈l ke ye miɔ̈c näk bï ë kɔc cam.

Diɛt 89:19

Yïn cï jam ɣɔn thɛɛr ë nyuuth, ku lɛ̈kë awunduön piɛthpiɔ̈u, an, “Yɛn cï kuɔɔny gäm jön de tɔŋ cï leec, yɛn cï thööc gäm raan töŋ cä lɔc në kɔc yiic.

Yith 13:1

Kënë ee jam në biäk de Babilon, jam wään cïï Nhialic gäm Yithaya wën de Amodh.

Yith 2:1

Kënë ee wël cïï Nhialic ke gäm Yithaya wën de Amodh në biäk de Juda ku Jeruthalem.

Yith 20:2

Na wën cï run kadiäk wan, go Bɛ̈nydït Yithaya wën Amoth yɔ̈ɔ̈k an, “Bɛ̈ɛ̈iyë lupɔɔku bei ëbɛ̈n, ayï wɛɛrku. Go Yithaya looi cït man cïï ye lɛ̈k en, ago piny aa kuany ke cïn kɔ̈u lupɔɔ ku cïn cök war në run kadiäk.

Yith 21:2

Yɛn ë nyuuth de yic riäŋ rac ku riɔ̈ɔ̈c tïŋ. Rem de tɔŋ de Eelam ku Media amɛkkï rem de tɔŋ ë Media, ku tookkï pɛ̈ɛ̈nydït! Bɛ̈nydït abï nuan cïï Babilon luöi kɔc tɔ thök.

Yith 37:2

Go Eliakim tooc, raan nu ë kake baai de melik nɔm, ku Cebana raan ee kake gööny gɔ̈ɔ̈r, ku bɛ̈nydïït ë kake Nhialic bïk lɔ tëde tiët ë Nhialic Yithaya wën de Amodh ke ke ceŋ lupɔɔ ke cuɔl.

Yith 38:1

Në ë kaamë yic melik Ɣedhekia aacï ë jɔk dɔm ku aacï thiɔ̈k ke thuɔɔu, go tiët ë Nhialic Yithaya wën Amodh yen lɔ tïŋ ku lɛ̈k ɛn an, “Alëk ë Bɛ̈nydït yïn an coc kaku ëbɛ̈n jɔŋ nu ë yïguöp acï bï thök, abï yï nɔ̈k.”

Yith 40:9

Dhiɔn, lɔ nhial në kuur bäär nɔm ku luel wëlpiɛth! Dhiɔn, cɔ̈t në röl dït, caalë wëlpiɛth! Luel këriëëc ku du riɔ̈c, lɛ̈kë wuöt ke Juda, nɔn bïï ë Nhialicden!

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.

Yith 7:1

Na ɣɔn aacï melik Aɣadh wën ë Jotham, ku ye wën ë wën Yudhia jɔ aa melik de Juda, go tɔŋ thɔ̈ɔ̈r yï Redhin melik de Thiriya, kekë Peka wën ë Remalia melik de Yithriɛl, acïk Jeruthalem mak, ku akënkï bɛ̈n lëu në pɛ̈c.

Jeremia 23:16

Acïï Bɛ̈nydït de rɛm lɛ̈k kɔc ke Jeruthalem an, “Duökï kë lueel ë tït piŋ, athiɔ̈ŋkï week në aŋäth ɣɔ̈ric. Ayek we lɛ̈k kë yek thɔ̈ɔ̈ŋ, ke cie kën ë luɛɛl.

Edhekiɛl 1:1

Në kööl de dhïc, në pɛɛi de ŋuan, në ruöön ye run ke pɛ̈c thiëër ku diäk, yɛn Edhekiɛl wën de Budhi, bɛ̈ny de kake Nhialic, yɛn aa rɛ̈ɛ̈r wo kɔc ke Judai cï peec në Kiir de Cebar thok piny de Babilon. Go paan nhial rɔt liep ku tiëŋ nyuuth de Nhialic.

Ɣodh 1:1

Jam de Bɛ̈nydït kï, jam ë bɔ̈ tëde Ɣodhiya wën ë Beeri, në akööl ɣɔn ye Yudhia kekë Jotham, ku Aɣadh, ku Ɣedhekia meliik ke Juda. Ku ye Jerobowam wën ë Jowac meliŋ de Yithriɛl.

Amoth 1:1

Amoth ee raan töŋ de tïït ke thök, wun cɔl Tekowa. Ku jam ë lueel kï, në ka cï tïŋ në biäk de Yithriɛl, të ɣɔn ŋoot ë run kaarou wei, ɣɔn cïï piny rɔt nieeŋ. Ku në ee ruöönë, Yudhia aaye melik de Juda, ku ye Jerobowam wën ë Jowac, meliŋ de Yithriɛl.

Amoth 4:5

Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Maika 1:1

Në akööl ɣɔn ye Jotham kekë Aɣadh, ku Ɣedhekia meliik ke Juda, Bɛ̈nydït acï jam kekë Maika, raan wun ë Moreceth. Go nyuöth ee kakë në biäk de Jeruthalem kekë Thamaria.

Naɣum 1:1

Jam kï, jam ë bɔ̈ në biäk de wun cɔl Ninebe. Jam ë tïŋ ë Naɣum, raan wun Elekoc ke ye nyuuth.

Ɣabakuk 2:2

Go Bɛ̈nydït jamdï bɛ̈ɛ̈r lëk ɛn an, “Gäär ee nyuuthdiënë në pam kɔ̈u në gäär dït nyin ke bïï raan riŋ lëu në kuɛ̈n, ku bïï ke lɔ lɛ̈k raan däŋ.

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Kuɛ̈n 24:16

Raan ee jam lueel ë Nhialic piŋ, Ku yök yic tëde Nhialic Awärjäŋ. Raan ee nyuuth yök tëde Awärjäŋ, ago wïïk, ku ŋoot ke daai nyin.

Kuɛ̈n 24:4

Raan lëu bï kë lueel ë Nhialic piŋ ë gɔk, raan ee nyuuth tïŋ tëde Nhialic Awärjäŋ, ago wïïk piny, ku ŋoot ke daai nyin.

Math 17:9

Na wën, aa bïk piny ë kuurdït nɔm, ë ke lom Yecu thook an, “Duökï de raan lɛ̈kkï kë cäk tïŋ, aɣët të bïï ë Wën ë Raan rɔt jɔt ë kɔc cï thou yiic.”

Luɔi 10:17

Na wën, aŋoot Petero ke dhɛl kë wën cï tïŋ ke ee nyuöth, akën yökic, ke kɔc cï tooc ë Korunelio ke ke dap bɛ̈n, acïk ɣön ë Thimon luɔp, ku kɛ̈ɛ̈ckï ë kal thok.

Luɔi 26:19

“Yen akɛ̈n ɛn kë cï nyuöth ɛn rɛɛc, kë bɔ̈ nhial, yïn melik Agiripa.

2 Kor 12:1

Yɛn bï rɔt dhil leec, acakaa yen ë cïï piɛth, ku yɛn bï bɛ̈n të nu jam de tïŋ cän Bɛ̈nydït tïŋ ku nyuuth cï en rɔt nyuöth ɛn.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.