Tito 2:2 - JAM DE NHIALIC 2011

² An, ë röördït ë ke ye röt tiit apiɛth, ku yek kɔc piɛth nïïm, kɔc ee nïïm tiëër, kɔc ee tɔ̈u apiɛth ë gäm, ku nhiëër, ku ruötëpiɔ̈u.

Tito 2:2 Iomraidhean Croise

Jop 12:12

Pɛlënɔm ee këde röördït ku ye yöŋ de käŋiic këde kɔc cïï runken juëc.

Diɛt 92:14

tiim ee ŋuɔl ë mïth ke ke cï dhiɔp ku ayek tɔ̈c ku rilkï ëceŋ.

Kɛ̈ŋ 16:31

Luɔu de nɔm yen ee göl ë dhuëëŋ aye yök në piathëpiɔ̈u.

Yith 65:20

Mïthii ë dhiëth acïkï bï bɛ thou ke ke kor, ku kɔc kedhie abïk dɛ pïïr bäär. Kɔc bï pïïr në ruöön bɔt kek abï cït mïth dhuök. Na lɔ raan thon ke kën ee runkë cuööp, kënë abï aa kïn nyooth luöi cän keek luöi këtuc.

Lebai 19:32

Yak kɔc dït riëëu gup ku yak keek theek gup, yak Nhialicdun riëëu, ee Yɛn Bɛ̈nydït.

Mak 5:15

Gokï bɛ̈n të nu Yecu, ku tïŋkï raan wën de guöp jɔɔk, ke rɛ̈ɛ̈r, ku ceŋ lupɔ, ke cï nɔm piath, yen raan wën cath ke rem dïït ë jɔɔk rac, gokï riɔ̈ɔ̈c.

Luk 8:35

Go kɔc lɔ biic lek ke cï looi tïŋ, gokï bɛ̈n të nu Yecu, ku yökkï raan wën cï jɔɔk rac jäl ë yeguöp, arɛ̈ɛ̈r ë Yecu cök, ke ceŋ lupɔ, acï nɔm piath, agokï riɔ̈ɔ̈c.

Luɔi 24:25

Na wën, aguiir Paulo këde piathëpiɔ̈u, ku në döm ee raan rɔt dɔm, ku në guiëër bï löŋ de kɔc guiir rial, ke Pelik jɔ riɔ̈ɔ̈c arëët, go bɛ̈ɛ̈r an, “Jɔ jäl ënɔɔnë. Na miäk, të cän akööl piɛth yök, ke yïn bä cɔɔl.”

Romai 12:3

Ku ënɔɔnë, në dhuëëŋdepiɔ̈u cï gäm ɛn, yen a lɛ̈k raan ëbɛ̈n në weyiic an, ë cïn raan ee rɔt tɔ dït ë dït cïï röŋ ke ye, yak röt tɔ nu ë kaamic, acït man cï Nhialic kɔc tɛ̈k gäm raan ëbɛ̈n.

1 Kor 15:34

Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

1 Kor 9:25

Ku raan ëbɛ̈n raan ee rɔt tiit ë luɔi bï en kɔc wöör, ee rɔt ŋiëc muk ë këriëëc ëbɛ̈n. Ku keek ayek luui aya ke ke bï göl bï riääk yök, ku wo bï göl cïï bï riääk yök.

2 Kor 5:13

Ku na ye të jiɛɛm wok wei, ee këde Nhialic, ku na yok nïïm piath, ee këdun week.

Galatai 5:23

kuur ë raan rɔt tɔ koor, döm de röt: acïn löŋ de ater në ka cït ee kakë.

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

1 Theth 5:6

Yen du wok ee niin cït man ë kɔc kɔ̈k, yok yïn ku piɛthku nïïm.

1 Theth 5:8

Ku wook, wok kɔc ke aköl, yok nïïm piath, abuk wëu pät yiic ee yɔu gël aa cieŋ, wëu ke gäm ku nhiëër, ku në baŋ de akup de aŋäth ku kunydewëi.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

1 Tim 1:14

Ku dhuëëŋ de Bɛ̈nydïïtda piɔ̈u acï rɔt ŋuak abï kït aläl kekë gäm ku nhiëër nu ë Kërtho Yecuyic.

1 Tim 1:2

Ee Timotheo en gäär, ee mɛnhdiën yic në gämic: Ë dhuëëŋdepiɔ̈u ë ye tɔ̈u ke yïn, ku kokdepiɔ̈u, ku mät, në ke bɔ̈ tëde Nhialic Wääda ku Kërtho Yecu Bɛ̈nydandït.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Tim 3:11

Ku diëërken aya abïk aa diëër piɛth nïïm, ku cïkï ë mantuum, abïk aa diëër ŋic röt muk, diëër ee käŋ döt apiɛth kedhie.

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 3:4

Abï aa raan ee dhiënde ŋiëc cieŋ apiɛth, ee mïthke tɔ piŋ jam apiɛth, në riëëu ee kek kɔc riëëu,

1 Tim 3:8

Ku yen acït täu de kɔc ee ka ke ɣön ë Nhialic looi aya, abïk dhil aa kɔc piɛth nïïm, ku cïkï ee kɔc ee liëp rou, ku cïkï ee kɔc ee mäu juëc kɔɔr, ku cïkï ee wäth ë wëu ke ayäär,

1 Tim 5:1

Raandït nu ë kɔc nïïm du ye nen aläl, ye lɔ̈ŋ tei cït man ë wuur, ye dhuök tɔ cït mïthëkɔckun,

Tito 1:13

Kë lueel cäätɔyë ee yic. Yen ee yïn keek jɔ̈ɔ̈ny ë jäny rac, ke ke bï aa tɔ̈u ë gämic ke cïn kërac,

Tito 1:8

Ku abï aa raan ŋic kamaan, raan nhiaar këpiɛth, raan piɛth nɔm, raan ŋic löŋ piɛth lueel, raan ɣeric, raan ŋic rɔt muk.

Tito 2:7

Ku yïn bï rɔt tɔ ye raan bï kɔc këde dɔmic, në luɔi piɛth ëbɛ̈n: tɔ wëëtdu tɔ̈u ke cïnic kënhiany, ke ye wëët thiek, cïnic ruëëny.

Pile 1:9

Ku në biäk de nhiëër nhiaar ɛn yïn, yïn läŋ tei, yɛn raan cɔl Paulo mony cï dhiɔp, ku ye raan mac ënɔɔnë aya në baŋ de Yecu Kërtho.

1 Pet 1:13

Yen juɔɔc wek wepiɔ̈ɔ̈th, ku yak yïn, ku yak cök ë ŋääth wek dhuëëŋdepiɔ̈u bïï yiɛ̈n week ë kööl bï Yecu Kërtho rɔt nyuɔɔth.

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

2 Pet 1:6

ku matkï dömderɔt kekë ŋïnydekäŋ, ku matkï guömdekäŋ kekë dömderɔt, ku matkï riëëu de Nhialic kekë guömdekäŋ,