Tito 1:4 - JAM DE NHIALIC 2011

⁴ Awerek en gäär Tito, mɛnhdiën yic në këde gämdan cuk rɔm ëtök. Ë dhuëëŋdepiɔ̈u ku mät ë ke ye tɔ̈u në yïn, në ke bɔ̈ tëde Nhialic Wääda kekë Bɛ̈nydït Yecu Kërtho Konyda.

Tito 1:4 Iomraidhean Croise

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Jɔn 4:42

agokï lɛ̈k tik an, “Wok ë gam ënɔɔnë, ku acie biäk de jamdu: acuk piŋ ë wok gup, agoku ŋic nɔn ee yen Kërtho në yic, konydewëi de jäŋ ëbɛ̈n.”

Romai 1:12

Yen aye kë bï wo muk piɔ̈ɔ̈th wokë week ëtök, në gäm cï wo gam wodhie, gämdun week ayï gämdï.

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

2 Kor 12:18

Yɛn ë Tito lɔ̈ŋ an, bï lɔ tëde week, ku ja mɛnhkënëdan däŋ tooc kekë yen ëtök. De kë cï Tito we cam? Ë wo cïï cath ë piɔ̈n töŋë? Ë wo cïï cath ë kueer töŋë?

2 Kor 2:13

Acïn lɔ̈ŋ cä yök ë yapiɔ̈u, luɔi kɛ̈n ɛn Tito mɛnhkäi yök: aguɔ kɔckë tɔ̈ɔ̈ŋ, guɔ jäl ëtɛ̈ɛ̈n la Makedonia.

2 Kor 4:13

Ku wo cath wo wël töŋë wël ke gäm, acït man ee këcïgɔ̈ɔ̈r ye lueel an, “Acä gam, en aa jam ɛn.” Ayï wook ayadäŋ, wok gäm, ku yen aa jiɛɛm wok.

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

2 Kor 8:16

Ku thieithieei Nhialic Raan ë tɛ̈ɛ̈u lɛ̈thë yic manë guöp ë Tito piɔ̈u në biäkdun.

2 Kor 8:23

Ku na de raan lop ë këde Tito, ee raan rom wok ëtök ku luiku ëtök në këdun, ku na lop raan ë këde mïthëkɔckuɔ, ayek tuuc ke ɣööt ke Nhialic, ku yek dhuëëŋ de Kërtho.

2 Kor 8:6

Agoku Tito yɔ̈ɔ̈k an, cït man cï en ë kɔn gɔl, ka bï dhuëëŋë thöl ë weyiic aya.

Galatai 2:3

Ku acakaa Tito akënë dhil tɔ cuel ayadäŋ, ku ye Girikii:

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Galatai 3:28

Judai ayï Girikii aliu ee tënë, ayï lïm ayï raan ë cath ë këde yenhde aliukï ayï moc ayï tik aliukï aya: week wedhie wek ee tök në Kërtho Yecu yic.

Epethiei 1:2

Ë dhuëëŋdepiɔ̈u ë tɔ̈u ke week, ku mät, në ke bɔ̈ tëde Nhialic Wääda kekë Bɛ̈nydït Yecu Kërtho.

Kolothai 1:2

Awerek en gɛ̈ɛ̈rku kɔc ɣerpiɔ̈ɔ̈th ku mïthëkɔckuɔn adööt ë Kërthoyic kɔc nu Kolothai: Ë dhuëëŋdepiɔ̈u ë tɔ̈u ke week ayï mät, në ke bɔ̈ tëde Nhialic Wääda kekë Bɛ̈nydït Yecu Kërtho.

1 Tim 1:12

Ku aluɛɛl an, thieithieei raan cï a gäm riɛl, yen Kërtho Yecu Bɛ̈nydït, luɔi cï en a tɔ ye raan adöt, ago ya dɔm bä luɔide looi.

2Tim 1:1

Yɛn Paulo, tuny de Yecu Kërtho në këde piɔ̈n ë Nhialic, në këde pïïr cï kɔn lueel an, bï gäm kɔc, pïïr nu ë Kërtho Yecuyic.

2Tim 1:2

Awerek en gäär Timotheo, mɛnhdiën nhiaar: Ë dhuëëŋdepiɔ̈u ë ye tɔ̈u kekë yïn, ku mät, ku kokdepiɔ̈u, në ke bɔ̈ tëde Nhialic Wääda kekë Kërtho Yecu Bɛ̈nydïïtda.

2Tim 4:10

Demath acï a päl wei, në nhiëër cï en pinyë ënɔɔnë nhiaar, ago jäl le Thethalonika, ku lɔ Kerethke Galatia, ku lɔ Tito Dalmatia.

Tito 1:3

ku acï jamde nyuöth kɔc ëkööldɛn piɛth në guiëër ë wëlpiɛth, guiëër cï tääu ë yacin këde löŋ de Nhialic Konyda.

Tito 2:13

ku yok aŋäth cï thieei tiit, ku titku tuöl bï dhuëëŋ de Nhialicdandït ku Konydan Yecu Kërtho tuöl,

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

2 Pet 1:11

Ku yen abï we dap päl lɔ ë ciɛɛŋ ë Bɛ̈nydïïtdan Yecu Kërtho Konydayic, ciɛɛŋ ee tɔ̈u athɛɛr.

2 Pet 2:20

Ku na kɔc cï kɔn poth në kacol ke piny nɔm, në ŋïny ee kek Bɛ̈nydït ŋic yen aye Konydan Yecu Kërtho, të cï ke bɛ deep ë keek ku tiam ke, ke täudɛn ciëën jɔ rac awär täudɛn tueŋ wään.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

2 Pet 3:2

ke we bï wël aa tak, wël cï kɔn lueel ë tït ɣeriic, ku takkï löŋda wok tuuc ke Bɛ̈nydït ku ye Konydan ë Wëi.

1 Jɔn 5:14

Riɛl ee wo nyïïn riɛl ë yenɔm kï, an, Tëde en kë yok lip, kë rɔ̈ŋ ke këde yenpiɔ̈u, ka ye këda piŋ.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.